Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Fakaasiga 17:1-18

17  Kae e tokotasi te agelu mai i agelu e tokofitu kolā ne maua ne latou a tanoa e fitu, ne vau kae fai mai ki a au, ana muna: “Vau, kae ka fakaasi atu ne au ki a koe a te fakamasinoga o te fafine talitagata sili telā e sagasaga i luga i vai e uke,  ko ia telā ne aofia i amioga fakatauavaga sē ‵tau fakatasi mo tupu o te lalolagi. Ne ko‵na foki a tino kolā e ‵nofo i te lalolagi i te uaina o ana amioga fakatauavaga sē ‵tau.”  Ne ave ne ia au i te malosi o te agaga ki te koga lavaki. Kae ne matea atu ne au i ei a te fafine e sagasaga i luga i te manu fekai lanu ‵kula telā e ‵fonu i igoa ma‵sei kae e fitu ana ulu mo ana suki e sefulu.  Kae ne pei te fafine tenei ki gatu violeta kae ‵kula. Ne teu foki ki aulo mo fatu tāua mo penina kae e isi se ipu aulo i tena lima telā e ‵fonu i mea fakatakalia‵lia mo mea lai‵lai o ana amioga fakatauavaga sē ‵tau.  Kae ne tusi i tena lae a te igoa telā se mea ‵funa: “Papelonia te Sili, te mātua o fafine talitagata mo mea fakatakalia‵lia i te lalolagi.”  Kae ne matea atu ne au me ne konā te fafine tenā i toto o te kau tapu mo toto o molimau a Iesu. I taku kiloatuga ki a ia ne ofo masei ei au.  Tela la, ne fai mai penei te agelu ki a au: “Kaia e ofo ei koe? Ka taku atu ne au ki a koe te tala ‵funa e uiga ki te fafine mo te manu fekai telā e sopo a ia i ei, kae telā e fitu ana ulu mo ana suki e sefulu.  A te manu fekai telā ne matea atu ne koe, ne ola, kae ne mate, kae ka fai foki o fanaka mai i te lua ‵poko, kae ka oko atu eiloa ki a ia tena fakaseaiga. Kae ko latou kolā e ‵nofo i te lalolagi—kolā ne seki tusi olotou igoa i te pelugā tusi o te ola mai i te kamataga o te lalolagi—ka ōfo masei māfai e matea ne latou a te auala ne ola mua ei te manu fekai, telā ne mate, kae ka toe ola mai foki.  “Tenei te mea e manakogina i ei te poto: A ulu e fitu e fakauiga ki mauga e fitu, kolā e sagasaga i ei a te fafine. 10  Kae e tokofitu a tupu: e tokolima ko oti ne pa‵ku, e tokotasi koi nofo mai nei, a ko te suā tupu e seki oko mai, kae kafai ko oko mai ka nofo mai fua a ia i se taimi toetoe. 11  Kae ko te manu fekai telā ne ola kae ne mate, ko ia tenā te tokovalu o tupu, kae ne māfua mai i tupu e tokofitu, kae ka fanatu eiloa a ia ki tena fakaseaiga. 12  “Kae ko suki e sefulu kolā ne matea atu ne koe e fakauiga loa ki tupu e tokosefulu, kolā e seki maua ne latou se malo, kae ka maua ne latou te pulega e pelā me ne tupu i se itula e tasi fakatasi mo te manu fekai. 13  E tasi ‵pau eiloa te manatu o latou konā, ko te tukuatuga o te lotou malosi mo te lotou pulega ki te manu fekai. 14  Ka taua atu a tupu konei ki te Tamā Mamoe, kae ka fakatakavale ne te Tamā Mamoe a latou, me i a ia ko te Aliki o aliki mo te Tupu o tupu. Kae ka manumalo foki fakatasi mo ia a latou kolā ne kalagagina, ne filifilia kae fakamaoni foki.” 15  Kae ne fai mai penei a ia ki a au: “A vai kolā ne matea ne koe, e sagasaga i ei te fafine talitagata, e fakauiga loa ki tino mo vaitino mo fenua mo ‵gana. 16  Kae ko suki e sefulu kolā ne matea ne koe, e penā foki mo te manu fekai, ka takalia‵lia ki te fafine talitagata kae ka ta fakamasei ne latou tou fafine kae tuku atu ke nofo fuafua. Ka kai ne latou ana ‵kano kae ka ‵sunu katoatoa ne latou a ia ki te afi. 17  Me ne faulu ne te Atua ki olotou loto a tena manatu ke fakataunu ei tena loto, e pelā eiloa mo te lotou manatu e tasi i te avatuga o te lotou pulega ki te manu fekai, ke oko eiloa ki te fakataunuga o muna a te Atua. 18  Kae ko te fafine telā ne matea atu ne koe e fakauiga eiloa ki te fakai takutakua telā e isi sena pule ki luga i tupu o te lalolagi.”

Fakamatalaga mai lalo