Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Mataio 1:1-25

1  Tenei te tusi o te gafa o Iesu Keliso, te tama a Tavita, te tama a Apelaamo:   A Apelaamo ko te tamana o Isaako; a Isaako ko te tamana o Iakopo; a Iakopo ko te tamana o Iuta mo ana taina;   a Iuta ko te tamana o Falesa mo Tila i a Tamala; a Falesa ko te tamana o Eselona; a Eselona ko te tamana o Alama;   a Alama ko te tamana o Aminatapu; a Aminatapu ko te tamana o Nasona; a Nasona ko te tamana o Salemona;   a Salemona ko te tamana o Poasa i a Lahapa; a Poasa ko te tamana o Opeta i a Luta; a Opeta ko te tamana o Iese;   a Iese ko te tamana o te tupu ko Tavita.  A Tavita ko te tamana o Solomona i te avaga a Ulia;   a Solomona ko te tamana o Leopoamo; a Leopoamo ko te tamana o Avia; a Avia ko te tamana o Asa;   a Asa ko te tamana o Iosefatu; a Iosefatu ko te tamana o Iolama; a Iolama ko te tamana o Usia;   a Usia ko te tamana o Iotama; a Iotama ko te tamana o Aasa; a Aasa ko te tamana o Esekia; 10  a Esekia ko te tamana o Manase; a Manase ko te tamana o Amone; a Amone ko te tamana o Iosia; 11  a Iosia ko te tamana o Iekonia mo ana taina i te taimi ne ave fakapagota ei a tino Isalaelu ki Papelonia. 12  Mai tua o te avega fakapagota ki Papelonia, a Iekonia ko te tamana o Salatielu; a Salatielu ko te tamana o Selupapelu; 13  a Selupapelu ko te tamana o Apiuta; a Apiuta ko te tamana o Eliakimo; a Eliakimo ko te tamana o Asola; 14  a Asola ko te tamana o Satoka; a Satoka ko te tamana o Akeimo; a Akeimo ko te tamana o Eliuta; 15  a Eliuta ko te tamana o Eleasalo; a Eleasalo ko te tamana o Matano; a Matano ko te tamana o Iakopo; 16  a Iakopo ko te tamana o Iosefa te avaga a Malia, te mātua o Iesu telā e taku ko te Keliso. 17  Tela la, e sefulufa a kautama mai i a Apelaamo ki a Tavita, kae mai i a Tavita ki te avega fakapagota ki Papelonia e sefulufa a kautama, kae mai te avega fakapagota ki Papelonia ke oko ki a Keliso e sefulufa foki a kautama. 18  E penei te fanaumaiga o Iesu Keliso. A tena mātua ko Malia telā ne fai feagaiga mo Iosefa ke avaga lāua; ka koi tuai o fai te lā avaga, ne iloa aka i a ia ko faitama i te agaga tapu. 19  Ka ko Iosefa, te avaga* a Malia, se tino amiotonu kae ne seki manako ke masiasi a Malia i mata o tino. Tela la, ne mafaufau aka tou tagata ke ‵tala lēmū te lā feagaiga. 20  I te otiga ne mafaufau a Iosefa ki te mea tenei, ne fakasae atu a te agelu a Ieova ki a ia i se moemiti, kae fai atu; “Iosefa te tama a Tavita, sa mataku o fai a Malia mo fai tau avaga, i te mea ko faitama a ia i te agaga tapu. 21  Ka fanau mai ne ia se tama tagata, kae ka fakaigoa ne koe a ia ki a Iesu, me ka fakasaoloto ne ia ana tino mai i olotou agasala.” 22  Ne ‵tupu a mea katoa konei ke fakataunu ei a muna a Ieova kolā ne fai mai e auala i tena pelofeta, penei: 23  “Kiloke, ka faitama se tamafine, ka fanau ne ia se tamaliki tagata, kae ka fakaigoa a ia ki a Emanuelu,” ko tena uiga, “Ko Nofo i a Tatou te Atua.” 24  Tela la, i te alaakaga a Iosefa, fai eiloa ne ia te fakatonuga a te agelu a Ieova, ave ei ne ia tena avaga ki tena fale. 25  Kae ne seki ‵moe fakatauavaga eiloa a lāua ke oko ki te taimi ne fanau ei ne Malia tena tama tagata, kae fakaigoa ei ne Iosefa ki a Iesu.

Fakamatalaga mai lalo

 E ‵tusa mo tu a te kau Iutaia, kafai ko sai feagaiga se tokolua ke avaga ko fai eiloa pelā me se tauavaga fakaipoipo.