Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

2 Tesalonia 2:1-17

2  Kae e uiga ki te fakatasi* mai o te ‵tou Aliki ko Iesu Keliso, e oku taina, mo te fakamaopoopoga o tatou ki a ia, e fakamolemole atu matou ki a koutou,  ke se vave o ‵numi otou mafaufau io me sona manava‵se* koutou me i te aso o Ieova ko oti ne oko mai ona ko te mea ne maua ne koutou se fakaasiga fakaosofia io me se fekau fai gutu io me e auala i se tusi e pelā me ne avatu ne matou.  Ke mo a ma fakaloiloi* koutou ne se tino i so se feitu, me e se mafai o oko mai te aso o Ieova seiloga ke oko muamua mai te aposetasi* mo te fakaasimaiga o te tino solitulafono, telā ko te tama o te fakaseaiga.  Ko ia ko te tino ‵teke kae e fakamaluga aka ne ia a ia eiloa ke maluga atu i tino katoa kolā e taku ki “atua” io me se mea e tapuaki ki ei a tino, ko te mea ke sagasaga a ia ki lalo i te faletapu o te Atua, kae fakaasi atu ei ki tino katoa i a ia se atua.  E a, ko se masaua ne koutou, me ne fai sale atu ne au ki a koutou a mea konei i te taimi ne ‵nofo fakatasi ei tatou?  Ko iloa nei ne koutou a te mea telā e taofiofi ne ia te tino solitulafono, ko te mea ke fakaasi faka‵sau mai a ia i tena taimi tonu.  E tonu, ko leva ne galue te uiga solitulafono tenei i se auala ‵funa; kae e ‵funa aka fua ke oko eiloa ki te taimi e galo atu ei te tino telā e taofiofi ne ia te mea tenā.  Kae ka fakaasi mai eiloa te tino solitulafono, telā ka fakaseai atu ne te Aliki ko Iesu e auala i te ‵mana telā e vau i tena gutu, kae ka fakaseai atu te tino tenā māfai ko lavea atu tena fakatasi* mai.  Kae ko te fakatasi mai o te tino solitulafono e mafua mai eiloa i a Satani mo ana galuega ‵mana, ko fakailoga mo mea fakaofoofogia ‵loi katoa 10  mo amioga sē fakamaoni katoa mō tino kolā ka fakaseai atu, e pelā me se fakasalaga me ne seki talia ne latou te munatonu ko te mea ke ‵sao latou. 11  Tenā eiloa te pogai ne talia ei ne te Atua ke faka‵se latou ne te mea tenā, ko te mea ke tali‵tonu latou ki te loi tenā, 12  ko te mea ke fakamasino a latou katoa me ne seki tali‵tonu latou ki te munatonu kae ne fia‵fia fua ki faifaiga sē fakamaoni. 13  E tiga te feitu tenā, e ‵tau faeloa o fakafetai matou ki te Atua ona ko koutou, e oku taina kolā e alofa ki ei a Ieova, me ne filifili koutou ne te Atua i te kamataga mō te fakaolataga mai te fakatapuga o koutou ki tena agaga mo te otou fakatuanaki ki te munatonu. 14  Ne kalaga ne ia koutou ki te fakaolataga tenei e auala i te tala ‵lei telā e folafola atu ne matou, ko te mea ke maua ne koutou te ‵malu o te ‵tou Aliki ko Iesu Keliso. 15  Tela la, e oku taina, ke ‵tu ‵mautakitaki koutou kae puke ‵mau ki mea ko oti ne akoako atu ki a koutou, faitalia me ne auala atu i se fekau fai gutu io me i se tusi mai i a matou. 16  E se gata i ei, ke i luga i a koutou te ‵tou Aliki ko Iesu Keliso mo te Atua te ‵tou Tamana, kolā e a‵lofa mai ki a tatou kae tuku mai foki ne lāua a fakamafanafanaga se-gata-mai mo te fakamoemoega gali e auala i te alofa tauanoa, 17  ke fakamafanafana atu ki otou loto kae fakama‵losi atu foki ki a koutou i so se galuega mo so se pati e fai ne koutou.

Fakamatalaga mai lalo

 Ke onoono ki te Mataupu Fakaopoopo e 6.
 Io me “‵pole otou loto.”
 Io me “takolekole.”
 Io me “ko te fulitua ki te tapuakiga tonu.”
 Ke onoono ki te Mataupu Fakaopoopo e 6.