Te Tusi Muamua ki a Timoteo 5:1-25

  • Faifaiga e ‵tau o fai ki talavou mo tino ma‵tua (1, 2)

  • Fesoasoani ki fafine ko ‵mate avaga (3-16)

    • Tausiga ne se tino tena kāiga (8)

  • Āva ki toeaina ga‵lue malosi (17-25)

    • ‘Inu ki mu uaina ke ‵lei tou tinae’ (23)

5  Sa sona fakamasei ne koe se toeaina matua.+ I lō te fai penā, saga atu ki ei e pelā eiloa me se tamana o koe, kae ki tamataene e pelā me ne ou taina,  ki fāfine ma‵tua e pelā me ne ou mātua, ki tamafine e pelā me ne ou tuagane fakatasi mo te loto ‵ma katoatoa.  Saga tonu atu* ki fāfine ko ‵mate olotou avaga kolā e ma‵nako malosi ki se fesoasoani.*+  Kae kafai e isi ne tama‵liki io me ne mokopuna o se fafine ko mate tena avaga, fai ke iloa muamua ne latou o tapuaki fakamaoni ki te Atua i olotou kāiga+ mai te ‵toe taui atu ki olotou mātua mo olotou tupuna a mea e ‵tau o maua ne latou,+ me i te mea tenei se mea ‵lei i te kilokiloga a te Atua.+  A te fafine telā ko mate tena avaga kae e tiakina fua ke fakaalofa, ko oti ne tuku atu tena fakamoemoega ki te Atua+ kae e tumau i te fakatagi kae ‵talo atu i te po mo te ao.+  Kae ko te fafine telā e fia fakafiafia atu ki tena foitino, e tiga eiloa koi ola tou fafine kae ko mate a ia.  Tela la, tumau i te tukuatuga o fakatonuga konei ko te mea ke seai ne tala sē ‵lei e fai ki a latou.  Se mea mautinoa me ko so se tino e se tausi ki tena kāiga, kae maise eiloa a tino o tena kāiga tonu, ko tiaki ne ia te fakatuanaki kae ko masei atu i lō te tino telā e seai sena fakatuanaki.+  A te fafine ko mate tena avaga e ‵tau o fakamau tena igoa māfai ko oti ne kātoa tena 60 tausaga, kae ne tokotasi fua tena avaga, 10  e lauiloa i te faiga o galuega ‵lei,+ māfai ne puti aka ne ia ana tama‵liki,+ māfai ne talimalo+ sāle ne ia a tino, māfai ne mulumulu ne ia a vae o tino tapu,+ māfai ne fesoasoani atu ki tino loto mafatia,+ māfai ne toaga a ia o fai a galuega ‵lei katoa. 11  I te suā feitu, sa fakamaugina a igoa o fāfine kolā koi tai fo‵liki kae ko oti ne ‵mate olotou avaga me kafai ko fakalavelave atu olotou manakoga fakatauavaga ki te lotou taviniga ki a Keliso, ko ma‵nako ei ke toe a‵vaga latou. 12  Kae ka fakamasinogina latou me ko oti ne tiakina ne latou te fakaasiga muamua o te lotou fakatuanaki.* 13  E fai foki ne latou ke seai ne olotou mea e fai, kae e olo sāle faeloa mai te fale e tasi ki te suā fale; e tonu, e se gata fua i te sē ga‵lue, kae e gutu fai‵tala kae sona ‵kau atu fua ki mea a nisi tino+ kolā e seai eiloa se lotou fekau i ei. 14  Tela la, au e manako ke a‵vaga a fāfine tai fo‵liki kolā ko ‵mate olotou avaga,+ ke fai ne olotou tama‵liki,+ ke tausi ki olotou kāiga, ko te mea ke seai se avanoaga mō te tino ‵teke ke fakamasei atu ki a latou. 15  Se mea tonu me ko oti ne ‵fuli kea‵tea a nisi tino o tau‵tali atu i a Satani. 16  Kafai e isi se fafine talitonu e kāiga mo fāfine ko ‵mate olotou avaga, fai ke fesoasoani atu a ia ki a latou ko te mea ke se fakalavelave atu ki te fakapotopotoga. Tenā ko mafai ei o fesoasoani atu te fakapotopotoga ki fāfine ko ‵mate olotou avaga kolā e ma‵nako malosi ki se fesoasoani.*+ 17  Ke fakalasi aka te āva+ ki toeaina kolā e fai ne latou te takitakiga i se auala ‵lei,+ maise eiloa a latou kola e ga‵lue malosi i te fai‵pati mo te faiga o akoakoga.+ 18  Me e fai mai penei i tusitusiga tapu: “E se ‵tau mo koe o ‵sai te gutu o se pulumakau tagata i te taimi e lakalaka ei ne ia saito,”+ kae e toe fai mai foki penei, “E ‵tau o maua ne te tino galue tena ‵togi.”+ 19  Ke se talia ne koe se ‵losiga e uiga ki se toeaina matua* seiloga ke isi ne molimau e tokolua io me e tokotolu.+ 20  Polopoloki+ i mua o tino katoa a tino kolā e fai faeloa ne latou te agasala,+ ke fai mo akoakoga ki nisi tino.* 21  E fakatonu atu au ki a koe i mua o te Atua mo Keliso Iesu mo agelu filifilia, ke tausi ki fakatonuga konei e aunoa mo te fapito mo te fakailoga tino.+ 22  Ke mo a ma fakaeke fakavave atu ou lima ki luga i se tagata;*+ io me e aofia koe i agasala a nisi tino; tausi a koe ke ‵ma. 23  Sa toe inu ki vai,* kae inu foki ki ne mu uaina ke ‵lei ei tou tinae e pelā foki mo masaki e masaki ‵soko ei koe. 24  A agasala a nisi tino e iloa ne tino katoa, kae ka fakamasino fakavave latou, kae ko agasala a nisi tino, e ‵sae fakamuli aka.+ 25  E penā foki te iloa ne tino katoa a galuega ‵lei,+ kae ko galuega ‵lei kolā e seki iloa ne tino e se mafai o ‵funa.+

Fakamatalaga mai lalo

Eleni, “Fakaaloalo.”
Ko fāfine kolā ko ‵mate olotou avaga kae seai ne tino ke tausi atu ki a latou.
Io me “te lotou tautoga muamua.”
Ko fāfine kolā ko ‵mate olotou avaga kae seai ne tino ke tausi atu ki a latou.
Io me “se toeaina.”
Eleni, “ko te mea ke ma‵taku a nisi tino.”
Ko tena uiga, ke mo a ma fakasopo fakavave se tagata ki se tofiga.
Io me “Fakagata te inu fua ki vai.”