Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

2 Ioane 1:1-13

 Ko tusi atu au, te toeaina matua, ki te fafine filifilia mo ana fanau kolā e alofa tonu au ki ei, kae e se ko au fua kae ko latou katoa foki kolā ko oti ne iloa ne latou te munatonu,  ona ko te munatonu telā ko nofo tumau i loto i a tatou, kae ka ‵nofo mo tatou ke oko eiloa ki te se-gata-mai.  Ka maua eiloa ne tatou te alofa tauanoa, te alofa fakamagalo, mo te filemu mai te Atua te Tamana mo Iesu Keliso te Tama a te Tamana, fakatasi mo te munatonu mo te alofa.  Ko oko eiloa toku fiafia me ko oti ne lavea ne au a nisi o au fanau e sa‵sale i te munatonu, e ‵tusa eiloa mo te fakatonuga telā ne maua ne tatou mai te Tamana.  Tela la, ko fakatagi atu au ki a koe, te fafine filifilia, ke fakatau a‵lofa tatou (e se tusi atu ne au ki a koe se fakatonuga fou, kae ko te mea eiloa telā ne maua ne tatou mai i te kamataga).  Kae tenei eiloa te uiga o te alofa, ke tumau tatou i te sa‵sale e ‵tusa mo ana fakatonuga. Tenei la te fakatonuga, e pelā eiloa mo te mea ko oti ne lagona ne koutou mai i te kamataga, me e ‵tau o tumau koutou i te sa‵sale i ei.  E tokouke a tino faitogafiti ko oti ne oko mai ki te lalolagi, ko tino kolā e se tali‵tonu i a Iesu ne vau i te foitino. Tenei eiloa te tino faitogafiti mo te fili o Keliso.  Ke fakaeteete koutou, ke mo a ma ‵galo i a koutou a mea kolā ne ga‵lue fakatasi tatou ke maua, ko te mea ke katoatoa te otou taui.  So se tino e tō ki tua mo akoakoga a Keliso kae e se tumau i ei e se maua ne ia te Atua. Kae ko te tino telā e tumau i te akoakoga tenei ko ia telā e maua ne ia te Tamana fakatasi mo te Tama. 10  So se tino e fanatu ki a koutou kae e se avatu ne ia te akoakoga tenei, ke mo a eiloa e talia ne koutou ki loto i otou fale io me e fakatalofa atu ki a ia. 11  Me ko te tino telā e fakatalofa atu ki a ia e ‵kau fakatasi mo ia i ana galuega ma‵sei. 12  E tiga eiloa e uke a mea e fia tusi atu ne au ki a koutou, e se manako au ke fakailoa atu e auala i pepa mo vaitusi, me e fakamoemoe eiloa au ke fanatu au o fai‵pati fakatasi mo koutou, ko te mea ke katoatoa te otou fia‵fia. 13  Ko ‵moli atu alofaga o fanau a te fafine telā ko te otou taina filifilia.

Fakamatalaga mai lalo