Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Mataio 28:1-20

28  Mai tua o te Sapati, i te taimi ne mapa mai ei te ata o te vaveao i te aso muamua o te vaiaso, ne olo atu ei a Malia te Makatala mo te suā Malia o onoono ki te tanuga.  Ne lavea ne lāua me ne poko se mafuie lasi; me ne fanaifo se agelu a Ieova mai te lagi, fakatakafili keatea te fatu, kae sagasaga i luga i ei.  Ana foliga i tua e pelā eiloa me se ‵lapaga o se uila, a ko ana gatu ko ‵kena eiloa pelā me se kiona.  E tonu, ona ko te lotou ma‵taku i a ia, ne pole‵pole ei a leoleo e pelā eiloa me ne tino ko ‵mate.  Kae ne fai atu te agelu ki fāfine konā: “Sa ma‵taku, e iloa ne au i a koulua e salasala ki a Iesu telā ne ‵tuki ki te lakau.  E galo a ia i konei, me ko oti ne toe fakatu aka, e pelā eiloa mo ana muna. O‵mai, onoono ki te koga ne takato ei a ia.  Olo fakavave o fakailoa ki ana soko me ko oti ne fakatu aka a ia mai te mate, kae ko mua atu a ia i a koutou ki Kalilaia; ka lavea ne koutou a ia i konā. Kae kiloke! Tenā taku fekau ki a koulua.”  Ne tiakina fakavave ne lāua te tanuga, kae ‵tele atu mo te ma‵taku mo te fia‵fia lasi o fakailoa atu ki ana soko.  Ne fetaui lāua mo Iesu kae fai atu: “Talofa koulua!” Ne olo atu ei lāua, puke ki ana vae kae ifo atu ki a ia. 10  Ne fai atu ei a Iesu ki a lāua: “Sa ma‵taku! Olo o fakailoa atu ki oku taina ke olo ki Kalilaia, kae ka lavea ne latou au i konā.” 11  A koi olo atu lāua i te lā auala, kae ne olo atu a nisi leoleo ki loto i te fa‵kai o fakailoa atu ki faitaulaga pule a mea katoa kolā ko oti ne ‵tupu. 12  I te otiga ne maopoopo kae fai‵pati fakatasi latou mo toeaina, tuku atu ei ne latou se aofaki o tupe siliva e uke ki leoleo konā 13  kae fakatonu atu: “Fai atu me, ‘Ne olo atu ana soko i te po o kaisoa tena foitino i te taimi ne ‵moe ei matou.’ 14  Kafai e logo te kovana i te mea tenei, kae ka fakakolekole ne matou, ko se ‵tau ei o manava‵se koutou.” 15  Ne puke ei ne latou a tupe siliva kae ne fai eiloa ne latou te fakatonuga telā ne fai atu; kae ne salalau atu te tala tenei ki tino Iutaia katoa i nisi fenua ke oko mai eiloa ki aso nei. 16  Kae ne olo atu a soko e toko sefulutasi ki Kalilaia ki te mauga telā ne fakatoka ne Iesu ke olo ki ei. 17  I te laveaga ne latou a ia, ifo atu ei latou ki a ia, a ko nisi tino ne fakalotolotolua. 18  Ne fanatu a Iesu kae faipati atu ki a latou, ana muna: “Ko oti ne tuku mai ki a au a te pule i mea katoa i te lagi mo te lalolagi. 19  Tela la, olo atu koutou ki fenua katoa o fai a tino i ei mo fai a soko, kae papatiso atu latou i te igoa o te Tamana mo te Tama mo te agaga tapu, 20  akoako atu latou ke faka‵logo ki mea katoa ne fakatonu atu ne au ki a koutou. Kae kiloke! Au e fakatasi faeloa mo koutou i aso katoa ke oko eiloa ki te gataga o te olaga tenei.”

Fakamatalaga mai lalo