Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

3 Ioane 1:1-14

 Ko au, te toeaina matua ko tusi atu ki a Kaio, toku taina pele, telā e alofa tonu au ki ei.  Toku taina pele, au e ‵talo ke tumau tou manuia i mea katoa e fai ne koe kae ke malosi ‵lei koe, e pelā eiloa mo tou manuia i aso nei.  Me ne ‵fonu au i te fiafia i te okomaiga a taina kae molimau mai e uiga ki te munatonu tenā e puke ‵mau koe ki ei, e pelā eiloa mo tou tumau i te sasale i te munatonu.  E seai se mea e silia atu toku loto fakafetai e uiga ki ei i lō te mea tenei, ke lagona ne au i aku tama e tumau i te sa‵sale i te munatonu.  Toku taina pele, e fakaasi mai tou fakamaoni i so se galuega e fai ne koe mō taina, e tiga eiloa e se masani koe mo latou.  Ko oti ne molimau mai latou e uiga ki tou alofa i mua o te fakapotopotoga. Fakamolemole, uga atu a tino konā ke olo i se auala telā e fiafia ki ei te Atua.  Me ne olo atu eiloa latou ona ko te igoa o te Atua, e aunoa mo ne mea ne maua ne latou mai i tino o fenua fakaa‵tea.  Tela la, ko ‵tau ei o fakaasi atu ne tatou te uiga talimalo ki tino penā, ko te mea ke fai tatou mo fai ne taina e ga‵lue fakatasi i te munatonu.  Ne tusi atu au e uiga ki se mea e tasi ki te fakapotopotoga, kae ko Siofilisi, telā e fia tulaga muamua i a koutou, e se talia ne ia mo te āva so se mea telā e fai atu ne matou. 10  Tenā te pogai, kafai e oko atu au, ka fakaasi atu ei ne au a galuega kolā e fai ne ia o fatufatu matou ki pati ma‵sei. Ne seki lotomalie fua a ia ki mea konā, kae ne ita foki tou tagata ma talimalo ne ia a taina mo te āva. E taumafai foki a ia o taofi aka a taina kolā e ma‵nako o talimalo a tino konā kae e ‵pei atu ne ia ki tua mo te fakapotopotoga. 11  Toku taina pele, sa fakaakoako ki mea ma‵sei kae ko mea kolā e ‵lei. A te tino telā e fai ne ia te mea ‵lei e māfua mai i te Atua. Kae ko te tino telā e fai ne ia a mea ma‵sei e seki lavea ne ia te Atua. 12  E molimau mai a tino katoa e uiga ki a Temetiu e penā foki mo te munatonu. E tonu, e molimau atu foki matou e uiga ki a ia, kae e iloa ne koe me e tonu eiloa te molimau telā e avatu ne matou. 13  E uke a mea e fia tusi atu ne au ki a koe, kae e se manako au o tusi atu i se tusi. 14  Kae e fakamoemoe au ke fetaui tāua i se taimi pili mai ko fai‵pati fakatasi ei tāua. Ke i luga i a koe te filemu. Ko ‵moli atu alofaga o taugasoa i konei. ‵Moli atu oku alofaga ki taugasoa taki tokotasi i konā.

Fakamatalaga mai lalo