Te Tusi Muamua ki te Kau Kolinito 5:1-13

  • Se taina ne aofia i faifaiga fakatauavaga sē ‵tau (1-5)

  • E faka‵fete ne mu mea faka‵fete a te palugā falaoa kātoa (6-8)

  • E ‵tau o tapale kea‵tea te tagata masei (9-13)

5  Ko oti ne fakailoa mai ki a au e uiga ki amioga fakatauavaga sē ‵tau*+ e fai i loto i a koutou, ko amioga fakatauavaga sē ‵tau* kolā e se fai i fenua fakaa‵tea​—ko ‵nofo fakatasi se tagata mo te avaga a tena tamana.+  Kae e a, e fakamata‵mata koutou i ei? E a, e se ‵tau o fanoa‵noa koutou+ ko te mea ke tapale kea‵tea te tagata telā ne fai ne ia te mea tenei mai i a koutou?+  E tiga eiloa e se nofo atu au i konā kae ko toku loto* e nofo eiloa i konā, kae ko leva ne fai taku fakaikuga e uiga ki te tino telā ne fai ne ia te mea tenei, e pelā eiloa me e nofo atu au i a koutou.  Kafai e maopoopo fakatasi koutou i te igoa o te ‵tou Aliki ko Iesu, kae iloa ne koutou i a au e fakatasi mo koutou i toku loto e pelā foki mo te ‵mana o te ‵tou Aliki ko Iesu,  e ‵tau mo koutou o tuku atu a te tagata tenā ki a Satani+ mō te fakaseaiga o te foitino,* ko te mea ke mafai o fakaolagina te agaga* i te aso o te Aliki.+  A te mea telā e fai‵pati fakamata‵mata koutou ki ei e se ‵lei. E a, e se iloa ne koutou me i mu mea faka‵fete e faka‵fete ne ia te palugā falaoa kātoa?+  Ave kea‵tea te mea faka‵fete mua, ko te mea ke fai koutou mo fai se paluga fou telā ko seai se mea faka‵fete i ei. Me se mea tonu i a Keliso te ‵tou tamā mamoe+ o te Paseka ko oti ne ofo atu mo fai te taulaga.+  Tela la, ke tausi ne tatou a te ‵kaiga fiafia tenei,+ e se ki te mea faka‵fete mua, io me ko mea faka‵fete o te masei mo mea matagā, kae ki falaoa sē faka‵fete o te fakamaoni mo te munatonu.  I taku tusi telā ne tusi atu ki a koutou ke fakagata te otou ‵kau fakatasi mo tino kolā e fina ki amioga fakatauavaga sē ‵tau, 10  e se fakauiga aku pati ki tino o te lalolagi kolā e fina ki amioga fakatauavaga sē ‵tau katoa+ io me ko tino kaima‵nako io me ko tino ‵fao mea io me ko tino ifo ki tupua. Me kafai e penā loa, e ‵tau eiloa o olo kea‵tea koutou mai te lalolagi.+ 11  Kae nei la ko tusi atu au ki a koutou ke fakagata te otou ‵kau fakatasi+ mo te tino telā e fakaigoa ki se taina kae telā e fina ki amioga fakatauavaga sē ‵tau io me se tino kaimanako+ io me se tino e ifo ki tupua io me se tino fakamasei tino io me se tino konā+ io me se tino ‵fao mea,+ ke mo a eiloa ma ‵kai fakatasi mo se vaegā tino penā. 12  Me se a taku fekau e fakamasino ei ne au a tino i tua o te fakapotopotoga? E a, e se fakamasino ne koutou a tino i loto i te fakapotopotoga, 13  kae ko te Atua e fakamasino ne ia a tino i tua?+ “Ke tapale kea‵tea mai i a koutou a te tagata masei tenā.”+

Fakamatalaga mai lalo

Eleni, por·neiʹa. Onoono ki te FP.
Eleni, por·neiʹa. Onoono ki te FP.
Io me “toku agaga.”
Io me “ko te fakaseaiga o te faifaiga masei tenei.”
Io me ke “mafai o fakatumau faeloa te tulaga ‵lei o te fakapotopotoga i te feitu faka-te-agaga.”