Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Filipi 3:1-21

3  Kae ko te ‵toe manatu, e oku taina, ke tumau koutou i te fia‵fia i te Aliki. E sē se fakalavelave ki a au ke toe tusi atu a mea konei ki a koutou, me e fai a mea konei mo fai te otou puipuiga.  Ke fakaeteete koutou i tino ma‵sei,* ke fakaeteete i tino fakalogo‵mae tino, ke fakaeteete i tino kolā e fakamalosi ne latou te pilitome.  Me i a tatou ko tino kolā e maua ne tatou te pilitome tonu, me e fai ne tatou a te taviniga tapu e auala i te agaga o te Atua kae e fakamata‵mata i a Keliso Iesu kae e se fakavae te ‵tou talitonuga ki mea o te foitino.  Kae kafai e isi se tino e ‵tau o fakamatamata ki mea o te foitino, ko au eiloa tenā. Kafai e mafaufau se tino me e isi se pogai ke talitonu ei a ia ki mea o te foitino, e sili atu au i a ia:  au ne pilitome i te valu o aso, au se tino Isalaelu, mai te matakaiga o Peniamina, se tino Epelu telā ne fanau mai i tino Epelu, kae e ‵tusa mo te tulafono, au se Falesaio.  Ona ko toku loto finafinau, ne fakasaua ne au te fakapotopotoga; kae e uiga ki te amiotonu telā e maua mai i te tulafono, au se tino telā ne fakatalitonu aka me e seai eiloa sena ‵se.  E tiga te feitu tenā, ko mea katoa kolā ne aoga ki a au, ko fai ne au me ne mea e se aoga* ona ko Keliso.  E tonu, e mafaufau foki au me ko se aoga a mea katoa ona ko te sili atu o te aoga o toku iloa e uiga ki a Keliso Iesu, toku Aliki. Ona ko ia ko talia ei ne au ke ‵galo atu a mea katoa kae ke kilo atu foki ki ei e pelā me ne kaiga ko oko eiloa i te uke, ko te mea ke maua ne au a Keliso  kae ke ‵kau fakatasi māua, e se ona ko toku amiotonu i te tautali atu ki te tulafono, kae ona ko te amiotonu telā e maua e auala i te fakatuanaki ki a Keliso, ko te amiotonu mai te Atua telā e fakavae ki luga i te fakatuanaki. 10  A toku fakamoemoega ko te fai ke iloa ne au a ia mo te ‵mana o tena toetu, kae ke kau atu au ki ana logo‵maega, kae ke mate foki au e pelā mo tena mate, 11  ke onoono aka me e mafai o aofia au i a latou kolā ka faka‵tu muamua mai te mate. 12  E se ko tena uiga me ko oti ne maua ne au a mea konā io me ko oti au ne fai ke ‵lei katoatoa, kae e kausaki atu eiloa au ke onoono aka me e mafai o puke au ki te mea telā ne filifili ei au ne Keliso Iesu. 13  Oku taina, e se mafaufau au me ko oti ne puke au ki te mea tenā; kae e tasi fua te mea e mautinoa ‵lei: Ko te fakapuli atu o mea i oku tua, kae saga atu faeloa ki mea i oku mua. 14  E kausaki eiloa au ke oko atu ki te tapula mō te failoga o te kalagaga ki te lagi mai te Atua e auala i a Keliso Iesu. 15  Tela la, ke maua ne tatou kolā ko ma‵tua ‵lei a te kilokiloga tenei. Kafai e se maua ne koutou a te mea tenā i so se feitu, ka fakaasi atu eiloa ne te Atua a te kilokiloga tonu ki a koutou. 16  E ui i ei, ke na sa‵sale faka‵lei tatou e ‵tusa mo te ‵tou ga‵solo ki mua i te auala eiloa tenei. 17  Ke fakaakoako katoatoa mai koutou katoa ki a au, e oku taina, kae onoono faeloa ki a latou kolā e sa‵sale e ‵tusa mo te fakaakoakoga telā ne tuku atu ne matou ki a koutou. 18  Me e tokouke a tino ne fakailoa sale atu ne au ki a koutou kae ko toe fai atu foki ne au nei mo loimata ki a koutou, kolā e sa‵sale e pelā me ne fili o te lakau fakasaua* o Keliso. 19  A te lotou ikuga ko te fakaseaiga, a ko te lotou atua ko olotou tinae,* kae e fakamata‵mata ki mea kolā ka masiasi ei latou, kae e tuku atu fua olotou mafaufau ki mea o te lalolagi. 20  Kae ko te ‵tou fenua tonu telā e maua loa i te lagi, kae e fakatali‵tali kae olioli eiloa tatou ke vau se fakaola mai i ei, ko te Aliki ko Iesu Keliso, 21  telā ka fakaaoga ne ia tena ‵mana sē fuafuagina ke ‵fuli ei ne ia a ‵tou foitino fatauva konei ke fai pelā mo tena foitino ‵malu kae ke ‵nofo a mea katoa mai lalo i a ia.

Fakamatalaga mai lalo

 I te ‵gana Eleni, “kuli.”
 Io me, “ko fiafia au o tiakina.”
 Ke onoono ki te Mataupu Fakaopoopo e 7.
 Io me, “ko mea kolā e ma‵nako ki ei olotou foitino.”