Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Fakaasiga 5:1-14

5  Ne matea atu ne au i te lima fakaatamai o te Tino telā e sagasaga i te nofogaaliki se pelugā tusi telā e tusi a pati i ei i ana feitu e lua,* kae ne faka‵piki ke ‵mau ki fakamailoga e fitu.  Kae ne matea atu foki ne au se agelu malosi e folafola mai mo te leo lasi penei: “Ko oi e ‵tau o ‵tala ne ia te pelugā tusi tenā mo ana fakamailoga?”  Kae e seai lele eiloa se tino i te lagi, io me i te lalolagi, io me mai lalo i te lalolagi, telā e mafai o ‵tala ne ia te pelugā tusi io me kilo atu ki mea i loto i ei.  Ne tagi malosi au me e seai se tino ne maua telā e ‵tau o ‵tala ne ia te pelugā tusi tenā io me kilo atu ki mea i loto i ei.  Kae e tokotasi te toeaina ne fai mai penei ki a au: “Sa tagi. Kiloke! Ko oti ne manumalo te Leona mai i te matakāiga o Iuta, ko te aka o Tavita, telā e ‵tau o ‵tala ne ia te pelugā tusi tenā mo ana fakamailoga e fitu.”  Kae ne matea atu ne au i tafa o te nofogaaliki, i va o manu ola e fa, penā foki loa mo te kau toeaina, a te tamā mamoe telā e foliga mai pelā me ko oti ne tamate. E fitu ana suki kae e fitu foki ana mata, kae e fakauiga eiloa a mata konā ki agaga e fitu o te Atua kolā ne avatu ki te lalolagi kātoa.  Ne fanatu te Tamā Mamoe kae ne puke fakavave a ia ki te pelugā tusi tenā mai i te lima fakaatamai o te Tino telā e sagasaga i te nofogaaliki.  I tena pukega ki te pelugā tusi, ne to‵tuli ifo ei a manu ola e fa mo toeaina e toko 24 i mua o te Tamā Mamoe. Kae ne tofu te toeaina mo tena kitala mo tena tanoa aulo telā e ‵fonu i mea ma‵nogi. (A mea ma‵nogi konā e fakauiga eiloa ki talosaga a te kau tapu.)  Kae e usu atu ne latou se pese fou, olotou muna: “E ‵tau eiloa o puke koe ki te pelugā tusi kae ‵tala ana fakamailoga, ona ko koe ne tamate kae mai i tou toto ne ‵togi ei ne koe a tino mō te Atua mai i matakāiga katoa, ‵gana katoa, tino katoa, mo fenua katoa. 10  Ne fai ne koe a latou mo fai se malo mo faitaulaga ki te ‵tou Atua, kae ka pule latou ki te lalolagi e pelā me ne tupu.” 11  Ne kilo atu au, kae ne lagona foki ne au a leo o agelu e tokouke e ‵tu fakatamilo i te nofogaaliki, manu ola, penā foki loa mo te kau toeaina, kae e fia afe te aofaki* o latou. 12  Ne fai atu latou penei i te leo lasi: “E ‵tau eiloa o maua ne te Tamā Mamoe telā ne tamate a te ‵mana, koloa, te poto, te malosi, te ‵vikiga, te ‵malu, mo te fakamanuiaga.” 13  Kae ne lagona ne au a tino katoa i te lagi mo te lalolagi, mo latou mai lalo i te lalolagi kae i luga i te tai, penā foki loa mo mea katoa i loto i ei, ne fai atu penei: “Ke avatu ki te Tino telā e sagasaga i te nofogaaliki mo te Tamā Mamoe a te fakamanuiaga, te vikiga, te ‵malu, mo te ‵mana ki te se-gata-mai, ki te se-gata-mai eiloa.” 14  Kae ne fai atu eiloa penei a manu ola e fa: “Amene!” Kae ne to‵tuli ifo ei a toeaina o tapuaki atu ki te Atua.

Fakamatalaga mai lalo

Fak 5:1
 Io me “i te koga i loto mo te koga i tua.”
Fak 5:11
 Io me “sefulu afe fatele mo te sefulu afe.”