Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

Efeso 5:1-33

5  Tela la, ke fakaakoako koutou ki te Atua, e pelā me ne tama‵liki fagasele,  kae ke tumau i te sa‵sale i te alofa, e pelā eiloa mo te alofa o Keliso ki a koutou kae tuku atu tena ola mō koutou e pelā me se taulaga telā e manogi gali ki te Atua.  Ke mo a eiloa e toe sae mai i a koutou se pati e uiga ki amioga fakatauavaga sē ‵tau mo so se vaega o amioga lai‵lai katoa io me ko te kaimanako, e pelā eiloa mo te mea telā e ‵tau o fai ne tino tapu;  io me ko amioga fakalumaluma io me ko pati va‵lea io me ko mea faifa‵kata ma‵sei, ko mea kolā e se ‵tau o fai, kae ko te tukuatuga fua o ‵talo fakafetai ki te Atua.  Me e iloa ‵lei ne koutou a te mea tenei, me e seai se tino e fina ki amioga fakatauavaga sē ‵tau io me se tino sē ‵ma io me se tino kaimanako—ko tena uiga se tino e ifo ki tupua—e isi sena vaega i te Malo o te Keliso mo te Atua.  Ke se fakaloiloi koutou ne se tino ki pati sē aoga, me ka oko atu eiloa te kaitaua o te Atua ki luga i tino sē faka‵logo penā.  Tela la, ke mo a ma ‵kau fakatasi mo latou;  me i a koutou ne ‵nofo muamua i te pouliga, kae nei ko fai koutou mo mainaga i te ‵kau fakatasi mo te Aliki. Tumau la i te sa‵sale e pelā me ne tama o te mainaga,  me e aofia i fuataga o te mainaga a vaega katoa o te aga‵lei mo te amiotonu mo te munatonu. 10  Ke fakamautinoa aka faeloa ne koutou a mea kolā e talia ne te Aliki; 11  kae fakagata te ‵kau atu ki galuega sē aoga o te pouliga. Kae ke fakaasi faka‵sau atu foki olotou tulaga ‵tonu. 12  Me se mea fakamasiasi ke fakamatala atu a mea kolā e fai ‵funa ne latou. 13  A mea katoa kolā e fakaasi faka‵sau mai e lavea tonu atu i te mainaga, me i mea katoa kolā e lavea tonu atu ko te mainaga tenā. 14  Tela la, e fai mai penei: “Ala mai, a koe tenā e moe, tu aka mai te mate, kae ka maina atu a Keliso ki luga i a koe.” 15  Tela la, ke fakaeteete faeloa koutou i te auala e sa‵sale ei koutou, e se pelā me ne tino va‵lea kae e pelā mo tino ‵poto. 16  Ke fakaaoga otou taimi* ki toe mea ‵lei, me i aso konei ko aso ma‵sei. 17  Ona ko te mea tenei, ke mo a koutou e va‵lea, kae fai faeloa ke iloa ne koutou a mea e loto ki ei a Ieova. 18  Ke se ko‵na foki koutou i te uaina, telā e iku atu ki te faiga o amioga ma‵sei, kae ke faka‵fonu faeloa koutou ki te agaga. 19  Ke fakatau fai‵pati koutou ki salamo, vikiga ki te Atua, mo pese faka-te-agaga, kae ke usu atu a pese fakatasi mo tavaega ki a Ieova i otou loto. 20  Ke fakafetai atu faeloa ki te ‵tou Atua telā ko te Tamana mō mea katoa, i te igoa o te ‵tou Aliki ko Iesu Keliso. 21  Ke fakatau faka‵logo koutou te suā tino ki te suā tino i te ma‵taku ki a Keliso. 22  Ke faka‵logo a fāfine ki olotou avaga, e pelā eiloa mo te otou faka‵logo ki te Aliki, 23  me i te tagata ko te ulu o tena avaga e pelā eiloa mo Keliso ko te ulu o te fakapotopotoga, me i a ia ko te fakaola o te foitino tenei. 24  E pelā eiloa mo te fakalogo o te fakapotopotoga ki a Keliso, e penā foki a fāfine ki olotou avaga i mea katoa. 25  Tāgata, ke tumau koutou i te a‵lofa ki otou avaga, e pelā eiloa mo te alofa o Keliso ki te fakapotopotoga kae tuku atu tena ola mō te fakapotopotoga, 26  ko te mea ke fakatapu ne ia, kae faka‵ma ki te vai e auala i te muna, 27  ko te mea ke tuku atu ne ia te fakapotopotoga ki a ia eiloa i tena gali, e aunoa mo se pona io me se ila io me ko so se vaegā mea penā, kae e ‵tau o tapu e aunoa mo se lailai. 28  I te auala tenei e ‵tau ei o a‵lofa a tāgata ki olotou avaga e pelā eiloa me ko olotou foitino ‵tonu. A te tagata telā e alofa ki tena avaga e alofa foki ki a ia eiloa, 29  me e seai se tino kai takalialia ki tena foitino eiloa. E fagai kae e fakapelepele ne ia, e pelā foki mo te mea e fai ne Keliso ki te fakapotopotoga, 30  me i a tatou ko vaega o tena foitino. 31  “Me tenei te pogai e tiaki ei ne te tagata tena tamana mo tena mātua kae e ‵nofo fakatasi mo tena avaga, ko fai ei lāua mo fai se foitino e tasi.” 32  A te mea ‵funa kae tapu tenei e tafasili i te tāua. Ko faipati atu au ki a koutou e uiga ki a Keliso mo te fakapotopotoga. 33  E tiga te feitu tenā, ke a‵lofa foki koutou taki tokotasi ki otou avaga e pelā eiloa mo koutou ki a koutou eiloa. I te suā feitu, e ‵tau o lasi te āva o te fafine ki tena avaga.

Fakamatalaga mai lalo

 I te ‵gana Eleni, “ke ‵togi te taimi.”