Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Oketopa 2017

 KE OLA E PELĀ ME NE KELISIANO

Ke Ola o ‵Viki Atu Fua ki a Ieova!

Ke Ola o ‵Viki Atu Fua ki a Ieova!

A te ola se meaalofa tāua. A te auala e fakaaoga ei ne tatou a te meaalofa tenei i aso takitasi e fakaasi atu i ei a te lasi o te ‵tou loto fakafetai ki ei. E pelā me ne Molimau a Ieova, e taumafai tatou o fakaaoga ‵tou taleni mo atamai ke fakaaloalo kae faka‵malu atu ki a Ieova, te Tino telā ne tuku mai ne ia a te ola. (Sal 36:9; Fks 4:11) Kae ko te manavase ki mea o te olaga i aso katoa i te lalolagi masei tenei, e mafai ei o fakaseaoga a mea faka-te-agaga. (Male. 4:18, 19) E ‵tau o fesili ifo tatou ki a tatou eiloa penei: ‘E mata, e avatu ne au te ‵toe mea ‵lei ki a Ieova? (Ho 14:2) E pokotia pefea taku taviniga i taku galuega ‵togi? Ne a oku fakamoemoega faka-te-agaga? E mafai pefea o fakalauefa atu taku taviniga?’ Kafai ko isi ne feitu e ‵tau o momea aka te ‵lei, ke ‵talo atu ki a Ieova mō se fesoasoani kae fai a fakamafuli‵fuliga aoga. E mautinoa eiloa me ka iku atu eiloa ki se olaga fakamalie loto kae fakafiafia a te ‵viki atu ki a Ieova i aso takitasi!—Sal 61:8.

E ofo atu ne koe ki a ai ou taleni?

KE ONOONO KI TE VITIO FAKAAOGA OU TALENI MŌ IEOVA, KA OTI KO TALI AKA EI A FESILI KONEI MAI LALO:

  • Kaia e sē se faiga poto ke fakaaoga ou taleni ki te lalolagi a Satani? (1Io 2:17)

  • Ne a fakamanuiaga e maua ne tino kolā e tuku atu olotou toe mea ‵lei ki a Ieova?

  • Ne a feitu o te taviniga tapu e mafai o fakaaoga ne koe ki ei ou taleni mo tou atamai?