Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Epelu 10:1-39

10  Kae ona ko te Tulafono se ata fakatusa fua o mea ‵lei kolā ka oko mai, kae e se ko mea ‵tonu, e se mafai lele eiloa ne tāgata kolā e ofo atu faeloa ne latou a taulaga i tausaga takitasi o fai ke ‵lei katoatoa a tino kolā e olo atu ki te Atua.  Moi ne mafai o fai penā, e mata, e se ‵tau o fakagata aka te ofoatuga o taulaga, ona ko te mea ko oti ne faka‵magina mō taimi katoa a latou kolā e tuku atu ne latou te taviniga tapu kae ko se toe lagona ne latou te agasala i olotou loto?  Ikai, kae ko taulaga konei se fakamasauaga fua e uiga ki agasala i tausaga takitasi,  me e se mafai ne toto o pulumakau mo kouti o tapale keatea a agasala.  Tela la, i tena vauga ki te lalolagi ne fai mai ei tou tagata penei: “Ne seki manako koe ki taulaga mo meaalofa, kae ne fakatoka ne koe se foitino mō oku.  Ne seki talia ne koe a taulaga ‵sunu kātoa mo taulaga mō agasala.’  Kae ne fai atu au, ‘Kiloke! Tenei au ko vau (e ‵tusa mo te mea telā e tusi i te pelugā tusi e uiga ki a au) o fai tou loto, e toku Atua.’”  I te otiga o ana pati muamua konei: “Ne seki manako io me e talia ne koe a taulaga mo meaalofa mo taulaga ‵sunu kātoa mo taulaga mō agasala”—ko taulaga kolā ne ofo sale atu e ‵tusa mo te Tulafono—  fai atu ei a ia: “Kiloke! Tenei au ko vau o fai tou loto.” Ne fakaseai atu ne ia te mea muamua ko te mea ke fakatu aka ne ia te lua o mea. 10  Ko oti ne fakatapugina tatou e ‵tusa mo te “loto” o te Atua tenei, e auala i te ofoatuga o te foitino o Iesu Keliso fakatasi mō taimi katoa. 11  E se gata i ei, e ‵tu atu a faitaulaga taki tokotasi i aso takitasi o tavini* kae ofo atu faeloa a taulaga penā, kolā e se mafai o tapale katoatoa keatea i ei a agasala. 12  Kae ne ofo atu ne te tagata tenei te taulaga e tasi faeloa mō agasala mō taimi katoa, kae sagasaga ifo ei i te feitu fakaatamai o te Atua, 13  o fakatalitali i konā ke oko eiloa ki te taimi e tuku atu ei ana fili mo fai te mea e tuku ei ana vae. 14  Me mai te ofoatuga o te taulaga e tasi tenei, ne fai ei ne ia a tino kolā e fakatapugina ke ‵lei katoatoa mō taimi katoa. 15  E se gata i ei, e molimau mai foki te agaga tapu ki a tatou, me i te otiga o pati konei: 16  “‘Tenei taku feagaiga ka fai mo latou mai tua o aso konā,’ ko muna a Ieova. ‘Ka tuku atu ne au aku tulafono ki loto i olotou loto, kae tusi i olotou mafaufau,’” 17  kae ne fai mai foki a ia: “Kae ka se toe masaua eiloa ne au olotou agasala mo olotou faifaiga solitulafono.” 18  Ona ko te mea ko fakamagalogina a mea konei, ko se toe manakogina ei se taulaga mō agasala. 19  Tela la, e oku taina, ona ko te mea ko maua ne tatou te loto toa ke ulu atu ki loto i te koga tapu, e auala i te toto o Iesu, 20  telā ne kamata ne ia mō tatou e pelā me se auala fou kae ola, ke ulu atu ei tatou ki loto i te ‵pui laugatu, telā ko tena foitino, 21  kae ona ko te mea ko maua ne tatou se faitaulaga sili i te fale o te Atua, 22  ke na olo atu la tatou ki mua o te Atua mo te loto fakamaoni mo te fakatuanaki katoatoa, me ko oti ne faka‵magina* a ‵tou loto lagona ma‵sei mo ‵tou foitino ko oti ne fakakoukou ki vai ‵ma. 23  Ke na fakatumau ne tatou te folafolaatuga o te ‵tou fakamoemoega ki tino katoa e aunoa mo te fakavāi‵vai, me i a ia telā ne tauto mai e fakamaoni. 24  Kae ke na ‵saga atu tatou te suā tino ki te suā tino o fakama‵losi atu ke fakatau a‵lofa kae fai a mea ‵lei, 25  ke mo a ma ‵galo sale tatou i ‵tou fakatasiga, e pelā mo te masani a nisi tino, kae ke fakamalosi atu te suā tino ki te suā tino, kae maise eiloa me ko iloa ne koutou i te aso tenā ko pili mai. 26  Me kafai e fai faeloa ne tatou te agasala mo te iloa tonu kae ko oti ne iloa ne tatou te munatonu, ko se toe ai ei se taulaga e ‵toe mō ‵tou agasala, 27  kae na ko te fakatalitali atu fua mo te mataku ki te fakamasinoga mo te kaitaua telā e ‵ka pelā me se afi kae ka ‵sunu ki ei a latou kolā e ‵teke atu ki ei. 28  So se tino telā e se fakalogo ki te tulafono a Mose e tamate e aunoa mo te alofa atafai, mai molimau a tino e tokolua io me tokotolu. 29  Se a la tau faka‵tau, ka pefea te lasi atu o te fakasalaga e ‵tau o maua ne se tino telā ko oti ne lakalaka ne ia te Tama a te Atua kae e manatu māmā ki te aoga o te toto o te feagaiga telā ne fakatapu a ia ki ei, kae ko oti ne fai ne ia te agaga o te alofa tauanoa ke kaitaua? 30  Me e iloa ne tatou te tino telā ne fai mai penei: “I a aku te taui ma sui; ka toe ‵togi atu ne au”; kae toe fai mai foki: “Ka fakamasino ne Ieova ana tino.” 31  Se mea fakamataku ke maua ne koe te fakasalaga mai lima o te Atua ola. 32  Kae ke masaua faeloa ne koutou me i te otiga ne maua ne koutou te mainaga, ne kufaki kae logo‵mae koutou mai lalo i tofotofoga fakama‵taku i aso ko ‵teka. 33  I nisi taimi e tuku faka‵sau* atu eiloa koutou ki fakatauemuga mo fakasauaga, kae i nisi taimi ne fesoasoani atu eiloa koutou ki tino kolā e pokotia i mea konā. 34  Me ne fakaasi atu eiloa te otou loto a‵lofa ki a latou i falepuipui kae ne talia foki ne koutou mo te fia‵fia ke ‵faomalo otou kope i te iloa atu me e isi se otou kope telā e ‵lei atu kae e tumau foki. 35  Tela la, ke mo a ma ‵pei keatea ne koutou te otou saolotoga o fai‵pati atu, telā ka lasi ‵ki tena taui e maua. 36  Me e manakogina ke kufaki koutou, ko te mea ke maua ne koutou te fakataunuga o te folafolaga māfai ko oti ne fai ne koutou te loto o te Atua. 37  Me “ko toetoe te taimi,” kae “ka oko mai eiloa te tino telā ka fai o vau kae ka se tuai.” 38  “Kae ko taku tino amiotonu ka ola e auala i te fakatuanaki,” kae “kafai e toe foki a ia ki tua, ka se fiafia au ki a ia.” 39  Nei la, a tatou e se ko vaegā tino kolā e toe ‵foki ki tua kae e iku atu ki te fakaseaiga, kae ko tino kolā e fakatuanaki kae e iku atu ki te mauaga o te ola.

Fakamatalaga mai lalo

 Io me “se taviniga ki tino katoa.”
 I te ‵gana Eleni, “te faka‵pisiatuga” o te toto o Iesu.
 I te ‵gana Eleni, “tuku faka‵sau atu e pelā me maimoa atu ki ei a tino i loto i se fale fai tafaoga.”