Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Kolinito 13:1-13

13  Kafai au e faipati ki ‵gana a tāgata mo agelu kae e seai soku alofa, e fai fua au e pelā me se atigi kāpa fakalogoa io me se sumepalo* tagitagi.  Kae kafai e maua ne au a te meaalofa ko te faiga o valoaga kae e masani ‵lei au mo mea ‵funa kae tapu katoa e pelā foki mo te iloa, kae kafai e lasi toku fakatuanaki ke fakamasiki ne au a mauga, kae e seai soku alofa, e seai lele eiloa soku aoga.  Kae kafai e tuku atu ne au aku mea katoa ke fagai ki ei a nisi tino, kae e tuku atu toku foitino ke fakamatamata ei au, kae e seai soku alofa, e seai lele eiloa se mea aoga e maua ne au mai i ei.  A te alofa e kufaki kae kaimalie. E se loto masei te alofa, e se tavae ne ia a ia eiloa kae e se ‵fonu i te fakamatamata,  e se fakamaualuga, e se salasala ki mea mō tena ‵lei eiloa, e se kaitaua vave. E se ita fakamoemoe.  E se fiafia ki amioga ma‵sei, kae e fiafia eiloa ki te munatonu.  E onosai i mea katoa, e talitonu ki mea katoa, e fakamoemoe ki mea katoa, e kufaki i mea katoa.  E se mafai o gata te alofa. Kafai e isi ne meaalofa i te faiga o valoaga, ka fakaseai atu a mea konā; kafai e isi ne tino e fai‵pati ki ‵gana kese‵kese, ka fakagata atu te mea tenā; kafai e isi se iloa, ka fakaseai atu foki.  Me e se katoatoa te ‵tou iloa, kae e se katoatoa foki a ‵tou valoaga. 10  Kafai e oko mai te mea telā e katoatoa, ka fakaseai atu ei te mea telā e se katoatoa. 11  A koi fai au e pelā me se tamaliki, ne faipati sale au e pelā me se tamaliki, ne mafaufau au e pelā me se tamaliki, kae i te taimi tenei ko matua ei au, ne fakaseai atu ei ne au a uiga fakatamaliki. 12  Me nei la koi ‵nefu te ‵tou ‵kilo e pelā me e ‵kilo atu tatou ki se kilo telā e se maina ‵lei, kae ka maina faka‵lei mai eiloa fakamuli. E se katoatoa toku iloa i te taimi tenei, kae fakamuli loa ka iloa ‵lei eiloa ne au a mea konā e pelā eiloa mo toku iloa faka‵lei ne te Atua. 13  Kae e tumau eiloa a mea e tolu konei, ko te fakatuanaki, te fakamoemoe, mo te alofa, kae ko te ‵toe mea sili i mea konei, ko te alofa.

Fakamatalaga mai lalo

 A te “sumepalo” se mea ta‵ta pese telā e pukupuku, kae tagitagi māfai ko ‵kini fakatasi.