Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Luka 3:1-38

3  I te sefululima o tausaga o te pulega a Tipelio Kaisala, a ko Ponitio Pilato ko te kovana o Iuta, a Helota ko te pule o Kalilaia a ko Filipo tena taina ko te pule o Itulea mo Telekoniti, a ko Lusanio, ko te pule o Apilene  i aso o te Faitaulaga Sili ko Anasa mo Kaiafa, ne faipati atu ei te Atua ki a Ioane te tama tagata a Sakalia i te koga lavaki.  Tela la, fanatu ei a ia ki fenua katoa i tafa o te Iolitana, o talai atu te papatisoga e pelā me se fakailoga o te salamō mō te fakamagaloga o agasala,  e pelā eiloa mo muna ne tusi i te tusi a Isaia te pelofeta: “Faka‵logo mai! E isi se tino e pakalaga i te koga lavaki, ‘Fakatoka te auala o Ieova! Fai ke ‵tonu ana auala.  A koga ‵poko katoa ka tanu, a mauga ‵lasi mo mauga fo‵liki katoa ka fakalaugatasi, kae ko koga piko‵piko i auala ka faka‵tonu aka, a ko koga ponapona ka fakamaniania katoa.  Ka lavea katoa ne tino a te auala e faka‵sao ei ne te Atua a tino.’”  Tela la, ne fai atu tou tagata ki te vaitino e tokouke kolā ne olo atu ke papatiso latou ne ia: “A koutou ko fanau a gata ‵poisini, ko oi ne fai atu ke ‵tele koutou keatea mai te fakasalaga fakamataku telā ka oko mai?  Tela la, fakaasi mai ne faiga ke iloa ei i a koutou ko sala‵mo. Kae sa fai ifo eiloa ki a koutou penei, ‘A te motou tamana ko Apelaamo.’ Me e fai atu au ki a koutou me e maua ne te Atua a te ‵mana ke fai ne ia ne tama ma Apelaamo mai i fatu konei.  E tonu, ko leva ne takato te takū i tafito o lakau. Tela la, a lakau katoa kolā e se ‵fua mai ki fuaga ‵lei e ‵kati ki lalo kae ‵pei ki te afi.” 10  Kae ne fesili atu te vaitino ki a ia: “Ne a la mea e ‵tau o fai ne matou?” 11  Ne tali atu a ia ki a latou: “Ko te tino telā e lua ana gatu ke tuku atu te suā gatu ki te tino telā e seai sena gatu, kae ke fai foki penā a te tino telā e isi ne ana meakai.” 12  Kae ne olo atu foki a tino ao lafoga ke papatiso latou, kae fai atu ki a ia: “Te faiakoga, ne a mea e ‵tau o fai ne matou?” 13  Ne fai atu a ia ki a latou: “Ke se fakasilia ne koutou te aofaki o te lafoga telā e ‵tau o ‵togi atu.” 14  Ne fesili atu foki a sotia ki a ia: “Ne a foki a mea e ‵tau o fai ne matou?” Ne fai atu a ia ki a latou: “Sa ‵faomalo ne koutou a tupe a tino io me fai atu ne ‵losiga ‵se ki so se tino, kae ke lotoma‵lie ki mea ko maua ne koutou.” 15  Ne ‵nofo fakatali‵tali eiloa a tino i aso konā ki te Keliso kae ne ma‵natu aka latou i olotou loto e uiga ki a Ioane, “E mata, ko ia tenei te Keliso?” 16  Ne fai atu ne Ioane te tali, i ana pati ki a latou katoa: “E papatiso ne au koutou ki te vai, a ko te tino telā e sili atu i a au ka vau, e se ‵tau o ‵tala ne au a mea e ‵sai ei ana taka. Ka papatiso ne ia koutou ki te agaga tapu mo te afi. 17  Ko puke nei tena sevolo i ana lima ke faka‵ma pakipaki ne ia te fola e faka‵ma ei a saito, kae ke fakaputu ne ia a saito ki loto i tena fale saito. Ka ‵sunu ne ia a kaiga ki te afi telā e se mafai o mate.” 18  Tela la, ne tuku atu foki ne Ioane a fakamalosiga e uke kae ne folafola atu faeloa ne ia a tala ‵lei ki tino. 19  Kae ona ko te mea ne polopoloki ne ia a Helota te pule, e uiga ki a Helotia, te avaga a tena taina, e penā foki loa mo amioga ma‵sei katoa a Helota ne fai, 20  ne fakaopoopo atu ne Helota te mea tenei ki ana mea ma‵sei katoa konā. Ne ‵loka ei ne ia a Ioane i te falepuipui. 21  I te otiga ne papatiso a tino katoa, ne papatiso foki a Iesu. A koi ‵talo a ia kae matala te lagi 22  mo te agaga tapu ko fanaifo ki luga i a ia, e foliga mai e pelā me se lupe, kae ne lagona atu se leo mai te lagi e fai mai penei: “A koe ko taku Tama, ko taku fagasele; ko oti ne talia ne au a koe.” 23  E se gata i ei, i te taimi ne kamata ei te galuega a Iesu kāti ko tolusefulu i ei ana tausaga, kae ne ma‵natu aka a tino i a ia ko te tama tagata a Iosefa, te tama a Heli, 24  te tama a Matata, te tama a Levi, te tama a Meleki, te tama a Ianai, te tama a Iosefa, 25  te tama a Matatia, te tama a Amosa, te tama a Nauma, te tama a Eseli, te tama a Nagae, 26  te tama a Maato, te tama a Matatia, te tama a Semeina, te tama a Ioseka, te tama a Iota, 27  te tama a Ioanani, te tama a Lesa, te tama a Selupapelu, te tama a Salatielu, te tama a Nelei, 28  te tama a Meleki, te tama a Atei, te tama a Kosamo, te tama a Elematama, te tama a Elu, 29  te tama a Iesu, te tama a Elisala, te tama a Ielimo, te tama a Matata, te tama a Levi, 30  te tama a Simeona, te tama a Iuta, te tama a Iosefa, te tama a Ionamo, te tama a Eliakimo, 31  te tama a Melea, te tama a Mena, te tama a Matata, te tama a Natano, te tama a Tavita, 32  te tama a Iese, te tama a Opeta, te tama a Poasa, te tama a Salemona, te tama a Nasona, 33  te tama a Aminatapu, te tama a Ani, te tama a Eselona, te tama a Falesa, te tama a Iuta, 34  te tama a Iakopo, te tama a Isaako, te tama a Apelaamo, te tama a Tala, te tama a Nakoli, 35  te tama a Seluka, te tama a Leu, te tama a Peleko, te tama a Epelu, te tama a Sela, 36  te tama a Kainano, te tama a Afasata, te tama a Semu, te tama a Noa, te tama a Lameko, 37  te tama a Metusela, te tama a Enoka, te tama a Ialeto, te tama a Malaelu, te tama a Kainano, 38  te tama a Enosa, te tama a Setu, te tama a Atamu, te tama a te Atua.

Fakamatalaga mai lalo