Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Timoteo 4:1-16

4  E tiga te feitu tenā, e fakaasi manino mai i te muna a te Atua me ka ‵to keatea a nisi tino mai te fakatuanaki i taimi fakamuli. Ka ‵saga atu latou ki fakamatalaga mo akoakoga kolā e māfua mai i temoni,  e auala i tino fia amio‵tonu kolā e fai‵pati ki mea ‵loi, kae ko ‵mate olotou loto lagona e pelā me ne ‵sunu ki se fiti ‵ka.  Ka fakatapu ne latou a tino ke se a‵vaga, kae ka fakatonu atu ke se ‵kai a tino ki meakai kolā ne faite ne te Atua ke ‵kai ki ei mo te loto fakafetai, kae e ‵kai a tino kolā e fakatuanaki kae e iloa ‵tonu ne latou te munatonu.  Me i mea katoa a te Atua ne faite e ‵lei faeloa, kae e seai se mea e ‵tau o tiakina māfai e maua a mea konā mo te loto fakafetai,  me e faka‵magina a mea konā e auala i te muna a te Atua mo te ‵talo atu e uiga ki ei.  Mai i te tukuatuga o pati fakatonutonu konei ki te kau taina, ko fai eiloa koe mo fai se tavini ‵lei a Keliso Iesu, se tino e fagai faka‵lei ki muna o te fakatuanaki mo akoakoga ‵lei kolā ne tautali faka‵lei koe i ei.  Kae ‵teke atu ki tala sē ‵tonu, e pelā mo tala kolā e sau‵tala ki ei a loma‵tua. I te suā feitu, taumafai malosi ke fakamasani koe ki mea e uiga ki te taviniga ki te Atua.  Me i fakamalosiga faka-te-foitino e aoga fua ki nai mea, kae ko te taviniga ki te Atua e aoga ki mea katoa, me e folafola mai i ei a te ola tenei e pelā foki mo te ola telā ka oko mai.  E tonu eiloa te fakamatalaga tenei kae e ‵tau o talia katoatoa. 10  Tenei eiloa te pogai e ga‵lue fakafi‵ta ei tatou kae fakapalele foki ‵tou mafi, me ko oti ne fakaeke atu ‵tou fakamoemoega ki luga i te Atua ola, telā ko te Fakaola o tino katoa, kae maise eiloa a tino fakamaoni. 11  Tuku atu faeloa a fakatonuga konei kae akoako atu a mea konā. 12  Ke mo a eiloa e manatu fatauva se tino ki tou tulaga talavou. Kae ke fai koe mo fakaakoakoga ki tino fakamaoni i au pati, i au amioga, i tou alofa, i tou fakatuanaki, mo tou tulaga ‵ma. 13  Tumau i te faitau atu i mua o tino katoa. Fakamalosi kae akoako atu latou ke oko ki te taimi e oko atu ei au. 14  Ke mo a koe ma fakatamala i te meaalofa tenā i a koe kae telā ne tuku atu e auala i se valoaga i te fakaekeatuga o lima o te kau toeaina ki luga i a koe. 15  Mafaufau ‵loto ki mea konei, kae ke ‵goto ifo ki loto i tou loto, ko te mea ke lavea ‵lei ne tino katoa tou gasolo ki mua. 16  Saga faka‵lei faeloa ki a koe mo au akoakoga. Tumau i mea konei, me kafai e fai ne koe a mea konei ka fakasao ne koe a koe eiloa mo latou kolā e faka‵logo atu ki a koe.

Fakamatalaga mai lalo