Fanatu ki te fakasologa

Fanatu ki te fakasologa o mataupu

Molimau a Ieova

Fili se `gana Tuvalu

2 Tesalonia 3:1-18

3  Kae ko te ‵toe mea, e oku taina, ‵talo faeloa mō matou, ko te mea ke tumau te muna a Ieova i te salalau atu fakavave kae ke faka‵malugina e pelā eiloa mo te mea tenā e fai ne koutou,  ko te mea ke ‵sao tatou mai tino fakasaua kae amio ma‵sei, me i te fakatuanaki e sē se mea e maua ne tino katoa.  E fakamaoni te Aliki, kae ka fakamalosi kae puipui ne ia koutou mai te tino masei.  E se gata i ei, e tali‵tonu matou ki te Aliki e uiga ki a koutou, me e fai ne koutou kae ka fai faeloa ne koutou omotou fakatonuga.  Ke takitaki faeloa ne te Aliki otou loto ki te alofa o te Atua mo te loto kufaki ko te mea ke tavini atu koutou ki a Keliso.  Nei la, ko tuku atu ne matou a fakatonuga, e oku taina, i te igoa o te Aliki ko Iesu Keliso, ke ‵kalo keatea koutou mai so se taina telā e ola i se olaga sonafai kae sē tautali i akoakoga kolā ne maua ne koutou mai i a matou.  Me e iloa ne koutou te auala e ‵tau ei o fakaakoako mai koutou ki a matou, me ne seki sonafai omotou amioga i te motou ‵nofoga i a koutou  io me ne seki ‵kai matou i meakai mai se tino e aunoa mo se ‵togi. I lō te fai penā, ne ga‵lue matou i te po mo te ao ko te mea ke se fakafi‵ta atu matou ki a koutou.  E se ko tena uiga me e se ‵tau o maua ne matou ne mea mai i a koutou, kae ko te mea ke fai ne matou se fakaakoakoga ke tau‵tali koutou i ei. 10  Se mea tonu, me ne fai sale atu ne matou te fakatonuga tenei i te taimi ne ‵nofo ei tatou: “Kafai e isi se tino e se fia galue, e se ‵tau foki a ia o kai.” 11  Me ko ‵logo matou me e isi ne tino i a koutou e ola i se olaga sonafai, e se ga‵lue kae e sona ‵kau atu fua i mea kolā e seai eiloa se lotou fekau i ei. 12  E fakatonu kae fakama‵losi atu matou ki vaegā tino penā i te Aliki ko Iesu Keliso, me e ‵tau mo latou o ga‵lue mo te filemu, kae ‵kai ki meakai ne maua i fua o olotou galuega. 13  A ko koutou, e oku taina, sa ‵fiu i te faiga o mea ‵lei. 14  Kafai e se fakalogo se tino ki omotou muna e auala i te tusi tenei, fakamailoga aka la te tino tenā, kae sa toe ‵kau atu ki a ia, ko te mea ke mā a ia. 15  Kae ke se fai ne koutou a ia mo fai se otou fili, kae ke tumau i te fakamalosi atu ki ei e pelā me se taina. 16  Nei la, ke i luga i a koutou i taimi mo auala katoa a te filemu telā e maua mai i te Aliki o te filemu. Ke i luga i a koutou katoa a te Aliki. 17  Konei oku alofaga, ko alofaaga o Paulo i toku lima eiloa, ko te fakailoga tenā i aku tusi katoa e tusi atu. 18  Ke i luga i a koutou katoa te alofa tauanoa o te ‵tou Aliki ko Iesu Keliso.

Fakamatalaga mai lalo