Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Kolose 2:1-23

2  Me e manako au ke iloa ne koutou a te uke o aku taumafaiga e fai mō koutou e pelā foki mo latou kolā i Laotikaia mo latou kolā e seki lavea aka eiloa ne latou au.  E fai ne au te mea tenei ko te mea ke fakamafanafana atu ki olotou loto, ke ‵kau fakatasi latou i te alofa ko te mea ke maua ne latou te maumea sē fuafuagina telā ko te malamalama mo te iloa tonu o te mea ‵funa kae tapu a te Atua, telā ko Keliso.  Ne ‵funa faka‵lei aka i loto i a ia a koloa katoa o te poto mo te iloa tonu.  E fai atu ne au te mea tenei ke seai se tino e fakaloiloi ne ia koutou ki olotou kinauga faka‵se tino.  E tonu, e galo au mai i a koutou, a ko toku loto e nofo eiloa i a koutou mo te fiafia ke lavea atu i a koutou e tokagamalie kae e ‵mautakitaki foki te otou fakatuanaki ki a Keliso.  Tela la, ona ko te mea ko oti ne talia ne koutou a Keliso Iesu e pelā me ko te otou Aliki, tumau la i te sa‵sale fakatasi mo ia.  Ke ‵mau otou aka kae ati aka i luga i a ia. Ke ‵mautakitaki te otou fakatuanaki e pelā eiloa mo akoakoga ne fai atu ki a koutou ko te mea ke ‵fonu maligiligi te otou fakatuanaki māfai e ‵talo atu koutou o avatu a fakafetai ki te Atua.  Ke fakamautinoa aka ke mo a eiloa e fakapologa koutou ne se tino ki poto mo takolekolega mo munatuku a tino e ‵tusa mo tuu mo aganuu, mo poto fakavae o te lalolagi kae e se fakavae ki a Keliso,  me e maua i loto i a Keliso a uiga katoa o te Atua. 10  Tela la, ko maua ne koutou a mea katoa e auala i a ia, telā ko te ulu o malo mo pulega katoa. 11  E auala i te otou fesokotakiga mo ia ne pilitome ei koutou i te pilitome telā e se fai ki lima mai te ‵katiga o ‵kano o te foitino. A koutou ne pilitome ki te pilitome a Keliso. 12  Me ne tanu koutou fakatasi mo ia i tena papatisoga, kae e auala i a ia ne toe faka‵tu aka foki ei fakatasi koutou mo ia e alatu i te otou fakatuanaki ki galuega ‵mana a te Atua, telā ne fakatu aka ne ia a Iesu mai te mate. 13  E se gata i ei, e tiga eiloa ne ‵mate koutou i otou agasala kae seki pilitome koutou i te foitino, ne fakaola a koutou ne te Atua ke fakatasi koutou mo Keliso. Ne fakamagalo ne ia mo te kaimalie a ‵tou agasala katoa, 14  kae ne ‵solo katoatoa keatea ne ia te tulafono telā ne tusi ki lima ke ‵teke mai ki a tatou, kae aofia i ei a fakatonuga mo fakamasinoga. Ne ave ne ia keatea te mea tenā e auala i tena ‵tukiatuga ki luga i te lakau fakasaua.* 15  Ona ko te mea tenā, ne fakatakavale ei ne ia a malo mo olotou pulega kae tuku faka‵sau atu ki mua o tino katoa, kae takitaki ne ia latou i te māti o te manumalo. 16  Tela la, ke se toe ai se tino e fakamasino atu ki a koutou e uiga ki meakai e ‵kai ei koutou mo meainu e inu ei koutou, io me e uiga ki se aso fakamanatu io me ko te fakamanatuga o te masina sae io me ko te sapati. 17  A mea konā ko ata fua o mea kolā ka oko mai, ka ko te mea tonu eiloa ko Keliso. 18  Ke mo a ma kaisoa ne se tino a te failoga mai i a koutou. Ko te vaegā tino telā e loto maulalo fakaloiloi kae e fiafia foki o tapuaki ki agelu, kae “e tu ‵mautakitaki” ki mea ko oti ne lavea ne ia. E ‵fete fua te mafaufau o te tino tenā i manatu faka-te-foitino, 19  kae e se ‵piki ‵mau a ia ki te ulu, ko te ulu telā e maua mai i ei a mea katoa kolā e manakogina ne te foitino, kae e fusi fakatasi ne sokogā ivi mo uaua, kae e fai ne ia ke ola aka te foitino i te ola telā e tuku mai ne te Atua. 20  Kafai ne ‵mate fakatasi koutou mo Keliso e uiga ki mea fakavae o te lalolagi, kaia la e ola ei koutou e pelā me ne vaega o te lalolagi mai te faka‵logo ki fakatonuga o te tulafono tenei, 21  “Sa fakapatele ki ei, io me tami ki ei io me puke ki ei,” 22  telā e fakauiga ki mea katoa kolā ka fakaseai atu fakatasi mo olotou aoga? Ne fai te mea tenei e ‵tusa mo fakatonuga mo akoakoga a tāgata. 23  E tiga eiloa e foliga mai a mea konā me e maua i ei te poto i se tapuakiga telā ne ‵fatu ne tino mo te loto maulalo fakaloiloi mo te fakafi‵taga o te foitino, e seai eiloa ne aoga o mea konei i te taua ke manumalo i manakoga o te foitino.

Fakamatalaga mai lalo

 Ke onoono ki te Mataupu Fakaopoopo e 7.