Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Tito 3:1-15

3  Ke fakamasaua atu faeloa ki a latou ke faka‵logo ki malo mo tino pule* kae ke toka o fai so se galuega ‵lei,  ke mo a ma fakamasei ne latou se tino, ke mo a ma kinau, kae ke loto malamalama, ke fakaasi atu te agamalu ki tino katoa.  Me i a tatou foki ne fai muamua mo fai ne tino va‵lea, ne fakalogoga‵ta, ne takitaki‵segina, ne pologa ki manakoga mo fakafiafiaga kese‵kese, ne fai mea ma‵sei kae loto ma‵sei, ne fai mea fakatakalia‵lia, kae ne takalialia te suā tino ki te suā tino.  Kae i te taimi ne fakaasi mai ei ki tino katoa a te alofa kaimalie o te ‵tou Fakaola, telā ko te Atua  (e se ona ko te mea ko oti ne fai ne tatou a galuega o te amiotonu, kae ona ko tena alofa fakamagalo) ne faka‵sao ei ne ia tatou i te ‵tou faka‵maga ke maua ne tatou te ola kae faka‵fou ne ia tatou e auala i te agaga tapu.  Ne ‵ligi mai ne ia mo te kaimalie a te agaga tenei ki luga i a tatou e auala i a Iesu Keliso te ‵tou Fakaola,  me kafai ko oti ne taku amiotonugina tatou e auala i te alofa tauanoa o te tino tenā,* ko mafai ei o fai tatou mo sui e ‵tusa eiloa mo te fakamoemoega ko te ola se-gata-mai.  A pati konei e ‵tonu katoa, kae e manako au ke faipati faeloa koe e uiga ki mea konei, ko te mea ke ‵saga faeloa a tino kolā ko tali‵tonu ki te Atua o fakatumau te faiga o galuega ‵lei. A mea konei e ‵lei kae e aoga mō tino katoa.  Kae ‵kalo keatea mai kinauga va‵lea mo fakatelega o gafa mo taua mo kinauga e uiga ki te Tulafono, me e seai ne olotou aoga. 10  ‵Kalo keatea mai te tino telā e ‵lago atu ki akoakoga ‵se, māfai ko oti ne polopoloki a ia i te taimi muamua mo te lua o taimi; 11  mai te iloa atu me ko oti ne seke te tino tenā mo te auala kae ko agasala foki, kae ko fakasala ne ia a ia eiloa. 12  Kafai e uga atu ne au a Aletima io me ko Tukasi ki a koe, taumafai malosi ke oko mai koe ki a au i Nikapoli, me tenā te koga ka nofo au i ei i te ‵tau ‵moko. 13  Fakatoka faka‵lei a mea katoa kolā e ma‵nako ki ei a Senasa, telā e poto i te Tulafono, mo Apolo mō te lā malaga. 14  Kae fai foki ke iloa ne ‵tou tino o fakatumau te faiga o galuega ‵lei ko te mea ke maua a mea e ma‵nako latou ki ei, kae ke aoga malosi latou. 15  Ko ‵moli atu alofaga o latou katoa kolā e ‵nofo mo au i konei. ‵Moli atu oku alofaga ki tino kolā e a‵lofa ki a matou i te fakatuanaki. Ke i luga i a koutou katoa te alofa tauanoa o te Atua.

Fakamatalaga mai lalo

Tit 3:1
 I te ‵gana Eleni, “ke faka‵logo ki takitaki.”
Tit 3:7
 Ko te alofa tauanoa o te Atua.