Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Me 2016

 KE FAKAAOGA NE KOE I TE GALUEGA TALAI

E Fakaaoga ne Koe te JW Library?

E Fakaaoga ne Koe te JW Library?

A te JW Library se polokalame sē ‵togi (software application) telā e mafai o ‵kopi mai a Tusi Tapu mo nisi tusi, vitio, mo nisi polokalame fakalogo‵logo ki tau selefoni, tablet, io me ko te komupiuta.

TE AUALA KE MAUA MAI: Fano ki te itaneti, kae ‵kopi mai a te JW Library mai koga e ‵kopi mai a te polokalame ko te JW Library. E mafai o ‵kopi ki se selefoni io me se mea penā. Kae koi nofo atu koe i te itaneti, ‵tala te mea tenā, kae filifili te mea e manako koe ke ‵kopi ki tau selefoni io me se isi mea aka. Kafai e seai se itaneti i te fale, kāti e mafai ne koe o fai i so se koga e maua ei te itaneti. Kafai ko oti ne ‵kopi ne koe a tusi, ko se toe manakogina ei ke fakaaoga ne koe te itaneti. Ona ko te mea ko fakaopoopo atu faeloa a mea ‵fou ki te JW Library, e ‵tau o fakaaoga ne koe te itaneti i nisi taimi māfai ko isi ne mea ‵fou e ‵tau ‵kopi mai.

KAIA E ‵TAU EI O ‵KOPI MAI? E fakafaigofie aka ne te JW Library ke fai au sukesukega totino i ei kae ke fakaaoga foki i taimi o fakatasiga a te fakapotopotoga. E aoga foki i te galuega talai maise eiloa māfai ko talai atu i taimi seki fuafuagina.