Te Tusi Muamua a Petelu 1:1-25

  • Alofaaga (1, 2)

  • Fanauga fou ki se fakamoemoega ola (3-12)

  • Ke tapu e pelā me ne tamaliki faka‵logo (13-25)

1  Au ko Petelu, se apositolo+ a Iesu Keliso, ki tino sē ‵nofo tumau kolā e salalau i Pono, Kalatia, Kapatokia,+ Asia, mo Pitunia, ko latou kolā ne filifiligina  e ‵tusa mo te iloa ‵mao o te Atua te Tamana,+ fakatasi mo te faka‵maluga e auala i te agaga,+ ko te mea ke faka‵logo kae ke fakamatulutulu atu a te toto o Iesu Keliso+ ki luga i a latou: Ke i luga i a koutou te alofa tauanoa mo te filemu telā e gasolo aka faeloa o lasi.  Ke vikia te Atua te Tamana o te ‵tou Aliki ko Iesu Keliso, ona ko te lasi o tena alofa fakamagalo ne fai ei ne ia ke toe fa‵nau+ mai tatou ki loto i se fakamoemoega+ ola e auala i te ‵toe fakatumaiga o Iesu Keliso mai te mate,+  ki se tofi telā e se mafai o pala kae e se lailai kae e se mafai o galo.+ E tausi te mea tenā i te lagi mō koutou,+  kolā e puipuigina ne te ‵mana o te Atua e auala i te fakatuanaki mō te fakaolataga telā ka fakaasi mai i te taimi o te gataga.  Ona ko te mea tenei ko fia‵fia malosi eiloa koutou, faitalia me ne ‵tau o mafatia koutou i tofotofoga kese‵kese i se taimi toetoe,+  ko te mea ke aoga fakafia atu te otou fakatuanaki telā ko oti ne tofotofogina,+ i lō te aulo telā e vave o masei faitalia me ko oti ne tofotofogina* ki te afi, ke fai mō otou tavaega mo te ‵malu mo te fakaaloalo i te taimi e fakaasi mai ei a Iesu Keliso.+  E tiga eiloa ne seki lavea ne koutou a ia, e a‵lofa eiloa koutou ki a ia. E tiga eiloa e se lavea ne koutou a ia i te taimi nei, kae e fakaasi atu faeloa ne koutou te fakatuanaki ki a ia kae e fia‵fia malosi koutou i te fiafia telā e se mafai o fakamatalagina kae ‵malu,  i te taimi e maua ei ne koutou te taui o te otou fakatuanaki, ko te otou fakaolataga.+ 10  E uiga ki te fakaolataga tenei, a pelofeta kolā ne ‵valo e uiga ki te alofa tauanoa telā ne fakatoka mō koutou ne fai faka‵lei olotou iloiloga kae sukesuke maea ki ei.+ 11  Ne tumau latou i te sukesuke e uiga ki te taimi tonu io me ko te vaitaimi fea telā e fakaasi atu ei ne te agaga i loto i a latou e uiga ki te Keliso+ e pelā mo te molimau ko leva ne fai e uiga ki logo‵maega ka maua ne te Keliso+ mo te tulaga ‵malu telā ka iku mai i ei. 12  Ne fakaasi atu ki a latou me ne seki tavini atu fua latou ki a latou eiloa, kae ki a koutou, e uiga ki te mea telā ko oti ne fakailoa atu ki a koutou ne latou kolā ne folafola atu te tala ‵lei ki a koutou fakatasi mo te agaga tapu telā ne uga mai i te lagi.+ Ko mea eiloa konei e fia onoono ki ei a agelu. 13  Tela la, fakatoka otou mafaufau mō te faiga o galuega;+ tausi otou mafaufau ke ‵lei katoatoa;+ tuku atu otou fakamoemoega ki luga i te alofa tauanoa telā ka aumai ki a koutou i te taimi e fakaasi mai ei a Iesu Keliso. 14  E pelā me ne tama‵liki faka‵logo, sa toe fai ke takitaki koutou ne otou manakoga mua i te taimi koi va‵lea ei koutou, 15  kae e pelā mo te Atua Tapu telā ne kalagagina ne ia koutou, ke tapu koutou i otou amioga katoa,+ 16  me e penei a muna i te tusi: “E ‵tau mo koutou o tapu, me i a au e tapu.”+ 17  Kae kafai e ka‵laga koutou ki te Tamana telā e fakamasino ne ia a galuega a tino taki tokotasi e aunoa mo te fapito,+ fai ke na ola koutou mo te ma‵taku+ i te taimi koi ‵nofo ei koutou e pelā me ne tino sē ‵nofo tumau i te lalolagi nei. 18  Me e iloa ne koutou me ne seki fakasaoloto koutou ki mea kolā e faigofie o ma‵sei, ki siliva io me ko aulo,+ mai i otou olaga sē aoga kolā ne maua ne koutou mai i otou tupuga.* 19  Kae ne maua eiloa e auala i te toto tāua,+ e pelā mo te toto o se tamā mamoe e se lailai kae e seai sena pona,+ telā ko Keliso.+ 20  E tonu, ko leva ne filifili ne te Atua a Keliso kae koi tuai o fakavae* te lalolagi,+ kae ne fakaasi mai a ia i taimi fakaoti konei mō koutou.+ 21  E auala i a ia ko fai koutou mo tino tali‵tonu ki te Atua,+ ko te tino telā ne fakatu aka ne ia a Iesu mai te mate+ kae tuku atu ki ei te ‵malu,+ ko te mea ke fakatuanaki kae fakamoe‵moe koutou ki te Atua. 22  Ona ko te mea ko oti ne faka‵magina koutou e auala i te otou faka‵logo ki te munatonu telā ne iku atu ki te tinā alofa fakataina,+ ke fakatau a‵lofa malosi la koutou i a koutou eiloa i otou loto.+ 23  Me ko oti ne toe fa‵nau mai koutou,+ e se mai i te fuaga telā e mafai o pala kae mai i te fuaga telā e se mafai o pala,+ e auala i te muna a te Atua telā e ola kae tumau.+ 24  Me i “tino katoa e fai pelā me ne mouku, kae ko te lotou ‵gali kātoa e fai pelā mo pula o te fatoaga; e mage‵mage a mouku, kae ‵to ifo a pulalakau, 25  kae ko te muna a Ieova* e tumau ki te se-gata-mai.”+ Kae ko te “muna” tenei ko te tala ‵lei telā ne folafola atu ki a koutou.+

Fakamatalaga mai lalo

Io me “ne faka‵ma.”
Io me “e auala i tuu mo aganuu.”
A te mea tenei e fakasino ki tama‵liki a Atamu mo Eva.
Onoono ki te MF A5.