Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Timoteo 2:1-15

2  Tela la, a te mea muamua, e fakamalosi atu au ke fai faeloa otou fakatagi mo talosaga, ke ‵talo mō nisi tino, kae ke ofo atu foki a ‵talo fakafetai mō tino katoa,  e uiga ki tupu mo tino katoa i tulaga ma‵luga* ko te mea ke tumau tatou i te ola i se olaga filemu kae tavini katoatoa atu ki te Atua mo te fakamaoni.  E ‵lei kae e talia foki te mea tenei ne te Atua, te ‵tou Fakaola,  telā e loto ke faka‵sao a tino katoa kae ke iloa tonu ne latou a te munatonu.  Me e tokotasi fua te Atua, kae e tokotasi foki te sokoga i te va o te Atua mo tino, ko te tagata, ko Keliso Iesu,  telā ne tuku mai ne ia a ia eiloa mo fai se togiola telā e fetaui tonu mō tino katoa—tenei eiloa te mea e ‵tau o molimau atu ki ei i te taimi tonu.  Ko te pogai eiloa tenei ne filifili ei au ke fai mo fai se tino talai mo se apositolo—au e faipati ki te meatonu, au e se loi—au se faiakoga mō fenua fakaa‵tea e uiga ki te fakatuanaki mo te munatonu.  Tela la, au e manako ke ‵talo a tāgata i koga katoa kae sisi aka olotou lima mo te fakamaoni, e aunoa mo te ita mo te fia kinau.  E manako foki au ke ‵pei a fāfine ki gatu kolā e mata ‵tau i te agamalu mo te mafaufau ‵lei, e se ko te ‵teuga o olotou ulu ki aulo mo penina io me ko te ‵pei ki gatu ‵togi ‵mafa, 10  kae i se auala telā e fetaui ‵lei mo fāfine kolā e tavini atu mo te fakamaoni ki te Atua, e auala i te faiga o galuega ‵lei. 11  Ke ‵nofo fifilemu a fāfine i te faiga o akoakoga kae ke faka‵logo katoatoa latou. 12  E se talia ne au se fafine ke akoako atu, io me ke pule atu ki se tagata, kae e ‵tau o nofo fifilemu a ia. 13  Me ne faite muamua a Atamu, kae fakamuli ko Eva. 14  E se gata i ei, e se ko Atamu ne faka‵segina, kae ko te fafine telā ne faka‵segina katoatoa kae ne fai ei mo fai se tino soli tulafono. 15  E tiga te feitu tenā, ka puipuigina te fafine i taimi e fanau ei, māfai e tumau latou i te fakatuanaki mo te alofa mo te tapu fakatasi mo te mafaufau ‵lei.

Fakamatalaga mai lalo

 Io me ko “tino pule.”