Te Tusi i te Lua ki te Kau Kolinito 3:1-18

  • Pepa fakatalitonu (1-3)

  • Tavini o te feagaiga fou (4-6)

  • E sili atu te ‵malu o te feagaiga fou (7-18)

3  E a, ka toe kamata o fakaasi atu ne matou me ko oi matou? Io me e ma‵nako koutou ke tuku atu ne matou ne pepa fakatalitonu ki a koutou io me mai i a koutou, e pelā mo nisi tino?  A koutou ko omotou pepa fakatalitonu,+ kolā e tusi i omotou loto kae e iloa kae fai‵tau ki ei a tino katoa.  Me e fakaasi mai ne koutou i a koutou se tusi mai i a Keliso telā ne tusi ne matou kolā ko ana tavini,+ ne seki tusi ki vaitusi kae ki te agaga o te Atua ola, e seki tusi i luga i papa fatu+ kae i luga i fatu faka-te-foitino kolā ko loto o tino.+  E auala i a Keliso ko maua ei ne tatou a te loto talitonu tenei e uiga ki te Atua.  E se ko tena uiga me ne fai ne matou a matou eiloa ke fetaui ‵lei mō te galuega tenei, kae ko te Atua eiloa ne faka‵sopo ne ia matou,+  telā ne fai ne ia ke fetaui ‵lei matou e pelā me ne tavini o te feagaiga fou,+ e se ko te tulafono tusia+ kae ko te agaga; me e maua te fakasalaga ki te mate i te tulafono tusia,+ kae e maua te ola mai te agaga.+  Nei la, kafai ne tuku mai te tulafono telā e maua i ei te mate kae telā ne tusi a mataimanu i luga i fatu+ mā i se auala ‵malu, ko te mea ke se mafai o ‵kilo atu a tino Isalaelu ki mata o Mose ona ko te ‵malu i ana mata,+ ko te ‵malu telā ka fakaseai atu,  kaia la ka se sili atu ei te ‵malu+ o te tukumaiga o te agaga?+  Me kafai e ‵malu+ a te tulafono telā e maua ei te fakasalaga,+ ka lasi fakafia atu a te ‵malu telā ka maua i te aumaiga o te amiotonu!+ 10  Se mea tonu me i te mea telā ne ‵malu muamua ko oti ne tapale kea‵tea te ‵malu mai ei, me ko isi se ‵malu telā ko sili atu i ei.+ 11  Me kafai ne tuku mai mo te ‵malu a te mea telā ka fakaseai atu,+ ka sili atu la te lasi o te ‵malu o te mea telā ka tumau!+ 12  Ona ko te mea ko maua ne tatou se fakamoemoega penā,+ ko lasi te saolotoga e fakaaoga ne tatou ke fai‵pati atu, 13  kae e se fai ne tatou a te mea telā ne fai ne Mose i te taimi ne ‵pono ei ana mata ki te veli+ ko te mea ke se ‵kilo atu a tino Isalaelu ki te gataga o te mea telā ka fakaseai. 14  Kae ne fakapouligina olotou mafaufau.+ Me koi tumau eiloa te veli tenā kae seki tapale kea‵tea ke oko mai eiloa ki te aso nei i te taimi ne faitau ei te feagaiga mua,+ me e fakaseai atu fua te mea tenā e auala i a Keliso.+ 15  E tonu, ke oko mai ki te aso nei, so se taimi e faitau ei ki tusi a Mose,+ e ‵pono olotou loto ki se veli.+ 16  Kae kafai e ‵fuli atu se tino ki a Ieova,* ko tapale ei a te veli kea‵tea.+ 17  A Ieova* ko te Agaga eiloa,+ kae ko so se koga e nofo i ei te agaga o Ieova,* e nofo foki i konā te saolotoga.+ 18  Kae ko tatou katoa, kafai ko fakaata atu ne tatou kolā e se ‵pono ‵tou mata ki se veli a te ‵malu o Ieova* e pelā me ne kilo, ka ‵fuli ei tatou ki te ata foki tenā mai te ‵malu e tasi ki te suā ‵malu,* e pelā eiloa mo te mea ne fai ne Ieova* telā ko te Agaga.*+

Fakamatalaga mai lalo

Onoono ki te MF A5.
Onoono ki te MF A5.
Onoono ki te MF A5.
Onoono ki te MF A5.
Eleni, “mai te ‵malu ki te ‵malu.”
Onoono ki te MF A5.
Io me kāti, “e auala i te agaga o Ieova.”