Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Loma 8:1-39

8  Tela la, a latou kolā e ‵kau fakatasi mo Keliso Iesu ka se fakasala.  Me i te tulafono o te agaga tenā e tuku mai ne ia te ola i te ‵kau fakatasi mo Keliso Iesu, ko oti ne fakasaoloto ne ia koutou mai te tulafono o te agasala mo te mate.  A te mea telā ne seki mafai o fai ne te Tulafono, ona ko te vāivāi o te foitino, ne fai eiloa ne te Atua i te ugamaiga o tena Tama i foliga o se tino agasala, kae ona ko te agasala, e taku fakamasei ei te agasala telā i loto i te foitino,  ko te mea ke fakataunu i a tatou a manakoga amio‵tonu o te Tulafono. Ko tatou kolā e sa‵sale i te agaga kae e se i te foitino.  Me i a latou kolā e sa‵sale i te foitino e tuku atu olotou mafaufau ki mea faka-te-foitino, a ko latou kolā e sa‵sale i te agaga e ‵saga atu eiloa ki mea faka-te-agaga.  Me i te mafaufau faeloa ki mea faka-te-foitino e fakauiga eiloa ki te mate, kae ko te mafaufau faeloa ki te agaga e maua mai i ei te ola mo te filemu;  me i te mafaufau ki mea faka-te-foitino e fakauiga ki te fai fili mo te Atua, me e se fakalogo i ei ki te tulafono a te Atua, kae e se mafai eiloa o fai penā.  Tela la, a latou kolā e sa‵sale i te foitino e se mafai eiloa o fakafiafia ne latou te Atua.  E tiga te feitu tenā, a koutou e se sa‵sale i te foitino, kae i te agaga māfai e nofo tonu te agaga o te Atua i loto i a koutou. Kae kafai e se nofo te agaga o Keliso i loto i se tino, e se i o Keliso a te tino tenā. 10  Kae kafai e ‵kau fakatasi koutou mo Keliso, ko mate te foitino ona ko te agasala, kae e tuku atu ne te agaga ki a koutou a te ola ona ko te amiotonu. 11  Kae kafai la ko nofo i a koutou a te agaga o te tino telā ne fakatu aka ne ia a Iesu mai te mate, ka fai foki ne ia telā ne fakatu aka ne ia a Keliso Iesu mai te mate otou foitino ke ola e auala i tena agaga telā e nofo i loto i a koutou. 12  Tela la, e oku taina, a tatou ko se ‵tau o ola e ‵tusa mo manakoga o te foitino. 13  Me kafai e ola koutou e ‵tusa mo manakoga o te foitino ka ‵mate eiloa koutou. Kae kafai e tamate ne koutou a manakoga o te foitino e auala i te agaga, ka ola eiloa koutou. 14  Me i a latou katoa kolā e takitaki ne te agaga o te Atua, ko tama eiloa konā a te Atua. 15  Me ne seki maua ne koutou te agaga o te pologa ke toe ma‵taku ei koutou, kae ne maua ne koutou te agaga ke fai koutou mo tama puke. Ko te agaga eiloa tenā e ka‵laga atu ei tatou: “Apa, te motou Tamana!”* 16  Ko te agaga eiloa tenā e molimau mai ki ‵tou agaga me i a tatou ko fanau a te Atua. 17  Kafai la a tatou ko ana tama, ko fai foki tatou mo sui: ko sui eiloa o te Atua, i te ‵kau fakatasi mo Keliso, māfai e puapuaga fakatasi tatou mo ia ko te mea ke faka‵malugina foki tatou fakatasi mo ia. 18  Tela la, e talitonu au me e seai se aoga o logo‵maega kolā e maua ne tatou i te taimi tenei māfai e faka‵tusa ki te ‵malu telā ka fakaasi mai ki a tatou. 19  Me e fakatali‵tali a mea katoa ne faite* mo te olioli ki te taimi e fakaasi mai ei a tama a te Atua. 20  Me ne tuku atu a mea ne faite ki loto i se olaga sē aoga, e se i olotou loto eiloa, kae e auala i a ia telā ne tuku atu ne ia latou ke fai penā, kae e fakavae ki luga i te fakamoemoega, 21  me ka toe fakasaoloto a mea ne faite mai te pologa ki te masei ke maua ne latou a te saolotoga ‵malu, ko te fai mo fai a fanau a te Atua. 22  Me e iloa ne tatou i mea ne faite ne ma‵nava fi‵ta kae logo‵mae fakatasi ke oko mai eiloa ki te taimi tenei. 23  E se gata fua i te mea tenā, kae e pelā foki mo tatou kolā ko maua ne tatou a fuataga muamua, telā ko te agaga. E tonu, ne ma‵nava fi‵ta tatou i loto i a tatou eiloa a koi fakatali‵tali tatou ke fai tatou mo tama puke, ko te fakasaolotoga mai i ‵tou foitino e auala i te togiola. 24  Me ne faka‵sao tatou i te fakamoemoega tenei. Kae ko te fakamoemoega telā e lavea atu e se ko te fakamoemoega tonu, me kafai e lavea ne se tino se mea, e mata, e fakamoemoe a ia ki ei? 25  Kae kafai e fakamoe‵moe tatou ki se mea telā e se lavea ne tatou, e ‵nofo fakatali‵tali faeloa tatou ki ei mo te kufaki. 26  E penā foki a te kau mai o te agaga ke fesoasoani mai ki ‵tou vāivāiga. Kafai e se iloa ne tatou a te mea e ‵tau o ‵talo atu tatou e uiga ki ei, e fakatagi atu eiloa te agaga mō tatou i mea kolā e manava fi‵ta tatou i ei kae e se mafai o fakamatalagina. 27  Kae e iloa ne te tino telā e iloilo ne ia a loto o tino a galuega a te agaga, me ko ia telā e fakatagi atu ki te Atua mō te kau tapu. 28  Ko iloa nei ne tatou me ne fakafealofani ne te Atua ana galuega katoa mō te ‵lei o latou kolā e a‵lofa ki a ia, ko latou kolā e kalagagina e ‵tusa mo tena fuafuaga. 29  Me ko leva ne fakaiku aka ne ia ke fai a latou kolā ne filifili muamua e pelā mo te fakatusa o tena Tama, ko te mea ke fai a ia mo fai te toekimua o taina e tokouke. 30  E se gata i ei, a tino kolā ko leva ne ‵tofi ne ia, ko tino foki kolā ne kalagagina ne ia; kae ko latou kolā ne kalagagina ne taku amiotonu foki ne ia. Kae ko tino kolā ne taku amiotonu ne ia ko latou foki kolā ne fakatapu ne ia. 31  Ne a la ‵tou pati ka fai atu e uiga ki mea konei? Kafai a te Atua e kau mai ki a tatou, ko oi la e ‵teke mai ki a tatou? 32  Kae kafai ne seki taofi ne ia tena Tama kae ne tuku mai a ia mō tatou katoa; kaia la ka se tuku mai ei ne ia mo te kaimalie a nisi mea katoa fakatasi mo ia ki a tatou? 33  Ko oi te tino e fia fai sena tagi ki tino filifilia a te Atua? A te Atua ko te Tino eiloa telā ne taku amiotonu ne ia latou. 34  Ko oi la ka fakamasei atu ki a latou? A Keliso Iesu ko te tino telā ne mate, io me ko te tino telā ne toe fakatu aka mai te mate kae telā ko nofo nei i te feitu fakaatamai o te Atua o fautua foki mō tatou. 35  Ko oi e mafai o ‵vae keatea ne ia tatou mai te alofa o Keliso? E mata, ko puapuaga io me ko te loto mafatia io me ko fakasauaga io me ko te fiakai io me ko te nofo fuafua io me ko mea fakama‵taku io me ko te pelu? 36  E pelā eiloa mo pati i te tusi: “E fakafesagai atu matou ki te mate i te aso kātoa ona ko koe, kae e fai matou e pelā me ne mamoe kolā ka tamate.” 37  Kae e se fai eiloa penā, me e manumalo katoatoa tatou i mea katoa konei e auala i a ia telā ne alofa mai ki a tatou. 38  E talitonu au me e se mafai ne te mate io me ko te ola io me ko agelu io me ko malo io me ko mea i te taimi nei io me ko mea ka oko mai io me ko malosi pule 39  io me ko mea i luga io me ko mea i lalo io me ko so se mea ne faite e mafai o ‵vae ne ia tatou keatea mai te alofa o te Atua e auala i a Keliso Iesu te ‵tou Aliki.

Fakamatalaga mai lalo

 Ke onoono ki te fakamatalaga mai lalo i te Male 14:36.
 E fakasino atu eiloa ki tino.