Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Kolinito 2:1-16

2  Tela la, i taku fanatuga ki a koutou, e oku taina, ne seki faipati atu au ki a koutou ke ofo koutou i aku pati io me ko toku poto i te folafolaatuga o te mea ‵funa kae tapu a te Atua ki a koutou.  Me ne fakaiku aka ne au ke mo a e iloa ne au se mea e uiga ki a koutou kae na ko Iesu Keliso fua telā ne ‵tuki ki te lakau fakasaua.  Kae ne fanatu au ki a koutou mo te vāivāi, te mataku, mo te lasi o te polepole.  Kae ko aku pati mo te mea ne talai atu ne au, ne seki fai atu i toku poto i te faipati, kae ko te fakaasiatuga o te agaga mo te ‵mana o te Atua,  ko te mea ke se maua te otou fakatuanaki i te poto o tāgata, kae i te ‵mana o te Atua.  Nei la, ko fai‵pati tatou e uiga ki te poto ki tino kolā ko ma‵tua ‵lei, kae e se ko te poto o te olaga masani tenei io me ko pule o te olaga masani tenei, kolā ka fakaseai atu.  Kae e fai‵pati eiloa tatou ki te poto o te Atua i loto i se mea ‵funa kae tapu, ko te poto ne ‵funa, telā ko leva ne fuafua ne te Atua mai mua o te olaga masani tenei mō te faka‵maluga o tatou.  E seai se pule e tokotasi i te olaga masani tenei e iloa ne ia te poto tenei, moi fai ne iloa ne latou, penei e se ‵tuki ne latou ki te lakau fakasaua a te ‵tou Aliki ‵malu.  Kae e pelā eiloa mo pati i te tusi: “Ko mata e se ‵kite mo taliga e se ‵logo, e se maua foki i te loto o te tagata a mea kolā ne fakatoka ne te Atua mō latou kolā e a‵lofa ki a ia.” 10  Me ne fakaasi mai ne te Atua a mea konā ki a tatou e auala i tena agaga, me ko te agaga eiloa telā e iloilo ne ia a mea katoa, ke oko eiloa ki mea ‵loto a te Atua. 11  Me ko oi te tino mai tāgata katoa e iloa ne ia a manatu o te suā tagata kae na ko te agaga fua telā i tena loto? E penā foki eiloa, e seai se tino e iloa ne ia a mea e uiga ki te Atua, kae na ko te agaga fua o te Atua. 12  Nei la ne seki talia ne tatou te agaga o te lalolagi, kae ko te agaga telā ne aumai ne te Atua, ko te mea ke iloa ne tatou a mea kolā ko oti ne tuku mai ne te Atua mo te kaimalie ki a tatou. 13  E fai‵pati atu foki ne tatou a mea konei, e se i pati kolā e akoako mai e auala i poto o tāgata, kae ko mea kolā e akoako mai ne te agaga, i te taimi e fakamatala atu ei ne tatou a mea faka-te-agaga ki pati faka-te-agaga. 14  Kae e se talia ne te tagata faka-te-foitino a mea a te agaga o te Atua, me ne mea va‵lea fua ki a ia. Kae e se mafai o iloa ne ia a mea a te Atua, me e iloilo aka a mea konei i te feitu faka-te-agaga. 15  E iloilo ne te tino faka-te-agaga a mea katoa, kae e se iloilo a ia ne so se tagata. 16  Me “ko oi e iloa ne ia te mafaufau o Ieova, ko te mea ke fakatonu atu ki a ia?” Kae ko maua ne tatou a te mafaufau o Keliso.

Fakamatalaga mai lalo