Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Epelu 8:1-13

8  Tenei la te manatu tāua i omotou pati konei e fai atu: Ko maua nei ne tatou te faitaulaga sili tenei, kae ko oti ne sagasaga a ia i te feitu fakaatamai o te nofogaaliki o tena ‵Malu Sili i te lagi.  Ko te tavini* i te koga tapu mo te faleie tapu tonu, telā ne fakatu ne Ieova, kae e sē se tagata.  Me ne faka‵sopo aka a faitaulaga sili katoa ke ofo atu ne latou a meaalofa mo taulaga. Tela la, ne ‵tau foki o maua ne te tino tenei se mea ke ofo atu.  Kafai e nofo a ia i te lalolagi, e se mafai o fai a ia mo fai se faitaulaga, me e isi ne tino i ei kolā e ofo atu ne latou a meaalofa e ‵tusa mo te Tulafono.  A tāgata konei e ofo atu ne latou te taviniga tapu tenā i loto i te fakatusa mo te ata o mea i te lagi; e pelā eiloa mo Mose, i te taimi ne ‵tau ei o faite ne ia te faleie tapu, ne tuku atu ne te Atua te fakatonuga tenei: “Ke fai ne koe a mea katoa e ‵tusa mo te ata telā ne fakaasi atu ki a koe i luga i te mauga.”  Kae ko oti ne maua ne Iesu te taviniga tapu* telā e sili atu i te ‵lei, me i a ia ko te sokoga foki o te feagaiga telā e ‵lei atu, kae ko oti ne fakamau‵tu aka e ‵tusa mo te tulafono i luga i folafolaga kolā e ‵lei atu.  Moi fai e seai se mea masei i te feagaiga mua, penei e se toe manakogina te lua o feagaiga.  Me ne lavea ne ia a mea ‵se e fai ne tino i ana pati konei: “‘Kiloke! Ka oko mai eiloa a aso,’ ko muna a Ieova, ‘kae ka osi ei ne au se feagaiga fou mō tino Isalaelu mo te matakāiga o Iuta.  Ka se fai pelā mo te feagaiga telā ne osi ne au mo olotou tupuga i te aso ne puke atu ei au ki olotou lima o ‵taki keatea latou mai te fenua o Aikupito, me ne seki tumau latou i te fakamaoni ki taku feagaiga, kae ne seki toe tausi atu ei au ki a latou,’ ko muna a Ieova.” 10  “‘Me tenei taku feagaiga ka fai mo tino Isalaelu mai tua o aso konā,’ ko muna a Ieova. ‘Ka tuku atu ne au aku tulafono ki loto i olotou mafaufau, kae ka tusi ne au i loto i olotou loto. Kae ka fai au mo fai te lotou Atua, kae ka fai latou mo fai oku tino. 11  “‘Kae ka se toe ai se tino mai i a latou e akoako ne ia tena tuakoi* mo tena taina, kae fai atu penei: “Fai ke iloa ne koe a Ieova!” Me ka iloa ne latou katoa au, mai te ‵toe tino fatauva ki te ‵toe tino maluga. 12  Me ka fakamagalo ne au olotou faifaiga sē fakamaoni, kae ka se toe masaua eiloa ne au olotou agasala.’” 13  I ana pati e uiga ki “se feagaiga fou,” ko tena uiga ko fakaseaoga ne ia te feagaiga mua. Ona ko te mea ko fakaseaoga ne ia te mea mua, ko gasolo ei o galo atu te mea tenā.

Fakamatalaga mai lalo

 Io me se “tavini ki tino katoa.”
 Io me se “taviniga mō tino katoa.”
 I te ‵gana Eleni, “tino o tena fenua.”