Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi Tapu i te Itaneti | NEW WORLD TRANSLATION (Ne `Lomi i te 1984)

1 Ioane 1:1-10

1  Ko tusi atu matou e uiga ki te muna o te ola telā ko leva ne iai mai te kamataga. Ko te mea tenā ne lagona ne matou, kae ne matea foki ne matou ki omotou mata. Ko ia telā ne lavea ne matou kae ne puke omotou lima ki ei.  (E tonu, ne fakaasi mai te ola tenā, kae ko oti ne matea ne matou kae molimau atu e uiga ki ei kae fakailoa atu ki a koutou a te ola se-gata-mai telā ne nofo mo te Tamana kae telā ne fakaasi mai ki a matou.)  A te mea telā ne matea kae lagona ne matou tenei ko fakaasi atu foki ne matou ki a koutou, ko te mea ke mafai o ‵kau fakatasi koutou mo matou i ei. E se gata i ei, ka ‵kau fakatasi foki tatou mo te Tamana mo tena Tama ko Iesu Keliso.  Tela la, ko tusi atu ne matou a mea konei ko te mea ke katoatoa te motou fia‵fia.  Kae tenei eiloa te fekau telā ne lagona ne matou mai i te tino tenā kae tenei ko folafola atu ne matou ki a koutou, me i te Atua ko te mainaga kae e seai eiloa se pouliga e ‵kau fakatasi mo ia.  Kafai e fai atu tatou, penei: “A matou e ‵kau fakatasi mo ia,” kae tela la e sa‵sale faeloa tatou i te pouliga, a tatou e ‵loi kae e se fai ne tatou a faifaiga o te munatonu.  Kae kafai e sa‵sale tatou i te mainaga ona ko ia e nofo i te mainaga, ka ‵kau fakatasi ei tatou katoa, kae ko te toto o tena Tama ko Iesu ka faka‵ma ne ia tatou mai ‵tou agasala katoa.  Kafai e fai atu tatou, penei: “E seai ne omotou agasala,” ko takitaki ‵se ne tatou a tatou eiloa kae e seai se munatonu e maua i loto i a tatou.  Kafai e fakaasi ‵tonu atu ne tatou a ‵tou agasala, e fakamaoni eiloa a ia kae e amiotonu ke fakamagalo ne ia a ‵tou agasala kae ke faka‵ma foki tatou mai ‵tou mea ma‵sei katoa. 10  Kafai e fai atu tatou, penei: “E seai ne omotou agasala,” ko fai ei ne tatou a ia mo fai se tino loi, kae e se nofo tena muna i loto i a tatou.

Fakamatalaga mai lalo