Te Tusi Muamua ki te Kau Kolinito 6:1-20

  • Ko ave ne Kelisiano olotou taina ki te tulafono (1-8)

  • Tino kolā ka se maua te Malo (9-11)

  • Faka‵malu ne koutou te Atua i otou foitino (12-20)

    • “‵Tele keatea mai i amioga fakatauavaga sē ‵tau” (18)

6  E a, e isi se tino i a koutou telā e isi sena tagi ki te suā tino+ e ave ne ia ki te fono ke fakamasino ne tino sē amio‵tonu, kae e se ave ki tino tapu?  Io me e se iloa ne koutou me ka fakamasino ne tino tapu a te lalolagi?+ Kae kafai e fakamasino ne koutou a te lalolagi, e a, e se mafai o fakamasino ne koutou a tamā mea fua konā?  E a, e se iloa ne koutou me ka fakamasino ne tatou a agelu?+ Kaia la e se fakamasino ei ne tatou a mea o te olaga tenei?  Kafai la e isi ne mea o te olaga tenei e ‵tau o fakamasino aka,+ e a, e ‵tofi ne koutou a tino fatauva i te fakapotopotoga mo fai ne famasino?  Au e faipati atu o fakamasiasi koutou. E a, e seai eiloa se tino poto i a koutou e mafai o fakamasino ne ia a mea i va o ana taina?  I lō te fai penā, e ave ne te taina a te suā taina ki te fono, ke fakamasino ne tino sē tali‵tonu!  Tela la, a koutou ko taka‵vale masei me ko fakatau ave ne koutou a koutou eiloa ki te fono. Kaia e se fa‵ki ei koutou i faifaiga sē ‵tonu e fai atu ki a koutou?+ Kaia e se talia ei ne koutou ke kaisoagina otou mea?  Kae ko koutou e fai mea sē ‵tonu kae e kai‵soa foki ne koutou a mea a otou taina.  Io me e a, e se iloa ne koutou i tino sē amio‵tonu ka se maua ne latou te Malo o te Atua?+ Ke se fakaloiloigina koutou. A tino kolā e fina ki amioga fakatauavaga sē ‵tau,+ tino ifo ki tupua,+ tino mulilua,+ tāgata e amio fakasotoma,+ tāgata kolā e ‵moe mo tāgata,+ 10  tino kai‵soa, tino kaima‵nako,+ tino ko‵nā,+ tino fatu‵fatu, tino ‵fao mea ka se maua ne latou a te Malo o te Atua.+ 11  Kae ne fai eiloa penā a nisi tino i a koutou. Kae ko oti ne ‵fulu faka‵ma koutou;+ ko oti ne fakatapu koutou;+ ko oti ne taku amiotonugina koutou+ i te igoa o te ‵tou Aliki ko Iesu Keliso mo te agaga o te ‵tou Atua. 12  E saoloto au o fai a mea katoa, kae e se ko mea katoa e aoga.+ E saoloto au o fai a mea katoa, kae ka se talia ne au ke pule au ne se mea. 13  A meakai ne fai mō te tinae kae ko te tinae ne fai mō meakai, kae ka fakaseai ne te Atua a mea e lua konā.+ A te foitino ne seki fai mo fai a amioga fakatauavaga sē ‵tau kae mō te Aliki,+ kae ko te Aliki mō te foitino. 14  Kae ne toe fakatu aka ne te Atua a te Aliki+ kae ka toe faka‵tu aka foki ne ia a tatou mai te mate+ e auala i tena ‵mana.+ 15  E a, e se iloa ne koutou i otou foitino ne vaega o te foitino o Keliso?+ E a, e ‵tau o ave kea‵tea ne au a vaega o te foitino o Keliso mo fai se vaega o te foitino o se fafine talitāgata? E se mafai lele eiloa o fai penā! 16  E a, e se iloa ne koutou i te tino telā ko fakatasi mo se fafine talitāgata ko fai lāua mo foitino e tasi? Me ne fai mai a ia ‘Ka fai lāua mo fai se foitino e tasi.’+ 17  Kae ko so se tino telā e fakatasi ki te Aliki ka tasi lāua i te agaga.+ 18  ‵Tele kea‵tea mai i amioga fakatauavaga sē ‵tau!+ A nisi agasala katoa kolā e mafai o fai ne se tagata e fai i tua o tena foitino, kae ko so se tino e fai faeloa ne ia a amioga fakatauavaga sē ‵tau e agasala ki tena foitino.+ 19  E a, e se iloa ne koutou i otou foitino ko te faletapu+ o te agaga tapu i loto i a koutou, telā ne maua ne koutou mai te Atua?+ A koutou foki e se mō koutou eiloa,+ 20  me i a koutou ko oti ne ‵togi ki se ‵togi.+ Tela la, ke faka‵malu ne koutou a te Atua+ i otou foitino.+

Fakamatalaga mai lalo