Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Maleko 16:1-20

16  I te otiga o te Sapati ne ‵togi ei ne Malia te Makatala, Malia te mātua o Iakopo, mo Salome a mea ma‵nogi ko te mea ke olo atu latou o milimili tena foitino.  Ne olo atu latou ki te tanuga i te tafataeao o te aso muamua o te vaiaso, a ko oti ne sae aka te mata o te la.  Ne fai‵pati a latou i a latou eiloa penei: “Ko oi te tino ka fakatakafili keatea ne ia te fatu telā e ‵pono ei te tanuga?”  Kae i te lotou ‵kiloatuga, lavea ei ne latou me, e tiga eiloa te lasi o te fatu tenā kae ko oti ne fakatakafili keatea.  I te lotou uluatuga ki loto i te tanuga, lavea ei ne latou se tamataene e sagasaga i te feitu fakaatamai e pei ki gatu ‵kena, kae ne ‵poi masei latou.  Ne fai atu a ia ki a latou: “Sa ‵poi. A koutou e salasala ki a Iesu te Nasaleta telā ne ‵tuki ki te lakau. Ko oti ne toe fakatu aka a ia. E galo a ia i konei. Kiloke! Tenei te koga ne tuku i ei ne latou a ia.  Kae olo o fakailoa atu ki ana soko penā foki loa mo Petelu, ‘Ko mua atu a ia i a koutou ki Kalilaia; ka lavea ne koutou a ia i konā, e pelā eiloa mo ana pati ne fai atu ki a koutou.”  Tela la, i te lotou ologa ki tua, ne ‵tele ei latou mai te tanuga, me ne pole‵pole eiloa latou i te ma‵taku mo te ofo. Kae ne seai eiloa se tino ne fakailoa ne latou ki ei, me ne ma‵taku latou. FAKAOTIGA LOA I nisi lomiga lauiloa o te Tusi Tapu, e fakaoti eiloa a te mataupu tenei ki pati i te fuaiupu e valu. Kae e maua atu i nisi lomiga mua a pati i te fakaotiga loa tenei, kae i nisi lomiga fakamuli ifo e maua i ei a pati i te fakaotiga toetoe mai lalo nei. Kae ko pati fakaoti konei e se fai pelā me ne vaega o Tusitusiga Tapu.  I tena toetuakega i te aso muamua o te vaiaso, ne fakasae muamua atu a ia ki a Malia te Makatala, telā ne afuli ne ia mai i ei a temoni e tokofitu. 10  Ne fano tou fafine o fakailoa atu ki tino kolā ne ‵nofo fakatasi mo Iesu, kae ko latou e fanoa‵noa kae ‵tagi mautuutu. 11  I te lotou ‵logoga me ko toe ola mai a ia kae ko oti ne lavea ne tou fafine, ne seki tali‵tonu eiloa latou. 12  E se gata i ei, i te otiga o mea konei, ne fakasae atu a ia i nisi foliga ki se tokolua mai i a latou e sa‵sale i te lā auala ki te vao. 13  Ne ‵foki mai lāua kae fakailoa atu ki nisi tino o latou. Ne seki tali‵tonu foki latou ki a lāua. 14  Kae fakamuli ifo ne fakasae atu a ia ki te toko sefulutasi i te taimi e ‵kai ei latou i te taipola, polopoloki ei ne ia latou ona ko te sē lava o te lotou fakatuanaki mo te loto ma‵keke, me ne seki tali‵tonu latou ki tino kolā ne lavea ne latou me ko oti ne fakatu aka a ia mai te mate. 15  Ne fai atu a ia ki a latou: “Olo atu ki te lalolagi kātoa o talai atu te tala ‵lei ki tino katoa. 16  Ko te tino telā e talitonu kae papatiso ka sao eiloa, a ko te tino telā e se talitonu ka fakasala. 17  E se gata i ei, konei la a fakailoga ka maua ne latou kolā e tali‵tonu: Ka afuli keatea ne latou a temoni mai te fakaaogaga o toku igoa, ka fai‵pati foki latou ki ‵gana kese‵kese, 18  kae ka puke aka ne latou ki olotou lima a gata, kae kafai e inu latou ki so se mea ‵poisini ka se mafai lele eiloa o pa‵kia latou i ei. Ka tuku atu olotou lima ki luga i tino ma‵saki kae ka ‵lei ei a latou konā.” 19  Tela la, i te otiga ne faipati a te Aliki ko Iesu ki a latou, avaka ei a ia ki te lagi ke sagasaga i te feitu fakaatamai o te Atua. 20  Ne olo atu latou o talai i koga katoa, kae ne ga‵lue eiloa latou mo te Aliki kae ‵lago atu ki te fekau e auala i fakailoga konei. FAKAOTIGA TOETOE Kae ko mea katoa kolā ne fakatonu atu ki a latou ne fakamatala fakatoetoe atu ne latou ki tino i tafa o Petelu. E se gata i ei, i te otiga o mea konei, ne uga atu ei ne Iesu e auala i a latou mai te saegala ki te togala, a te folafolaga tapu telā e se mafai o pala, ko te fakaolataga se-gata-mai.

Fakamatalaga mai lalo