Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Luka 12:1-59

12  I te taimi tenā, ne mumu atu te fia afe o tino kae fakatauteke atu i konā, ne faipati muamua atu ei a ia ki ana soko: “Fakaeteete koutou i te mea faka‵fete a Falesaio, telā ko te fia amiotonu.  Me e seai se mea telā e ‵funa faka‵lei ka se fakaasi mai e seai foki se tala ‵funa ka se iloa.  Tela la, so se mea e faipati ne koutou i te pouliga ka lagona eiloa i te mainaga, a ko te mea telā e musumusu lēmū atu fua i otou potu ka folafola atu eiloa mai tuafale o fale.  E se gata i ei, au e fai atu ki a koutou, oku taugasoa: Sa ma‵taku ki a latou kolā e tamate ne latou te foitino kae ka oti ko se mafai ei ne latou o fai se isi mea.  Kae ka fakaasi atu ne au ki a koutou te tino telā e ‵tau o ma‵taku ki ei: Ma‵taku ki a Ia telā e nofo mo te malosi ke ‵pei atu koutou ki loto i Kena, māfai ko oti ne tamate ne ia koutou. E tonu, au e fai atu ki a koutou, tenā loa te tino, ke ma‵taku koutou ki ei.  E lima manu eva fo‵liki e mafai o ‵togi ki tupe kopa fo‵liki e lua, e tonu au? Kae e se mafai o puli i te Atua se manu e tasi i a latou.  Ke oko ki laulu i otou ulu ko oti katoa ne lau. Sa ma‵taku; e sili atu te tāua o koutou i lō tamā manu eva e uke.  “Au e fai atu ki a koutou: So se tino e taku tonu atu ne ia i mua o tino i a māua e ‵kau fakatasi, ka taku tonu atu foki ne te Tama a te tagata i mua o te kau agelu a te Atua i a māua e ‵kau fakatasi.  Kae ko te tino telā e fakafiti ne ia au i mua o tino ka fakafitigina foki a ia i mua o te kau agelu a te Atua. 10  Kae ko so se tino e fai sena pati sē ‵lei ki te Tama a te tagata ka fakamagalo a ia, kae ko ia telā e muna masei ki te agaga tapu ka se mafai o fakamagalo. 11  Kafai e ave ne latou koutou ki mua o fono a te fenua, ofisa o te malo mo pule, sa manava‵se ki otou pati mo te auala e fai‵pati ei koutou o ‵pulu koutou io me ko otou pati ka fai atu, 12  me ka akoako atu ne te agaga tapu i te itula eiloa tenā a pati e ‵tau o fai ne koutou.” 13  Kae ne fai atu se tino i te vaitino ki a ia: “Te Faiakoga, fai aka ki toku taina ke ‵vae aka te mā tofi.” 14  Muna a Iesu ki a ia: “Toku tagata, ko oi ne ‵tofi ne ia au mo fai te famasino ke ‵vae aka ei ne au a mea a koulua?” 15  Ne fai atu ei a Iesu ki a latou: “Ke matapula‵pula koutou kae fakaeteete i vaega katoa o te kaimanako, me faitalia te uke o mea a se tino kae e se maua ne ia mai i ei a te ola.” 16  Ne fai atu ne ia se tala fakatusa ki a latou, ana muna: “Ne fua ‵lei te manafa o te tagata maumea e tokotasi. 17  Ne mafaufau ifo tou tagata, ana muna, ‘Ne a nei aku mea ka fai me ko seai se koga mō tuku aku fuaga lakau?’ 18  Ne fai aka ei a ia penei, ‘Ka fai ne au te mea tenei: Ka lepe ne au ki lalo oku fale koloa kae ka faka‵tu ne au a fale e ‵lasi atu. Ka fakaputu ne au i ei aku fuaga lakau mo aku mea ‵lei katoa, 19  kae ka fai ifo au ki a au eiloa: “Ko uke a mea ‵lei ne fakaputu aka ne koe mō tausaga e uke; faifai malie la au mea, kai, inu, kae fiafia.”’ 20  Kae ne fai atu te Atua ki a ia, ‘Te tagata valea, ko te po eiloa tenei ka ave keatea ei ne latou tou ola mai i a koe. Ko oi la ka puke ma ia a mea kolā ne fakaputu ne koe?’ 21  Tenā eiloa te mea ka tupu ki te tino telā e fakaputu koloa mō ia eiloa kae e se maumea i mua o te Atua.” 22  Ne fai atu ei a ia ki ana soko: “Ona ko te mea tenei, au e fai atu ki a koutou: Fakagata te manava‵se ki otou ola ki mea ka ‵kai ei koutou io me ki otou foitino ki gatu ka ‵pei ei koutou. 23  Me e tāua fakafia atu te ola i lō meakai a ko te foitino i lō gatu. 24  Ke mafaufau ki oleva. E se ‵toki fuaga io me e tau fuaga, e seai foki ne olotou fale koloa. Kae e fagai eiloa latou ne te Atua. E pefea la te tāua atu o koutou i lō manu eva konā? 25  Ko oi te tino i a koutou, e mafai o fakaloa malie ne ia tena ola i tena manavase? 26  Tela la, kafai e se mafai ne koutou o fai te ‵toe mea foliki tenei, kaia la e manava‵se ei koutou ki nisi mea aka? 27  Ke mafaufau ki te auala e ola ei a pulalakau o te vao. E se ga‵lue io me e ‵laga gatu a mea konā. Kae e fai atu au ki a koutou: Ke oko foki eiloa ki a Solomona i tena ‵malu katoatoa ne seki pei eiloa ki se gatu gali penei mo se pulalakau e tasi i pulalakau konei. 28  Tela la, kafai e fakalavalava ne te Atua a lakau o te vao kolā e ola i te aso nei kae taeao ko ‵pei ei ki loto i se ogaumu, e se sili atu la te fakalavalava o koutou ne ia, koutou kolā e foliki te otou fakatuanaki! 29  Tela la, fakagata te ‵sala atu ki mea ka ‵kai ei koutou mo mea e inu ei koutou, kae fakagata foki te sona manava‵se, 30  me i mea katoa konei ko mea e ‵sala malosi ki ei a fenua o te lalolagi, kae e iloa ne te otou Tamana me e ‵tau o maua ne koutou a mea konei. 31  Kae ke ‵sala atu faeloa ki tena Malo, kae ka fakaopoopo atu a mea konei ki a koutou. 32  “Sa ma‵taku, e taku lafu mamoe foliki, me ko oti ne talia ne te otou Tamana ke tuku atu ki a koutou a te Malo. 33  Fakatau atu otou mea kae tuku atu e pelā me ne meaalofa. Fai ne otou pausi tupe kolā e se mafai o ma‵sei, ko te koloa tāua o te lagi telā e se mafai o pala, e se oko atu ki ei a tino kai‵soa kae se katia foki ne manu. 34  Me ko te koga e tuku ei otou koloa, e tuku foki i ei otou loto. 35  “‵Pei otou gatu kae ke toka koutou kae ke ‵ka otou moli. 36  Ke fai koutou e pelā mo tino kolā e fakatali‵tali ki te foki mai o te lotou matai mai i te fakaipoipoga me kafai ko oko mai kae tukituki mai e ‵tala fakavave atu ne latou te mataloa ki a ia. 37  Ka fia‵fia eiloa a tavini konā māfai e maua atu latou ne te lotou pule e ala faeloa i te taimi e foki mai ei a ia! Au e fai ‵tonu atu ki a koutou: Ka pei ana gatu* mō te taviniga kae fakasaga‵saga ne ia latou i te taipola kae ka vau i olotou feitu o tavini atu ki a latou. 38  Ka fia‵fia eiloa latou māfai e foki mai a ia i te lua o ‵tuga i te po, io me ko te tolu o ‵tuga, kae maua atu latou e fai penā. 39  Ke iloa ne koutou a te mea tenei, kafai e iloa ne te tino i te fale a te itula e vau ei te tino kaisoa, ka alaala faeloa a ia ko te mea ke se ulu mai te tino kaisoa ki loto i tena fale. 40  E ‵tau foki mo koutou o toka, me e vau te Tama a te tagata i te itula eiloa telā ne seki fakamoe‵moe koutou ki ei.” 41  Ne fai atu ei a Petelu ki a ia: “Te Aliki, a tau tala fakatusa tenā e fai mai ki a matou io me e fai atu ki tino katoa?” 42  Kae ne fai atu te Aliki: “Ko oi eiloa te situati fakamaoni, ko te tino poto, telā ka fakasopo ne tena Matai ke pule i luga i tena kau tavini ke tuku atu faeloa ne ia ki a latou olotou meakai i te taimi tonu? 43  Ka fiafia eiloa te tavini tenā māfai e oko mai tena Matai kae e maua atu me e fai eiloa ne ia te mea tenā. 44  Au e fai ‵tonu atu ki a koutou: Ka fakasopo eiloa ne ia a te tavini tenā ke pule i ana mea katoa. 45  Kae kafai e fai aka te tavini tenā i tena loto, ‘Ka tuai o vau toku matai,’ kamata ei o ‵ta ne ia a tavini tāgata mo tavini fāfine; kae kai, inu, kae konā, 46  ka vau eiloa te Matai o te tavini tenā i se aso telā e seki fakamoemoe a ia ki ei mo te itula telā e se iloa ne ia, kae ka fakasala ne ia te tavini tenā ki te ‵toe sala ‵mafa kae tuku atu foki tena vaega fakatasi mo tino sē fakamaoni. 47  Kae ko te tavini telā ne malamalama i te loto o tena matai kae ne seki fakatoka, io me fai te mea e ‵tusa mo tena loto, ka ‵kini ki ‵kini e uke. 48  Kae ko te tino telā ne seki malamalama kae ne fai ne ia a mea kolā e ‵tau o ‵kini a ia i ei ka mu‵tana ana ‵kini. E tonu, a te tino telā ne tuku atu ki ei a mea e uke, e manakogina foki a mea e uke mai i a ia. Kae ko te tino e tuku atu ne tino ke pule i mea e uke, ka ma‵nako foki latou ki mea e uke atu mai i a ia. 49  “Au ne vau o faka‵ka te afi i te lalolagi, kae ne a la nisi mea e manako au ki ei māfai ko oti ne faka‵ka te afi? 50  E tonu, e isi se papatisoga telā ka papatiso au ki ei, kae ko oko eiloa i toku mafatia ke oko ki te taimi e oti ei! 51  E mata, ne mafau‵fau koutou i a au ne vau o aumai te filemu ki te lalolagi? Ikai, au e fai atu ki a koutou, au ne vau o aumai a mavae‵vaega. 52  Me e kamata i te taimi nei o fano ki mua ka ‵nofo mavae‵vae a tino e tokolima kolā e ‵nofo i te fale e tasi. E ‵teke atu te tokotolu ki te tokolua kae ko te tokolua ki te tokotolu. 53  Ka mavae‵vae eiloa latou, ko te tamana mo tena tama tagata a ko te tama tagata mo tena tamana, te mātua mo tena tama fafine a ko te tama fafine mo tena mātua, te mātua mo te avaga a tena tama tagata a ko te avaga a tena tama tagata mo te mātua o tena avaga.” 54  Ne toe fai atu foki a ia ki te vaitino: “Kafai e lavea ne koutou se kaumana e fanaka i te feitu ki te togala, se mea vave eiloa o fai mai koutou, ‘Ka poko te kaumatagi,’ kae e fai eiloa penā. 55  Kae kafai e lavea ne koutou me e agi mai te matagi i saute, e fai mai koutou, ‘Ka ‵vela te aso,’ kae ka taunu eiloa. 56  A koutou ne tino ‵loi, e iloa ne koutou o fakamatala a foliga o te lalolagi mo te lagi, kae kaia e se iloa ei ne koutou te uiga o mea kolā ko ‵tupu i te taimi fakapito tenei? 57  Kaia foki la e se fakamasino ifo ei a koutou ki a koutou eiloa me se a te mea tonu? 58  E pelā mo te mea tenei, kafai e olo koulua ki se tino pule mo te tino telā ne fai tena tagi ki a koe, ke na galue o faka‵lei te kinauga a koulua a koi olo atu koulua i te auala, ko te mea ke se ave ne ia koe ki mua o te famasino a ko te famasino ki te ofisa o te fono, a ko te ofisa o te fono ka ‵pei ne ia koe ki te falepuipui. 59  Au e fai atu ki a koe: ka se mafai lele eiloa o ‵tala koe ki tua mai i ei seiloga ke oti ne ‵togi atu ne koe au tupe katoa.”

Fakamatalaga mai lalo

 I te ‵gana Eleni, e “‵sai ana kona.”