Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Kolinito 16:1-24

16  E mafai ne koutou o tau‵tali ki fakatonuga ne tuku atu ne au ki fakapotopotoga i Kalatia e uiga ki te ‵lukuga o tupe mō tino tapu.  I te aso muamua o vaiaso takitasi, ke tuku fakaa‵tea ne tino taki tokotasi se mea e ‵tusa mo te mea e mafai ne ia, ko te mea ke seai se ‵lukuga o tupe e fai māfai e oko atu au.  Kafai e oko atu au, ka uga atu ne au a tāgata kolā ko oti ne talia ne koutou i te otou tusi, ke ave ne latou otou meaalofa kolā ne fai mo te kaimalie, ki Ielusalema.  Kafai e ‵tau foki au o fano, ko olo fakatasi ei matou.  Kae ka fanatu au ki a koutou māfai ko oko atu au ki Maketonia, me ka ui atu au i Maketonia.  Kāti ka nofo au io me e fanatu au ke ‵nofo tatou ke oti te ‵tau ‵moko, ko te mea ke olo fakatasi tatou mō se taimi toetoe ko faka‵soko ei taku malaga.  Me e se manako au ke fetaui fua tatou i toku auala o fano, me e fakamoemoe au ke ‵nofo tatou i se taimi tai leva, māfai ko te loto o Ieova.  Kae ka nofo au i konei i Efeso ke oko ki te fakamanatuga o te Penitekoso;  me ko oti ne ‵tala mai ki a au te mataloa o galuega e uke ‵ki, kae e tokouke foki a tino e ‵teke mai. 10  E tiga te feitu tenā, kafai e oko atu a Timoteo, fai ke mo a ma mataku a ia i tena nofo i a koutou, me e fai foki ne ia te galuega a Ieova, e pelā eiloa mo au. 11  Tela la, ke mo a e manatu fatauva se tino ki a ia. Ke o‵mai fakatasi koutou mo ia mō se taimi toetoe, mo te filemu, ko te mea ke oko mai a ia ki a au, me e faka‵tali atu matou mo te kautaina ki a ia. 12  E pelā mo Apolo te ‵tou taina, ne fakatagi atu au ki a ia ke olo atu ki a koutou fakatasi mo te kautaina, kae ne seki manako a ia o fanatu i te taimi nei, kae ka fanatu eiloa māfai e maua sena avanoaga. 13  Ke ala faeloa koutou, ke tumau i te fakatuanaki, ke fai e pelā me ne tāgata, ke loto ‵toa koutou. 14  Ke fai otou mea katoa i te alofa. 15  Nei la, ko fakamalosi atu au ki a koutou, e oku taina. E iloa ne koutou i te kāiga o Setefana ko fuataga muamua o Akaia me ne fakatoka latou o tavini atu ki tino tapu. 16  Ke tumau foki koutou i te faka‵logo ki tino penā mo tino katoa kolā e fesoasoani kae ga‵lue malosi. 17  Kae e fiafia eiloa au i te motou ‵nofo fakatasi mo Setefana, Fotunato mo Akaiko, me ko sui eiloa ne latou a koutou kolā e se ‵nofo i konei. 18  Me ko oti ne faka‵fou ne latou toku malosi e pelā foki mo koutou. Tela la, ke amanaia eiloa koutou ki vaegā tino penā. 19  Ko ‵moli atu a alofaga o fakapotopotoga i Asia ki a koutou. Ko a‵lofa atu foki a Akuila mo Piseka* fakatasi mo te fakapotopotoga telā e maopoopo sale i te lā fale ki a koutou kolā ko soko o te Aliki. 20  Ko a‵lofa atu a taina katoa ki a koutou. Ke fakatalofa atu te suā tino ki te suā tino i te sogi tapu. 21  Ko au ko Paulo, ko tusi atu ne au oku alofaga. 22  Kafai e isi se tino e se alofa ki te Aliki, ka malaia eiloa te tino tenā. Te motou Aliki, na vau! 23  Ke i luga i a koutou te alofa tauanoa o te Aliki ko Iesu. 24  Ke i luga foki i a koutou toku alofa i te ‵kau fakatasi mo Keliso Iesu.

Fakamatalaga mai lalo

 A tena suā igoa ko Pisila.