Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

2 Kolinito 6:1-18

6  I te ‵tou ga‵lue fakatasi mo ia, e fakamalosi atu foki matou ke mo a ma talia fua ne koutou a te alofa tauanoa o te Atua kae e se lavea ne koutou tena aoga.  Ne fai mai penei ana muna: “Ne lagona ne au a koe i te taimi tonu, kae ne fesoasoani atu au ki a koe i te aso o te fakaolataga.” Kiloke! Tenei eiloa te taimi tonu. Kiloke! Tenei eiloa te aso o te fakaolataga.  E seai lele eiloa se mea e fai ne matou ke siga ei se tino, ko te mea ke seai se mea ‵se e maua aka i te motou galuega.  Kae e fakaasi atu ne matou i feitu katoa i a matou ko tavini a te Atua, e auala i te fa‵ki i mea e uke, i puapuaga, i te sē lava o mea e ‵tau o maua, i mea faiga‵ta,  i ‵kiniga, i te ‵pei ki falepuipui, i fakalavelave ‵tupu, i galuega ‵mafa, i te sē ti moe i po, i te seai ne meakai i nisi taimi,  i te ‵ma o amioga, i te iloa, i te lotomau, i te kufaki, i te alofa kaimalie, i te agaga tapu, i te alofa e aunoa mo te loi,  i te faipati ‵tonu, i te ‵mana o te Atua. E auala i meatau o te amiotonu i te feitu fakaatamai mo te feitu fakamaui,  e auala i te ‵malu mo te masiasi, e auala i lipoti ma‵sei mo lipoti ‵lei. E fai ne tino a matou e pelā me ne tino fakaloi‵loi tino kae tela la, e fakamaoni eiloa matou,  e pelā me ne tino e se iloa kae e lauiloa, e pelā me ne tino ko ‵tau o ‵mate, kae kiloke! a matou konei e ola, e pelā me ne tino ko fakasala kae se ave o tamate, 10  e fanoa‵noa kae e fia‵fia faeloa, e ma‵tiva kae fai i ei a tino e tokouke ke mau‵mea, e pelā me e seai ne omotou mea kae e maua ne matou a mea katoa. 11  Ko oti ne fai‵pati atu matou ki a koutou, e tino Kolinito, kae ko oti foki ne ‵tala atu omotou loto ki a koutou. 12  E se taofi ne matou a te motou a‵lofa atafai mai i a koutou, kae e taofi ne koutou te otou a‵lofa atafai mai i a matou. 13  Tela la, ko faipati atu au ki a koutou e pelā eiloa koutou me ne aku tama‵liki, ke penā foki koutou ki a matou, e ‵tau mo koutou o ‵tala aka otou loto ke ma‵tala ‵lei. 14  Ke mo a ma se paleni koutou i te otou ‵kau fakatasi mo tino sē tali‵tonu. E a, e fetaui pefea te amiotonu mo te solitulafono? Io me e mafai pefea o māfuta fakatasi te mainaga mo te pouliga? 15  E se gata i ei, e mafai pefea o fealofani a Keliso mo Pelialo?* Io me e mafai pefea o ‵pau a mea e maua ne te tino fakamaoni mo te tino sē talitonu? 16  Kae e fealofani pefea a te faletapu o te Atua mo tupua? Me i a tatou ko te faletapu o te Atua ola; e pelā eiloa mo pati a te Atua ne fai mai: “Ka nofo atu au i a latou, kae sasale i va o latou, kae ka fai au mo fai te lotou Atua, kae ko latou mo fai oku tino.” 17  “‘Tela la, olo keatea mai i a latou, kae ‵vae keatea mai i a latou,’ ko muna a Ieova, ‘kae sa toe puke ki mea sē ‵ma.’” “‘Ko puke mai ei ne au koutou ki loto.’” 18  “‘Kae ka fai au mo fai te otou Tamana, kae ko koutou ka fai mo aku tama ta‵gata mo aku tama fa‵fine,’ ko muna a Ieova te Atua Malosi Katoatoa.”

Fakamatalaga mai lalo

 Ko tena uiga, “E seai sena aoga,” kae e fakasino atu ki te tino masei ko Satani.