Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Loma 9:1-33

9  Au e faipati atu e uiga ki te munatonu i a Keliso. Au e se loi, me e molimau mai ki a au toku loto lagona telā e takitaki ne te agaga tapu,  me e mafatia toku loto kae ‵mae faeloa.  Aku muna eiloa me ko au telā e ‵vae keatea mai i a Keliso e pelā me se tino malaia ke sui ei oku taina, ko oku kāiga faka-te-foitino,  kolā ko tino Isalaelu. Ko latou kolā ne puke ne te Atua mo fai ana tama kae tuku atu ki a latou te ‵malu, ko feagaiga, te Tulafono, te taviniga tapu mo folafolaga katoa.  Ne ‵tupu mai latou mai i olotou tupuga kolā ne vau foki i ei a Keliso i te feitu faka-te-foitino: E pule te Atua i mea katoa kae ke ‵viki atu ki a ia ki te se-gata-mai. Amene.  Kae e se ko tena uiga me ko takavale te muna a te Atua. Me e se ko tino katoa kolā ne o‵mai i te gafa o Isalaelu ne tino “Isalaelu” ‵tonu.  E se fai foki a latou katoa mo fai a fanau a Apelaamo ona ko latou ne o‵mai i te gafa o Apelaamo, kae: “Ko te tino telā ka fakaigoa ko ‘tau fanau’ ka vau eiloa e auala i a Isaako.”  Ko tena uiga, a tama‵liki faka-te-foitino e se ko tama ‵tonu a te Atua, kae ko tama‵liki e auala i te folafolaga ka fai mo fai te fanau.  Me konei la a pati o te folafolaga: “Au ka toe vau i te taimi foki eiloa penei kae ka maua ne Sala se tamaliki tagata.” 10  E seki gata fua i konā, kae pelā foki mo te taimi ne faitama ei a Lepeka i se masaga mai i te tagata e tokotasi, ko Isaako, te ‵tou tupuga: 11  me koi tuai o fa‵nau mai lāua io me e fai ne lāua ne mea ‵lei io me ne mea ma‵sei, ko te mea ke fakatumau te fuafuaga a te Atua kae ke sē faka‵na tena filifiliga ki luga i te faiga o galuega, kae ki luga i te loto o Ia telā ne kalagagina ne ia, 12  ne fai atu ei penei ki tou fafine: “A te tamaliki matua ka fai mo pologa a te tamaliki foliki.” 13  E pelā eiloa mo pati ne tusi mai penei: “Au ne alofa ki a Iakopo, kae takalialia ki a Esau.” 14  Ne a la ‵tou pati ka fai? E mata, a te Atua e se fai mea tonu? E se mafai lele eiloa o fai penā! 15  Me ne fai atu a ia ki a Mose: “Ka fakamagalo ne au a te tino telā e manako au o fakamagalo, kae ka alofa atafai au ki te tino telā e manako au o alofa atafai ki ei.” 16  Tela la, e faka‵na eiloa a te mea tenā, e se ki te mea e manako ki ei te tino io me ki te tino telā e galue malosi, kae ki luga i te Atua telā e alofa fakamagalo. 17  Me ne fai mai i Tusitusiga Tapu e uiga ki a Falao: “Tenei eiloa te pogai ne talia ei ne au ke se tamate mua koe, ko te mea ke fakaasi atu toku ‵mana, kae ke folafola atu toku igoa i te lalolagi kātoa e auala i a koe.” 18  Tela la, e fakamagalo ne ia te tino telā e manako a ia o fakamagalo, kae e fai ne ia ke loto ‵fika a te tino telā e manako a ia ke loto ‵fika. 19  Kae ka fai mai koe ki a au: “Kaia la e onoono ei a ia ki mea ‵se e fai ne tino? Kae ko oi e mafai o ‵teke atu ki tena loto? 20  Kae ko oi la koe, e te tagata, ke fakafesili ne koe te Atua? E mata, e mafai ne te mea ne faite o fai atu ki te tino ne faite ne ia te mea tenā: “Kaia ne faite ei au ne koe penei?” 21  E a, e se pule te tino faite ipu ke faite ne ia mai se fakatupuga kele e tasi se ipu mō se mea ‵lei a ko te suā ipu mō se mea masei? 22  E a māfai e loto te Atua ke fakaasi mai tena kaitaua mo tena malosi sē fuafuagina, kae ne kufaki ne ia mo logo‵maega e uke i se taimi leva a ipu o te kaitaua kolā e ‵tau o fakaseai? 23  Kae e a, e se ‵lei foki, māfai ne fai ne ia te mea tenei ko te mea ke fakailoa mai i ei a te maumea o tena ‵malu ki luga i ipu o te alofa fakamagalo, kolā ko leva ne fakatoka ne ia ke maua te tulaga ‵malu 24  ne tatou, kolā ne kalagagina ne ia e se mai i tino Iutaia fua kae mai i tino o fenua fakaa‵tea foki? 25  Ka fai eiloa e pelā mo ana pati ne fai mai e auala i a Hosea: “Ka fakaigoa ne au a tino kolā e se ko oku tino ki ‘oku tino,’ a ko te fafine telā ne seki alofagina ka ‘alofagina’; 26  kae i te koga telā ne fai atu ei ki a latou a pati konei, ‘A koutou e se ko oku tino,’ tenā te koga ka fakaigoa ei latou ki ‘tama a te Atua ola.’” 27  E se gata i ei, ne pakalaga mai foki a Isaia e uiga ki tino Isalaelu: “E tiga eiloa ka tokouke a fanau a Isalaelu e pelā mo one i te tai, se ‵toega fua ka faka‵sao. 28  Me ka fai te fakamasinoga a Ieova i te lalolagi, ka fakaoti ne ia kae ka fakatoetoe aka foki ne ia. 29  E se gata i ei, e pelā eiloa mo te valoaga a Isaia: “Moi ne seki faka‵toe ne Ieova o kautau se fanau mō tatou, penei ko leva ne fai tatou e pelā mo Sotoma, kae e pelā foki mo Komolo.” 30  Ne a la ‵tou pati ka fai atu? E tiga eiloa ne seki ‵sala atu a tino o fenua fakaa‵tea ki te amiotonu, kae ko maua ne latou te amiotonu. Ko te vaegā amiotonu telā ne iku mai i te fakatuanaki. 31  Kae e tiga eiloa ne ‵sala atu a Isalaelu ki te tulafono amiotonu, ne seki oko latou ki ei. 32  Se a te pogai? Me ne seki ‵sala atu latou ki ei e auala i te fakatuanaki kae e pelā me se mea e fakavae ki luga i galuega. Ne ‵siga atu latou ki luga i te “fatu faka‵siga tino.” 33  E pelā mo pati ne tusi: “Kiloke! ko fakatakato ne au i Siona se fatu faka‵siga tino mo se papa e ‵lave ei olotou vae, kae ko te tino telā e fakatuanaki ki ei ka se fanoanoa.”

Fakamatalaga mai lalo