Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Kolinito 4:1-21

4  Ke talitonu te tino me i a māua ko tino fesoasoani a Keliso mo situati o mea ‵funa kae tapu a te Atua.  E se gata i ei, a te mea telā e manakogina i situati ko te lotou fakamaoni.  Nei la, ko se tāua malosi ki a au māfai e fakamasino au ne koutou io me i fono fakamasino a tāgata. Me e se fakamasino foki ne au a au eiloa.  Me e se iloa ne au se mea masei e uiga ki a au. Kae e se fai ne te mea tenei ke amiotonu au, me i te tino telā e fakamasino ne ia au ko Ieova.  Tela la, ke se fakamasino ne koutou so se mea a koi tuai o oko mai tena taimi tonu, ko te taimi e oko mai ei te Aliki. Ka aumai ne ia a mea ‵funa o te pouliga ki tua i te mainaga kae ka fakaasi mai ei a mea i loto o tino, ko maua ei ne tino taki tokotasi ana tavaega mai te Atua.  Nei la, e oku taina, ko fakaaoga ne au a mea konei ki a māua mo Apolo mō te ‵lei o koutou, ko te mea ke iloa ne koutou te tulafono tenei: “Ke mo a ma silia otou mea e fai i lō mea kolā ne tusi i te tusi,” ko te mea ke mo a e ‵fete koutou i te fakamatamata, mai te mafau‵fau me e sili atu te tino e tokotasi i te suā tino.  Me ko oi ne fai ne ia koe ke ‵kese mai te suā tino? Se a tau mea ne maua telā e seki tuku atu ki a koe? Kafai la e tonu me ne tuku atu fua ki a koe, kaia la e fakamatamata ei koe, e pelā eiloa me seki tuku atu te mea tenā ki a koe?  E a, ko lotoma‵lie koutou? E a, ko mau‵mea koutou? E a, ko oti koutou ne pule mai e pela me ne tupu e aunoa mo matou? Aku muna eiloa me ko oti koutou ne pule mai e pelā me ne tupu, ko te mea ke pule foki fakatasi tatou e pelā me ne tupu.  E foliga mai ki a au me ko oti ne fai ne te Atua ke fakaasi fakamuli atu a matou, ko te kau apositolo, kolā ko oti ne fakaiku aka ke tamate, me ko oti ne fai a matou e pelā me ne mea fakamaimoa ki te lalolagi, mo agelu mo tino katoa. 10  A matou ne tino va‵lea ona ko Keliso, a ko koutou e ‵poto i a Keliso. A matou e vāi‵vai a ko koutou e ma‵losi. A koutou e takutakua a ko matou e fatauva. 11  Ke oko mai eiloa ki te taimi nei, a matou e fia‵kai kae fiainu kae se lava omotou gatu, kae fakasauagina kae seai ne fale e ‵nofo ei matou, 12  kae ga‵lue fi‵ta i galuega e fai ki omotou lima. Kafai e fakaitaita mai a tino, e fakamanuia atu matou. Kafai e fakasaua mai, e kufaki matou. 13  Kafai e fatufatu mai, e tali atu matou mo te filemu. Ko oti ne fai a matou e pelā me ne kaiga o te lalolagi, ko mea kolā e tiaki ne tino ke oko mai eiloa ki te aso nei. 14  E tusi atu ne au a mea konei, ke se fakamasiasi atu ki a koutou, kae ke fakamalosi atu ki a koutou me i a koutou ko aku tama fagasele. 15  Me e tiga eiloa e mafai o maua ne koutou a leoleo e toko 10,000 i a Keliso, e se maua eiloa ne koutou a tamana e tokouke; me ko oti au ne fai mo fai te otou tamana i a Keliso Iesu e auala i te tala ‵lei. 16  Tela la, au e fakatagi atu ki a koutou ke fakaakoako mai ki a au. 17  Tenā te pogai ka uga atu ei ne au a Timoteo ki a koutou, i a ia ko taku tama fagasele kae fakamaoni i te Aliki. Ka fakamasaua atu ne ia ki a koutou oku auala e uiga ki a Keliso Iesu, e pelā eiloa mo aku akoakoga ki fakapotopotoga i koga katoa. 18  E ‵fete a nisi tino i te fakamata‵mata e pelā eiloa me ka se fanatu au ki a koutou. 19  Kae ko pili o fanatu au ki a koutou, māfai e fetaui mo te loto o Ieova, kae ka iloa ei ne au a te malosi o tino kolā e ‵fete i te fakamata‵mata, kae e se ko olotou pati fua. 20  Me e se maua te Malo o te Atua i pati, kae i te malosi o te Atua. 21  Se a te mea e ma‵nako koutou ki ei? Ke fanatu au ki a koutou mo se lakau ‵kini, io me ko te alofa mo te agaga o te filemu?

Fakamatalaga mai lalo