Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Oketopa 2017

 KE OLA E PELĀ ME NE KELISIANO

Ke Fai mo Tino Akoga Loto Finafinau o te Tusi Tapu

Ke Fai mo Tino Akoga Loto Finafinau o te Tusi Tapu

E mata, e manako koe o fakamaoni mai lalo i tulaga faiga‵ta e pelā mo Tanielu? Ne loto finafinau a Tanielu o sukesuke ki te Muna a te Atua, e aofia i ei a valoaga ‵loto. (Tan 9:2) E mafai o fesoasoani atu a sukesukega faka-te-Tusi Tapu ke tumau koe i te fakamaoni. E pefea la? E mafai o momea aka i ei tou fakatuanaki me ka taunu tonu eiloa a folafolaga a Ieova. (Iosu. 23:14) E mafai foki o fesoasoani atu ke momea aka tou alofa ki te Atua, telā ka fakamalosi aka ei koe ke fai te mea tonu. (Sal 97:10) Kae e ‵tau o kamata koe i fea? Mafaufau ki manatu konei mai lalo.

  • Ne a aku mea e ‵tau o sukesuke? A te polokalame ‵lei i te faiga o sukesukega e aofia i ei a te fakatoka mō fakatasiga a te fakapotopotoga. Ka aoga malosi atu a te faitauga ki te Tusi Tapu i te vaiaso māfai e fakaaoga ou taimi o sukesuke ki manatu kolā e se malamalama koe i ei. E se gata i ei, ne filifili ne nisi tino ke tauloto latou ki mea e uke atu e uiga ki valoaga i te Tusi Tapu, ko vaega kese‵kese o fuataga o te agaga tapu, ko malaga fakamisionale a te apositolo ko Paulo, io me ko mea ne faite ne Ieova. Kafai e maufaufau koe ki se fesili i te Tusi Tapu i te aso, ke tusi ki lalo kae ke fai pelā me se mataupu ke sukesuke ki ei i te suā taimi.

  • Tefea te koga e mafai o maua ei ne au a fakamatalaga? Onoono ki auala kese‵kese e mafai o filifili ki ei i te vitio ko te Research Tools for Discovering Spiritual Treasures. Ke tofotofo aka tou atamai, ke sukesuke a fakailoga o malo pule o te lalolagi kolā e fakaata mai ne manu fe‵kai i te Tanielu mataupu e 7.

  • E pefea te uke o taimi e ‵tau o fakaaoga ne au mō te faiga o sukesukega? A te faiga faeloa o sukesukega ko te kī ki te malosi ‵lei i te feitu faka-te-agaga. E mafai o kamata koe mai te faiga o sukesukega toe‵toe, māfai e manakogina, kae fakamuli ifo ko momea malie aka ei te leva. A te sukesuke ki te Muna a te Atua e pelā eiloa mo te keli ki koloa ‵funa; ko te uke o koloa e maua ne koe, ko te lasi o tou manakoga ke keli malosi! (Fat 2:3-6) Ka momea aka eiloa tou manako malosi ki te Muna a te Atua, kae ka fai eiloa a te sukesuke ki te Tusi Tapu e pelā me se polokalame tumau o au mea e fai.—1Pe 2:2.

NE A MEA E FAKAATA MAI I MANU FE‵KAI I TE TANIELU 7?

  • Tan 7:4

  • Tan 7:5

  • Tan 7:6

  • Tan 7:7

FESILI FAKAOPOOPO:

Ne fakataunu pefea a te Tanielu 7:8, 24?

SUĀ MATAUPU MŌ SUKESUKEGA:

Ne a mea e fakaata mai ne manu fe‵kai i te Fakaasiga 13?