Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Iuni 2017

 KE OLA E PELĀ ME NE KELISIANO

E Pefea te Malosi o Tou Fakatuanaki ki Folafolaga a Ieova?

E Pefea te Malosi o Tou Fakatuanaki ki Folafolaga a Ieova?

Ne fakamautinoa mai ne Iosua mo Solomona me e seai eiloa se folafolaga e tasi a Ieova e seki fakataunu. (Ios 23:14; 1Tu 8:56) A te fakamaoniga a molimau konei e tokolua kolā e fakatalitonugina e fakaopoopo atu ki te fakavae ‵mautakitaki telā e ati aka i ei ‵tou fakatuanaki.2Ko 13:1; Tit 1:2.

Ne fakataunu pefea ne Ieova ana folafolaga i aso o Iosua? Ke onoono fakatasi mo tou kāiga ki te vitio ko te ‘E Seai Eiloa Sena Pati e Seki Fakataunu.’ Mafaufau ki fesili konei: (1) E fakaakoako atu pefea koe ki galuega o te fakatuanaki a Lahapa? (Epe 11:31; Ia 2:24-26) (2) E fakamaoni mai pefea ne te tala o Akana me i te sē fakalogo mo te iloa tonu e iku atu ki fakalavelave fakama‵taku? (3) Faitalia eiloa me i tāgata o Kipeona ne sotia taua, kaia ne fakaloiloi ne latou a Iosua kae fai se va filemu mo Isalaelu? (4) Ne fakataunu tonu mai pefea a pati a Ieova i te taimi ne fakamatakutaku atu ne tupu Amoli e tokolima a te kau Isalaelu? (Ios 10:5-14) (5) Ne fesoasoani atu pefea a Ieova i te taimi ne fakamuamua ei ne koe a te Malo o te Atua mo tena amiotonu i tou olaga?Mat 6:33.

I te taimi e mafau‵fau ei tatou ki mea ne fai ne Ieova, e fai ne ia, mo mea ka fai ne ia, ka gasolo aka o malosi ‵tou fakatuanaki ki ana folafolaga.Lo 8:31, 32.

E mata, e fakatuanaki koe e pelā mo Iosua?