Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Luka 14:1-35

14  I te taimi e tasi ne fano ei a ia o kai i te fale o se tino pule o te kau Falesaio i te Sapati, kae ne lamalama ne latou a ia.  Ne nofo atu i ana mua se tagata e maua ne te masaki fula‵fula.  Ne fai atu ei a Iesu ki a latou kolā e ‵poto i te Tulafono mo Falesaio, ana muna: “E a, e saoloto i te tulafono ke faka‵lei aka a masaki i te Sapati me ikai?”  Kae ne seki tali atu latou. Ne puke ne ia te tagata tenā, faka‵lei aka kae uga atu ke fano.  Ne fai atu ei a ia ki a latou: “Ko oi te tino i a koutou, kafai e tō sena tama io me sena pulumakau ki loto i te vaikeli i te Sapati e se ‵futi aka ne ia ki luga?”  Kae ne seki ai se lotou tali ki mea konā.  Ne fai atu ei ne ia se tala fakatusa ki tāgata kolā ne ‵kami, i te laveaga ne ia me ko filifili ne latou a toe nofoga tāua mō latou. Ana muna ki a latou:  “Kafai e ‵kami koe ne se tino ki se ‵kaiga o se fakaipoipoga, sa nofo i te toe nofoga tāua. Kāti e isi se tino telā e lauiloa atu i a koe ko oti foki ne ‵kami ne ia.  Kae ko te tino telā ne ‵kami ne ia koe ka o‵mai mo te tino tenā kae fai atu ki a koe, ‘Tuku te nofoga tenā ki te tino tenei.’ Ko fano ei koe mo te masiasi o nofo i te ‵toe nofoga sē taulia. 10  Kae kafai koe e ‵kami, fano o nofo i te ‵toe nofoga sē taulia, ko te mea kafai e vau te tino ne ‵kami ne ia koe ka fai atu ei ki a koe, ‘Toku taugasoa, fano o nofo i se nofoga tai maluga atu.’ Ko fakaaloalogina ei koe i mua o tino ‵kami katoa. 11  Me ko te tino telā e fakamaluga ne ia a ia ka fakamalalogina, a ko te tino telā e fakamalalo ne ia a ia ka fakamalugagina.” 12  Ne fai atu foki a ia ki te tagata telā ne ‵kami ne ia a ia: “Kafai e fai sau ‵kaiga i te tutonu io me ko te afiafi, sa ‵kamigina ou taugasoa, ou taina, ou kāiga, io me ko ou tuakoi mau‵mea. Kāti ka ‵kami foki ne latou a koe i se taimi ke toe taui atu ki a koe. 13  Kae kafai e fai sau ‵kaiga, ‵kami mai a tino ma‵tiva, tino ‵pili, tino vae ma‵sei, mo tino ‵kivi. 14  Ka fiafia eiloa koe, me ka se mafai ne latou o toe taui atu ki a koe. Me ka toe taui atu ki a koe i te taimi e toe faka‵tu aka ei a tino amio‵tonu.” 15  I te lagonaga ne se tino ‵kami a mea konei, fai atu ei ki a Iesu: “E fiafia a ia telā ka kai ki falaoa i te Malo o te Atua.” 16  Ne fai atu a Iesu ki a ia: “Ne fai ne se tagata se ‵kaiga lasi ‵ki, kae ne ‵kami ne ia a tino e tokouke. 17  Ne uga atu ne ia tena pologa i te itula o te ‵kaiga i te afiafi ke fai atu ki tino ‵kami, ‘O‵mai, me ko toka nei a mea katoa.’ 18  Kae ne tofu latou mo olotou fakamasakoga. Ne fai atu te tino muamua ki a ia, ‘Ne ‵togi ne au se manafa kae e ‵tau o fano au o onoono ki ei; au e fakamolemole atu i a au ko se oko atu.’ 19  Kae ne fai atu te suā tino, ‘Ne ‵togi ne au a pulumakau e sefulu kae ka fano au o iloilo aka latou. Au e fakamolemole atu i a au ko se oko atu.’ 20  Kae ne fai atu foki te suā tino, ‘Au ne fatoa avaga kae ona ko te pogai tenei ko se mafai ei ne au o fanatu.’ 21  Ne fanatu ei te pologa tenei kae fakaasi atu a mea katoa konei ki tena matai. Ne kaitaua te tino i o ia te fale kae fai atu ki tena pologa. ‘Fano fakavave nei eiloa i loto i auala ‵lasi mo auala fo‵liki o te fa‵kai kae aumai ki konei a tino ma‵tiva, mo tino ‵pili mo tino ‵kivi mo tino vae ma‵sei.’ 22  Fakamuli ifo, fai atu ei te pologa, ‘Te matai, ko oti ne fai te mea telā ne fakatonu mai ne koe, kae e seki ‵fonu te fale.’ 23  Ne fai atu te matai ki tena pologa, ‘Fano ki auala katoa mo koga kolā e ‵pui, kae faimalo atu latou ke o‵mai ko te mea ke ‵fonu toku fale. 24  Me e fai atu au ki a koutou: E seai eiloa se tino i a latou kolā ne ‵kami ka tami ki aku meakai i te afiafi tenei.’” 25  E tokouke ‵ki a tino ne faima‵laga fakatasi mo ia, kae ne mafuli aka tou tagata kae fai atu ki a latou: 26  “So se tino e vau ki a au kae e se takalialia ki tena tamana, tena mātua, tena avaga, ana tama‵liki, ana taina, mo ana tuagane, e tonu, ke oko ki tena foitino tonu, e se mafai o fai te tino tenā mo fai soku soko. 27  So se tino telā e se amo tena lakau fakasaua kae tautali mai i a au e se mafai o fai mo fai soku soko. 28  E pelā mo te mea tenei, ko oi te tino i a koutou telā e manako o fakatu se taoa kae e se nofo muamua ki lalo o galue tena ‵togi, ke iloa aka me e lava ana tupe ke fakaoti tena galuega? 29  Me kafai e se fai penā, ka fakatakato fua ne ia te fakavae kae ka se mafai o fakaoti ne ia, kae ka fakatauemu atu ki a ia a tino katoa, 30  olotou muna: ‘Ne kamata ne te tagata tenei tena galuega kae ko se mafai ne ia o fakaoti.’ 31  Io me ko oi te tupu e fanatu o taua ki se isi tupu i te taua e se sagasaga muamua ki lalo o mafaufau me e mafai ne ia mo tena kautau e toko 10,000 o fakatakavale te suā tupu telā e taua atu ki a ia mo tena kautau e toko 20,000? 32  Kae kafai e se mafai ne ia, e uga atu ne ia ana sui a koi tai ‵mao te tupu tenā kae fakamolemole atu ke maua se filemu. 33  Tela la, e mafai o mautinoa i a koe, me e seai se tino i a koutou telā e se fakatofa atu ki ana mea katoa e mafai o fai mo oku soko. 34  “E mautinoa eiloa me e ‵lei te masima. Kae kafai e galo te malosi o tena ‵kona, se a la te mea e mafai o toe faka‵kona ki ei? 35  Ko se aoga ei ki te laukele io me ko kaiao. E ‵pei fua ne tino ki tua. A te tino telā e isi ne ana taliga, ke na fakalogo la ki ei.

Fakamatalaga mai lalo