Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Epelu 5:1-14

5  Me i faitaulaga sili katoa ne filifili mai i tāgata, kae ne ‵tofi aka latou ke tavini atu ki te Atua mō tatou, ko te mea ke ofo atu ne latou a meaalofa mo taulaga mō agasala.  E ‵tau o atafai te faitaulaga sili i ana faifaiga ki tino va‵lea mo tino fai mea ‵se ona ko te mea e isi foki ne ana vāivāiga,  kae ona ko te mea tenā e ‵tau ei o ofo atu ne ia a taulaga mō ana agasala totino e pelā eiloa mo te mea e fai ne ia mō tino katoa.  E se gata i ei, e se maua ne se tagata te tofi fakaaloalo tenei i tena loto eiloa, kae māfai fua e kalagagina a ia ne te Atua, e pelā eiloa mo Alona.  E penā foki a Keliso, ne seki faka‵malu ne ia a ia eiloa mo fai te faitaulaga sili, kae ne faka‵malu a ia ne te tino telā ne fai atu penei ki a ia: “A koe ko taku Tama, i te aso nei, ko fai au mo fai tou Tamana.”  Kae ne fai mai foki penei i se isi tusi faitau: “A koe ko te faitaulaga ki te se-gata-mai e pelā eiloa mo Mekisateko.”  I tena olaga i te lalolagi nei,* ne ofo aka ei ne Keliso a ‵talo mo fakatagi fakatasi mo loimata ki te Tino telā ne mafai o fakasao ne ia a ia mai te mate, kae ne talia ana ‵talo ona ko tena mataku ki te Atua.  E tiga eiloa a ia ko te Tama, ne tauloto ne ia te olaga fakalogo muna mai i ana puapuaga.  Kae i te otiga ne fai ke ‵lei katoatoa a ia, ne maua ei ne ia a te tiute ke tuku atu te fakaolataga se-gata-mai ki tino katoa kolā e faka‵logo ki a ia, 10  me ko oti ne filifili a ia ne te Atua ke fai mo fai te faitaulaga sili e pelā eiloa mo Mekisateko. 11  E uke a mea e fia fai atu ne matou e uiga ki a Ia, kae e faigata o fakamatala atu ona ko te tuai o malamalama* koutou i ei. 12  Me e tiga eiloa ko ‵tau nei koutou o fai mo fai ne faiakoga, koi ma‵nako eiloa koutou ke akoako koutou ne se tino ki akoakoga fakavae kae tapu mai te Atua. Koi ma‵nako eiloa koutou ki susu kae e se ko meakai ma‵keke. 13  Me ko so se tino e tumau i te inu ki susu e se masani mo te muna o te amiotonu, ona ko ia koi tamaliki. 14  A ko meakai ma‵keke e fakatoka mō tino ma‵tua fua kolā e fakamasani kae fakaaoga ne latou te malosi o olotou mafaufau, ke fakavasega aka ei a mea ‵tonu mo mea ‵se.

Fakamatalaga mai lalo

 I te ‵gana Eleni, “a koi nofo a ia e pelā me se tagata.”
 Io me “tuai o lagona.”