Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Iakopo 3:1-18

3  E se tokouke a tino i a koutou ka fai mo fai ne faiakoga, e oku taina, me e iloa ne tatou me ka ‵mafa atu te ‵tou fakamasinoga.  Me i a tatou katoa e ‵siga* i taimi e uke. Kafai se tino e se siga i ana pati, a ia se tino e ‵lei katoatoa, kae e mafai foki o pule atu te tino tenā ki tena foitino kātoa.  Kafai e faka‵mau ne tatou a fagutu ki gutu o solofanua ko te mea ke faka‵logo mai ki a tatou, ka takitaki foki ne tatou olotou foitino kātoa.  Ke onoono foki ki vaka fai la, e tiga eiloa te lotou ‵lasi kae e faka‵tele ne matagi ma‵losi, e uliuli fua ne se tamā foe ki te koga telā e manako te tino e tu i te foe o fano ki ei.  E penā foki te alelo, se vaega foliki fua o te foitino kae e lasi tena fakamatamata. Onoono foki ki te foliki o te afi telā e mafai o ‵sunu ne ia se togavao lasi ‵ki!  A te alelo se afi. A te alelo se vaega o ‵tou foitino telā e ‵fonu i faifaiga sē amio‵tonu, me e fakalailai ne ia te foitino kātoa kae ‵sunu ne ia te olaga* kātoa o te tino ki te afi kae fakaseai atu i te afi i Kena.*  Me e mafai o fai ke ‵lata a manu fe‵kai o te vao, ko manu eva mo manu ‵tolo, mo ika ‵lasi i te tai, kae ko oti foki ne faka‵lata latou ne tino.  Kae e seai se tino e mafai o fakalata ne ia te alelo. E se mafai o pule atu ki ei me e fakamasei tino kae e ‵fonu i te poisini tamate tino.  E tavae ne tatou ki ei a Ieova, te ‵tou Tamana, kae oti aka ko fakamalaia ne tatou ki ei a tino kolā ne faite ki “foliga o te Atua.” 10  E ‵to mai eiloa mai te gutu e tasi a fakamanuiaga mo fakamalaiaga. Oku taina, e se ‵tau o fai a mea i te auala tenei. 11  E a, e isi se vaipuna e ‵sali mai i ei a vai ma‵galo mo vai ‵kona? 12  Oku taina, e a, e mafai o fua mai te lakau ko te mati ki olive io me ko te vine ki mati? E se mafai foki o maua a vai ma‵galo mai i vai ‵kona. 13  Ko oi te tino i a koutou e poto kae loto malamalama? Ke na fakaasi mai la ana galuega e auala i ana amioga ‵lei i te agamalu telā e maua mai i te poto. 14  Kae kafai e lasi te loto masei mo kinauga e uke i otou loto, ke mo a la koutou e fakamata‵mata kae ‵pelo e uiga ki te munatonu. 15  E se tenei te poto telā ne fanaifo mai te lagi, kae se mea faka-te-lalolagi, e liu manu, kae se mea fakatemoni foki. 16  Me ko te koga telā e ‵nofo i ei te loto masei mo kinauga, e maua foki i ei te faivalevale mo mea ma‵sei katoa. 17  Kae ko te poto mai te lagi e tulaga muamua i te ‵ma, e filemu, e loto malamalama, e toka o fakalogo, e ‵fonu i te alofa fakamagalo mo fuataga ‵lei, e se fakailoga tino, e se amio ‵pelo. 18  E se gata i ei, a fuataga o te amiotonu e ‵toki mai lalo i fakanofonofoga o te filemu i va o tino kolā e tausi ki te filemu.

Fakamatalaga mai lalo

Ia 3:2
 Io me “fai mea ‵se.”
Ia 3:6
 I te ‵gana Eleni, “ko te tamilosaga o te fanau mai.”
Ia 3:6
 Ke onoono ki te Mataupu Fakaopoopo e 10.