E fakaasi mai i tala me i tino talai ‵fou kolā ne fakamasani mai te kamataga ke ‵kau faeloa mo te loto finafinau ki te galuega talai ne fai faeloa pelā me ne tino talai ma‵goi. (Fat 22:6; Fi 3:16) Konei a nisi manatu fesoasoani e uiga ki te auala ke mafai o fesoasoani atu ki se tino akoga ke fakatoka se fakavae ‵lei mō te galuega talai:

  • I te taimi eiloa ko fai ei tau tino akoga e pelā me se tino talai, ke na kamata o fakaakoako a ia. (km 8/15 1) Faka‵mafa atu ki ei a te tāua ke fai ne ia te galuega talai e pelā me se vaega o tena polokalame i vaiaso. (Fi 1:10) Ke maua se kilokiloga ‵lei ki te koga talai. (Fi 4:8) Fakamalosi atu ki a ia ke ga‵lue fakatasi mo te ovasia o te galuega talai mo nisi tino talai, ko te mea ke maua ne ia mea aoga mai i olotou fakaakoakoga.​—Fat 1:5; km 10/12 6 ¶3

  • Kafai ko oti ne papatiso tau tino akoga, ke mo a ma taofi aka a te fakamalosi mo te fakamasani o ia ki te galuega talai, maise loa māfai seki oti tena tusi ko te “Tumau i te Alofa.”​km 12/13 7

  • Kafai koe e ga‵lue i te galuega talai mo se tino talai fou, fakaaoga a pati fakatomua faigofie. Mai tua o tena fakamatalaga, ke fai atu a pati fakamālō. Tuku atu ne manatu fesoasoani kolā ka fesoasoani atu ki a ia ke apo malosi.​—km 5/10 7