Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Iuni 2017

 KE OLA E PELĀ ME NE KELISIANO

Fakama‵luga a Tulaga o Ieova i Mea Tau Amioga

Fakama‵luga a Tulaga o Ieova i Mea Tau Amioga

Ne tuku mai ne Ieova te Atua a tulaga i mea tau amioga ki tino. E pelā mo te fakatonu atu ne ia me i te avaga se fesokotakiga tumau o se tagata mo se fafine. (Mat 19:4-6, 9) E taku fakamasei ne ia so se faifaiga fakatauavaga sē ‵tau. (1Ko 6:9, 10) Ne tuku mai foki ne ia a akoakoga fakavae e uiga ki gatu mo teuga kolā e fai ei ke tu ‵kese ana tino.Teu 22:5; 1Ti 2:9, 10.

I te lalolagi i aso nei, e ‵teke atu a tino e tokouke ki tulaga o Ieova. (Lo 1:18-32) E talia ne latou a kilokiloga lauiloa ke fakafetaui ki ei olotou gatu mo teuga, mo olotou amioga. E fakaasi atu ne tino e tokouke olotou amioga matagā kae fakamasei ne latou a tino kolā e ‵kese olotou tulaga.1Pe 4:3, 4.

E pelā me ne Molimau a Ieova, e ‵tau o fakama‵luga ne tatou mo te loto ‵toa a tulaga o te Atua i mea tau amioga. (Lo 12:9) E pefea la? E ‵tau eiloa o fakaasi atu ne tatou mo te atamai a mea kolā e talia ne ia. Kae e ‵tau foki o fakatumau ne tatou a tulaga ma‵luga konā i ‵tou olaga. E pelā mo te filifiliga o gatu mo teuga, e ‵tau o fesili ifo tatou: ‘E mata, e fakaata atu i aku filifiliga a tulaga o Ieova io me ko te lalolagi? E mata, e e lavea atu i oku gatu mo teuga me i a au se Kelisiano telā e mataku ki te Atua?’ Io me kafai e filifili aka se polokalame io me se ata vitio ke onoono ki ei, e mafai o fesili ifo tatou: ‘E mata, ka talia ne te Atua te polokalame tenei? I oi a tulaga i mea tau amioga e fakamalosi aka i ei? E mata, ka fakavāivāi ne te filifiliga o fakafiafiaga a toku malosi ke ‵teke atu? (Sal 101:3) E mata, e mafai o fakavāivāi atu te mea tenā ki tino o te kāiga io me ko nisi tino?’1Ko 10:31-33.

Kaia e tāua ‵ki ei ke fakama‵luga ne tatou a tulaga o Ieova i mea tau amioga? Ko pili o fakaseai atu ne Keliso Iesu a atufenua mo mea ma‵sei katoa. (Esk 9:4-7) Ko latou fua kolā e fai ne latou te loto o te Atua ka tumau ki te se-gata-mai. (1Io 2:15-17) Ke na fai eiloa ne tatou ke manumalo a tulaga o Ieova i mea tau amioga ko te mea ke tavae atu ki te Atua a tino kolā e lavea ne latou ‵tou amioga ‵lei.—1Pe 2:11, 12.

Ne a mea e fakaasi mai i te filifiliga o oku gatu mo teuga e uiga ki oku tulaga i mea tau amioga?

ONOONO KI TE VITIO KE FAI MO TAUGASOA O IEOVA—TASI TAGATA, TASI TE FAFINE, KAE KA OTI KO MAFAU‵FAU EI KI FESILI KONEI:

  • Kaia e fai ei mo fai se mea poto a te ola e ‵tusa mo tulaga o Ieova?

  • Kaia e ‵tau ei o kamata o akoako atu ne mātua a tulaga o Ieova i mea tau amioga ki olotou tamaliki i te taimi koi fo‵liki ei latou?

  • E mafai pefea ne tamaliki mo tino ma‵tua o fesoasoani atu ki tino ke maua ne latou a mea aoga mai te ‵lei o te Atua?