Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Fakaasiga 10:1-11

10  Ne matea ne au a te suā agelu malosi e fanaifo mai te lagi, e pei ki se kaumana, kae e isi se nuanua i luga i tena ulu. Ne fai eiloa ana mata e pelā mo te lā, kae ko ana vae ne fai pelā me ne pou afi.  Ne matala mai se tamā pelugā tusi i tena lima. Kae ne fakatu ne ia tena vae fakaatamai i te tai, a ko tena vae fakamaui i luga i te laukele.  Ne pakalaga atu a ia i te leo lasi e pelā eiloa mo te ‵tagi mai o se leona. Kae i tena pakalagaatuga ne pa‵pa mai ei a leo o fa‵tili e fitu.  I te taimi ne fai‵pati mai ei a fa‵tili e fitu, ne fakatoka au o tusi ki lalo a mea konā; kae ne lagona ne au se leo mai te lagi e fai mai penei: “‵Funa aka a pati a fa‵tili e fitu konā, kae sa tusigina ki lalo.”  Kae ko te agelu telā ne matea atu ne au e tu i te tai mo te laukele, ne sisi aka tena lima fakaatamai ki te lagi.  Ne tauto atu a ia i te igoa o te Tino telā e ola ki te se-gata-mai, ki te se-gata-mai eiloa, telā ne faite ne ia te lagi mo mea i loto i ei mo te laukele mo mea i luga i ei, penā foki loa mo te tai mo mea i loto i ei: “Ka se toe fakatuai eiloa;  me i aso e fai ei te faka‵pulaga a te tokofitu o agelu, i te taimi ka ili mai ei tena pu, ka fakataunu faka‵lei i ei te fuafuaga ‵funa kae tapu a te Atua telā ne folafola atu ne ia e pelā me se tala ‵lei ki ana tavini, ko te kau pelofeta.”  Ne toe faipati mai te leo telā ne lagona ne au mai te lagi kae ne fai mai penei: “Fano o puke te pelugā tusi telā ko matala i te lima o te agelu telā e tu i te tai mo te laukele.”  Ne fanatu eiloa au ki te agelu kae ne fai atu ke na tuku mai te tamā pelugā tusi. Ana muna ki a au, penei: “Puke kae kai ke palele. Ka ‵kona tou tinae i ei, kae ka magalo e pelā me se hani i tou gutu.” 10  Ne puke au ki te tamā pelugā tusi i te lima o te agelu kae kai ne au. Ne magalo eiloa te tusi tenā pelā me se hani i toku gutu; kae i te otiga ne kai ne au, ne ‵kona te mea tenā i toku tinae. 11  Kae ne fai mai penei ki a au: “E ‵tau o toe ‵valo atu koe e uiga ki tino, mo fenua, mo ‵gana, mo tupu e tokouke.”

Fakamatalaga mai lalo