Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Me 2016

 KE OLA E PELĀ ME NE KELISIANO

Auala ke Fakaaoga a te JW Library

Auala ke Fakaaoga a te JW Library

MŌ SUKESUKEGA:

  • Faitau te Tusi Tapu mo te tusi siki mō te aso

  • Faitau te Yearbook, mekesini, mo nisi tusi. Fakaaoga te fakailoga mō koga ne gata i ei

  • Fakatoka mō fakatasiga a te fakapotopotoga, kae fakamailoga a tali

  • Onoono ki vitio

I FAKATASIGA:

  • Ke onoono ki tusi siki kolā e fakasino atu ki ei a te failauga. Fakaaoga a te mea telā e mafai o foki atu koe ki se tusi siki

  • I lō te aumai o tusi kese‵kese ki te fakatasiga, fakaaoga tau selefoni io me se mea penā ke tautali atu ki tōfiga kese‵kese mo te usuatuga foki o pese. E maua foki i te JW Library a pese‵fou kolā e se maua i te tusi pese

I TE GALUEGA TALAI:

  • Fakaasi atu ki se tino fiafia se mea mai i te JW Library, kae fesoasoani atu ke ‵kopi mai ne ia te polokalame tenā mo tusi ki tena selefoni io me se mea penā

  • Fakaaoga a te koga ‵sala ke maua aka ei se tusi siki i te Tusi Tapu. Kafai e se sae mai a te fuaiupu i te New World Translation fou, ke fakaaoga te Reference Bible kae toe ‵sala atu ki ei

  • Fakaasi atu se vitio. Kafai e isi ne tama‵liki a te tino i te fale, e mafai o pei atu ne koe se vitio e tasi mai i vitio ko te Ke Fai mo Taugasoa o Ieova. Io me e mafai o fakaasi atu ne koe a te vitio ko te Kaia e ‵Tau ei o Sukesuke ki te Tusi Tapu? ke fakamalosi aka ei te fiafia ki se akoga faka-te-Tusi Tapu. Kafai e faipati se tino i te fale i se isi ‵gana, fakaasi atu se vitio i tena ‵gana

  • Fakaasi atu ki te tino se tusi siki i te suā ‵gana, mai te fakaaogaga o se ‵fuliga telā ko oti ne ‵kopi mai ne koe. Fano ki te tusi siki, ‵toko atu i te napa o te fuaiupu, ko ‵toko atu ei i te fakailoga o nisi ‵fuliga tai ‵pau