Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Kolinito 7:1-40

7  E uiga ki mea kolā ne tusi mai ei koutou, se mea ‵lei ke mo a ma puke* se tagata ki se fafine.  Kae ona ko te salalau o amioga fakatauavaga sē ‵tau, ko ‵tau ei mo tāgata taki tokotasi o a‵vaga, e pelā foki mo fāfine.  Ke tuku atu ne te tagata ki tena avaga a te mea e ‵tau* o tuku ki ei, kae e penā foki te fafine ki tena avaga.  E se pule te fafine i luga i tena foitino, kae ko tena avaga, e penā foki te tagata, e seai sena pule i luga i tena foitino, kae ko tena avaga.  Ke mo a ma se amanaia te suā tino ki te suā tino, seiloga ko lotoma‵lie koulua ke se fai penā i se vaitaimi, ko te mea ke fakaaoga te taimi mō te faiga o ‵talo, ko toe fakatasi ei koulua. Ke mo a ma tofotofo faeloa koulua ne Satani ona ko te sē lava o te loto pulea.  Kae e fai atu ne au a te mea tenei o fesoasoani atu ki a koutou kae e se fai pelā me se fakatonuga.  Aku muna eiloa ke fai a tāgata katoa e penei mo au. E tiga te feitu tenā, e tofu te tino mo tena meaalofa mai te Atua, e tasi ko te mea tenei, a ko te suā tino ko te mea tenā.  Nei la, ko fai atu au ki tino seki a‵vaga mo fāfine ko ‵mate olotou avaga, se mea ‵lei ke ‵nofo latou e penei mo au.  Kae kafai e seai se loto pulea i a latou, fai la ke a‵vaga latou, me e ‵lei atu ke a‵vaga i lō te ‵fonu o latou i manakoga penā. 10  E tuku atu ne au a fakatonuga konei ki tino a‵vaga, kae e se i a aku kae i a te Aliki, me e se ‵tau o tiakina ne te fafine tena avaga. 11  Kafai e ‵tau o tiaki ne ia, e se ‵tau o toe avaga kae e mafai o toe faka‵lei a lāua mo tena avaga; kae e se ‵tau o tiaki ne te tagata a tena avaga. 12  Kae e fai atu au ki nisi tino, ao, ko au, kae e se ko te Aliki: Kafai se taina e avaga ki se fafine sē talitonu, kae e lotomalie tou fafine ke ‵nofo fakatasi lāua, ke se tiaki la ne ia te fafine tenā. 13  Kae ko te fafine telā e avaga ki se tagata sē talitonu, kae e lotomalie tou tagata ke ‵nofo fakatasi lāua, ke se tiaki la ne te fafine tena avaga. 14  Me e faka‵magina te tagata sē talitonu i tena fesokotakiga mo tena avaga, kae e faka‵magina te fafine sē talitonu i tena fesokotakiga mo te taina, me kafai e se fai penā e se mafai o ‵ma otou tama‵liki, kae ko ‵ma latou i te faiga tenei. 15  Kae kafai e fakaiku aka ne te tino sē talitonu ke fano keatea a ia, tuku loa ke fano; e se ligina se taina io me se tuagane mai lalo i fakanofonofoga penā, kae ko kalagagina koutou ne te Atua ke maua te filemu. 16  Te fafine avaga, ko oi e iloa ne ia me ka fakasao ne koe tau avaga? Io me ko te tagata avaga, ko oi e iloa ne ia me ka fakasao ne koe tau avaga? 17  E tiga te feitu tenā, e pelā mo te tusaga ko oti ne avatu ne Ieova ki tino taki tokotasi, ke na sa‵sale a tino taki tokotasi e ‵tusa mo te kalagaga a te Atua. E avatu foki ne au a te fakatonuga tenei ki fakapotopotoga katoa. 18  E isi se tagata ne kalagagina kae ko oti ne pilitome? Ke se toe fai a ia e pelā me se tagata e seki pilitome. E isi se tagata ne kalagagina kae seki pilitome? Ke mo a ma pilitome a ia. 19  E seai se uiga o te pilitome, kae ko te sē pilitome e seai foki sena uiga, kae ko te fakalogo ki fakatonuga a te Atua e aoga. 20  I so se tulaga ne kalagagina ei te tino, ke na tumau eiloa a ia i ei. 21  A koe ne kalagagina a ko koe se pologa? Sa manavase ki ei; kae kafai e mafai o saoloto koe, ke fakaaoga la ne koe te avanoaga tenā. 22  Me ko so se tino telā ne kalagagina kae se pologa ko fai mo fai te tino saoloto a te Aliki. E penā foki a te tino telā ne kalagagina a ko saoloto, ko fai a ia mo pologa a Keliso. 23  A koutou ne ‵togi ki se ‵togi; sa toe fai la mo fai a pologa a tāgata. 24  I so se tulaga ne kalagagina ei te tino, e oku taina, ke na tumau eiloa a ia i ei i mua o te Atua. 25  E pelā mo latou kolā e seki a‵vaga,* e seai se fakatonuga ne tuku mai ne te Aliki ki a au, kae e tuku atu fua toku manatu e pelā me se tagata telā ne fakaasi atu ki ei te alofa fakamagalo o te Aliki ko te mea ke fakamaoni a ia. 26  Tela la, i taku faka‵tau e sili atu i te ‵lei ke tumau eiloa te tagata i tena tulaga tenā, ona ko te tulaga ko nofo a ia i ei. 27  E isi sau avaga? Sa tiaki ne koe a ia. E a, e seai sau avaga? Sa ‵sala ne koe sau avaga. 28  Kae kafai e avaga koe, e se agasala koe. Kae kafai ko avaga te tino telā e seki avaga,* e se agasala a ia. Kae ko latou kolā e a‵vaga ka maua ne latou a puapuaga i te foitino. Kae e fia faka‵sao fua ne au koutou mai i ei. 29  E se gata i ei, e fai atu ne au a te mea tenei ki a koutou, e oku taina, ko toetoe te taimi koi ‵toe. Mai te taimi tenei o fano ki mua, ke fai a tino a‵vaga e pelā me ne tino e seki a‵vaga, 30  a ko latou kolā e ‵tagi ke fai e pelā me ne tino e se ‵tagi, a ko latou kolā e fia‵fia ke fai e pelā me ne tino e se fia‵fia, a ko tino ‵togi mea ke fai eiloa e pelā me ne tino e se i a latou a mea konā, 31  mo latou kolā e fakaaoga ne latou te lalolagi ke se fakaaoga katoatoa ne latou; me e mafuli‵fuli a mea kolā e ‵tupu i te lalolagi tenei. 32  E tonu, e manako malosi au ke saoloto koutou mai te manavase. A te tino e seki avaga e manavase ki mea a te Aliki, ki te auala e mafai ei o fakafiafia ne ia te Aliki. 33  Kae ko te tino avaga e manavase ki mea o te lalolagi nei, ki te auala e mafai ei o fakafiafia ne ia tena avaga, 34  kae e vaeluagina tena loto. E se gata i ei, e manavase a te fafine e seki avaga mo te tamafine e seki ‵moe mo se tagata ki mea a te Aliki, ko te mea ke fakatapugina tena foitino mo tena loto.* Kae ko te fafine avaga e manavase ki mea o te lalolagi nei, ki te auala e mafai ei o fakafiafia ne ia tena avaga. 35  Kae e fai atu ne au te mea tenei mō te otou ‵lei eiloa, e se fai ke saisai ei koutou, kae ke fakamalosi atu ke fai ne koutou te mea e ‵tau o fai telā e fakauiga ki te tavini atu faeloa ki te Aliki e aunoa mo se fakalavelave. 36  Kafai e manatu ifo se tino me ko se ‵lei ana amioga i tena nofo taka, kae ko ‵seke foki a ia mo te tulaga o te talavou, tenei la te mea e ‵tau o fai: ke fai te mea e manako a ia ki ei; e se agasala a ia. Ke na fai ke avaga a ia. 37  Kae kafai ko oti ne fai se fakaikuga a se tino i tena loto, kae e se faigata ki a ia, kae e mafai o pule atu ki a ia eiloa kae e fakaiku aka i tena loto ke se avaga a ia, e ‵lei atu la tenā. 38  Tela la, a ia telā e avaga e ‵lei foki, kae e ‵lei atu te tino telā e se avaga. 39  E ligina te fafine avaga i te taimi e ola ei tena avaga. Kae kafai ko moe tena avaga i te mate, ko saoloto ei a ia o avaga ki so se tino e manako a ia ki ei, kae ke avaga fua i te Aliki. 40  Kae i taku faka‵tau, ka fiafia atu tou fafine māfai e tumau eiloa a ia penā. E talitonu foki au me e maua ne au te agaga o te Atua.

Fakamatalaga mai lalo

 Ko tena uiga, Ke se avaga io me ‵moe mo se fafine.
 Ko tena uiga, Ko te fakama‵liega o lā manakoga fakatauavaga.
 Io me “ko latou kolā e seki ‵moe mo tāgata io me ko fāfine.”
 Ke onoono ki te fakamatalaga mai lalo i te fuaiupu e 25.
 I te ‵gana Eleni, ko te “agaga.”