Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

2 Kolinito 9:1-15

9  Nei la, e uiga ki te galuega mō tino tapu, e se manakogina malosi ke tusi atu au ki a koutou,  me e iloa ne au te otou loto fesoasoani telā ne fakamatamata sale ei au ki Kelisiano i Maketonia, me ko tasi nei te tausaga ne toka ei te kau i Akaia, kae ko oti ne fakamalosi atu a te otou loto finafinau ki te tokoukega o latou.  Kae ko uga atu ne au a taina, ko te mea ke se fakaseaoga ei te motou fakamata‵mata e uiga ki a koutou, kae ke toka ‵lei eiloa koutou, e pelā eiloa mo aku pati ki a koutou. Ke na toka faeloa koutou.  Me kafai e olo atu matou mo taina mai Maketonia kae e maua aka i a koutou e se toka, ko masiasi ei matou fakatasi mo koutou ona ko te motou loto tali‵tonu ki a koutou.  Tela la, ne mafaufau ei au me e ‵tau o fakamalosi atu ki taina ke mua atu ki a koutou ke na fakatoka otou meaalofa kolā ne tauto mai koutou ki ei, ko te mea ke toka e pelā me se meaalofa ne tuku atu mo te kaimalie kae e sē se mea ne faimalo.  Kae e pelā mo te mea tenei, a te tino telā e mu‵tana ana mea ne ‵toki ka mu‵tana foki ana mea e tau. A ko te tino telā e uke ana mea ne ‵toki ka uke foki ana mea e tau.  Ke fai ne tino taki tokotasi te mea telā ko oti ne fakaiku aka i tena loto, ke se fai mo te fameo io me ko te faimalo, me i te Atua e alofa ki te tino telā e tuku atu ana mea mo te loto fiafia.  E se gata i ei, e mafai ne te Atua o fakalasi atu a tena alofa tauanoa ki a koutou, ko te mea ke lava faeloa otou mea i feitu katoa, ke uke otou mea mō te faiga o galuega ‵lei katoa.  (E pelā eiloa mo pati i te tusi: “Ko oti ne tufa atu ne ia a mea ki tino e tokouke. Ko oti foki ne tuku atu ne ia a mea ki tino ma‵tiva. E tumau eiloa tena amiotonu ki te se-gata-mai.” 10  A ko te tino telā e tuku atu ne ia a fuaga e uke ki te tino fai fatoaga mo falaoa ke ‵kai ki ei, ka tuku atu kae fakauke aka foki ne ia a fuaga ke ‵toki ne koutou. Kae ka fakauke aka ei a fuataga o te otou amiotonu.) 11  Ko mau‵mea koutou i mea katoa ona ko te otou kaima‵lie i feitu katoa, kae e auala i a matou ko fakaasi atu ei ne tino a te fakafetai ki te Atua; 12  me i te faiga o te galuega fesoasoani tenei ki tino katoa e se ko te faiga fua ke lava a mea e tausi ei a tino tapu kae ke mau‵mea foki i te avatuga o fakafetai e uke ki te Atua. 13  E auala i te fakamaoniga telā e tuku atu i te galuega tenei, e ‵viki atu ei latou ki te Atua me i a koutou e faka‵logo ki te tala ‵lei telā e folafola atu ki tino katoa e uiga ki a Keliso. E kaima‵lie foki koutou i otou meaalofa mō latou e pelā foki mō tino katoa. 14  Kae fakatasi mo olotou ‵talo mō koutou, e fakaasi atu i ei a te lotou a‵lofa mō koutou ona ko te alofa tauanoa sē fuafuagina o te Atua tenā i luga i a koutou. 15  Ke fakafetai atu ki te Atua mō tena meaalofa faivasaga telā e se mafai o fakamatalagina.

Fakamatalaga mai lalo