Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Loma 13:1-14

13  E ‵tau mo tino katoa o faka‵logo ki pule ma‵luga, me e seai se pulega e fai seiloga ke talia ne te Atua. Me ne fakasaoloto ne te Atua a pulega katoa konei ke ‵tu mai i olotou tulaga kese‵kese.  Tela la, a te tino telā e ‵teke ki pulega ko ‵teke foki ki te fakatokaga a te Atua. A latou kolā e ‵teke ki ei ka fakamasinogina.  Me i tino pule e se ‵tau o ma‵taku ki ei a tino kolā e fai mea ‵lei, kae ko tino kolā e fai mea ma‵sei. E a, e manako koe ke saoloto koe mai te mataku ki pulega konei? Ke tumau i te fai mea ‵lei kae ka maua ne koe a tavaega mai i ei;  me i a ia ko te tavini a te Atua mō te ‵lei o koe. Kae kafai e fai ne koe a mea ma‵sei, e ‵tau mo koe o mataku: me tenā te pogai e fakaaoga ei ne ia te pelu. A ia ko te tavini a te Atua, me ko ia telā e tuku atu ne ia te taui ma sui ke fakaasi atu ei te kaitaua o te Atua ki te tino telā e fai mea ma‵sei.  Tela la, e ‵tau eiloa mo koutou o faka‵logo, e se ona fua ko tena kaitaua kae ona ko otou loto lagona foki.  Me tenā foki loa te pogai e ‵togi ei otou lafoga; me i a latou ko tavini a te Atua mō tino katoa, e tavini atu faeloa mō te pogai eiloa tenei.  Tuku atu ki tino katoa a mea kolā e ‵tau o maua ne latou, ke ‵togi atu te lafoga ki a ia telā e ‵tau o ‵togi atu ki ei; ke ‵togi atu te tiute ki a ia telā e ‵tau o ‵togi atu ki ei; ke ma‵taku ki a ia telā e ‵tau o ma‵taku ki ei; ke fakaasi atu te fakaaloalo ki a ia telā e ‵tau o fakaaloalo ki ei.  Ke mo a ma ‵nofo kaitalafu koutou i se mea e tasi mai so se tino, kae ke fakatau a‵lofa koutou; me ko ia telā e alofa ki nisi tino ko fakataunu ne ia te tulafono.  Me e fai mai penei te tulafono, “Sa mulilua, Sa tatino, Sa kaisoa, Sa kaimanako,” mo nisi tulafono aka katoa, e aofia katoa i pati konei, “E ‵tau mo koe o alofa ki tou tuakoi e pelā mo koe ki a koe eiloa.” 10  E se fai ne te alofa a mea ma‵sei ki te tuakoi o se tino. Tela la, a te alofa ko te fakataunuga o te tulafono. 11  Ke na fai foki a te mea tenei, me e iloa ne koutou a te taimi, me ko leva ne oko mai a te itula e ‵tau ei o ala aka koutou mai te moe, i te mea ko pili mai nei te ‵tou fakaolataga i lō te taimi ne fai ei tatou e pelā me ne tino tali‵tonu. 12  Ko leva te po kae ko pili o ao. Tela la, ke na tiaki ne tatou a galuega o te pouliga kae ke na ‵pei tatou ki meatau o te mainaga. 13  Ke na sa‵sale faka‵lei tatou e pelā eiloa mo tatou e sa‵sale i te ao, e se i te faiga o fakafiafiaga va‵lea mo te ko‵nā, e se i te faiga o amioga fakatauavaga sē ‵tau mo te amio matafatu mo te sē āva, e se i te fakatau taua mo te loto masei. 14  Kae fakapei ki luga i a koutou a uiga o te Aliki ko Iesu Keliso, kae ke mo a ma fai otou fuafuaga mō te faiga o manakoga o te foitino.

Fakamatalaga mai lalo