Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Kolinito 3:1-23

3  Tela la, e oku taina, ne seki mafai o faipati atu au ki a koutou e pelā me ne tāgata faka-te-agaga, kae e pelā me ne tāgata faka-te-foitino, e pelā me ne tama‵liki i a Keliso.  Ne fagai ne au koutou ki susu kae e se ko meakai ma‵keke, me i a koutou e seki malosi ‵lei. E seki ma‵losi ‵lei foki koutou ke oko mai ki te aso nei,  me i a koutou koi fai eiloa e pelā me ne tino faka-te-foitino. Ona ko otou loto ma‵sei mo kinauga e fai sale, e a, e se ne tino faka-te-foitino koutou kae sa‵sale foki koutou e pelā eiloa mo nisi tino?  Me kafai e fai mai se tino: “Au e kau ki a Paulo,” kae e fai mai te suā tino: “Au e kau ki a Apolo,” e a, e se ‵pau koutou mo tino o te lalolagi?  Ko oi la a Apolo? Kae ko oi foki a Paulo? A lāua ne tavini fua kolā ne ala ei o tali‵tonu koutou, e ‵tusa mo galuega kolā ne tuku mai ne te Aliki ki a māua taki tokotasi.  Ne ‵toki ne au, ne fakasiusiu ne Apolo, kae ko te Atua ne fai faeloa ne ia ke ola te lakau.  Tela la, e se ko te tino ne ‵toki ne ia te lakau io me ko ia telā e fakasiusiu ne ia e tāua atu, kae ko te Atua eiloa telā e fai ne ia ke ola te lakau.  E ‵kau fakatasi a te tino ‵toki mo te tino fakasiusiu, kae ka maua eiloa ne lāua taki tokotasi te taui e ‵tusa mo lā galuega ne fai.  Me i a māua e ga‵lue fakatasi mo te Atua. A koutou ko te fatoaga a te Atua telā e ga‵lue māua i ei, ko te fale telā ne fakatu ne te Atua. 10  E ‵tusa mo te alofa tauanoa o te Atua telā ne tuku mai ki a au, ne fakatakato ne au a te fakavae e pelā me se tufuga poto i te faiga o galuega fakatu‵tu, kae e ati aka ne te suā tino a galuega i luga i ei. Kae e ‵tau o fakaeteete a tino taki tokotasi i ana galuega e ati aka i luga i ei. 11  Me e seai se tagata e mafai o fakatakato ne ia se isi fakavae i tafa o te fakavae telā ko oti nei ne fakatakato, telā ko Iesu Keliso. 12  Kafai e fakatu ne se tino se fale i luga i te fakavae ne faite ki aulo, siliva, fatu tāua, lakau, mouku, io me ko lau o saito, 13  ka fakaasi mai i ei me e pefea te ‵lei o galuega a tino taki tokotasi, me ka fakaasi mai ne te afi i te aso e tofotofo ei, kae ka fakatalitonu mai ne te afi a te tulaga o galuega a tino taki tokotasi. 14  Kafai e tumau a galuega a te tino kolā ne ati aka i luga i ei, ka maua eiloa tena taui. 15  Kafai e ‵ka a galuega a se tino, ka ‵galo atu ei ana mea, kae ka sao a ia. Kafai e penā loa, ka fai eiloa e pelā me ne sao a ia mai te afi. 16  E a, e se iloa ne koutou i a koutou ko te faletapu o te Atua, kae e nofo i a koutou te agaga o te Atua? 17  Kafai e fakaseai ne se tino te faletapu o te Atua, ka fakaseai foki ne te Atua a te tino tenā; me i te faletapu o te Atua e tapu, a ko koutou ko te faletapu tenā. 18  Ke se fakaloiloi ne se tino a ia eiloa: Kafai se tino i a koutou e mafaufau i a ia e poto i te olaga masani tenei, ke fai a ia mo fai se tino valea, ko te mea ke poto a ia. 19  Me i te poto o te lalolagi tenei ko te valea i mua o te Atua; me e fai mai penei te tusi: “Ka ‵po ne ia a tāgata ‵poto i olotou togafiti eiloa.” 20  E toe fai mai foki: “E iloa ne Ieova me i mafaufauga o tino ‵poto e se aoga.” 21  Tela la, ke seai se tino e fakamatamata ki se tino, me i a koutou a mea katoa. 22  Faitalia me ko Paulo io me ko Apolo io me ko Kefa io me ko te lalolagi io me ko te ola io me ko te mate io me ko mea konei, io me ko mea ka oko mai, i a koutou a mea katoa konā. 23  A ko koutou i a Keliso; a ko Keliso i a te Atua.

Fakamatalaga mai lalo