Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Iuni 2017

 KE OLA E PELĀ ME NE KELISIANO

Ke Fiafia o Talai Atu te Tala ‵Lei

Ke Fiafia o Talai Atu te Tala ‵Lei

Kai lagona aka eiloa ne koe te faigata ke talai atu? E tokouke atu i a tatou kāti ne fai atu ao ki te fesili tenā. Kaia? Kāti e fe‵paki faeloa tatou mo te sē fia‵fia io me ko te kaitaua mai o tino i te ‵tou koga talai io me e ma‵taku tatou i te fai‵pati atu ki tino fakaa‵tea. E mautinoa eiloa me e mafai o fai ei ke gasolo ifo te ‵tou fia‵fia. Kae e tapuaki atu eiloa tatou ki te Atua fiafia telā e manako ke tavini atu tatou ki a ia mo te fiafia. (Sal 100:2; 1Ti 1:11) Ne a pogai e tolu e fia‵fia ei tatou o talai atu?

Muamua la, e folafola atu ne tatou se fekau o te fakamoemoega. E tiga eiloa e gasolo ki lalo a te fakamoemoega i te lalolagi i aso nei, e mafai o faka‵fonu ne tatou a loto o tino ki “se tala ‵lei.” (Isa 52:7) Kae e mafai foki o faka‵fonu tatou ki te fiafia ne te tala ‵lei o te Malo o te Atua. A koi tuai o olo atu tatou o talai, mafaufau ki fakamanuiaga ka aumai ne te Malo o te Atua ki te lalolagi.

A te lua, e maua ne tino mai te tala ‵lei e talai atu ne tatou a mea aoga i te feitu faka-te-foitino mo te feitu faka-te-agaga. E fakamasani latou ke tiaki a faifaiga fakalogo‵mae kae ke maua te fakamoemoega ki te ola se-gata-mai. (Isa 48:17, 18; Lo 1:16) E mafai o fakaataata i ‵tou mafaufau me e aofia tatou i se galuega ko te ‵salaga mo te faka‵saoga o se tino. E tiga eiloa e se ma‵nako a nisi tino ke faka‵sao latou, e tumau eiloa tatou i te ‵sala atu ki tino kolā e ma‵nako ki ei.Mat 10:11-14.

Ako te tolu mo te ‵toe mea tāua, e fakaaloalo atu ‵tou talaiga ki te Atua. E fakatāua malosi eiloa ne ia ‵tou galuega talai. (Isa 43:10; Epe 6:10) E se gata i ei, e tuku mai eiloa ne ia mo te kaimalie tena agaga tapu ke fakataunu te galuega tenei. Tela la, akai atu ki a Ieova ke maua ne tatou te fiafia, se fuataga o te agaga tapu. (Ka 5:22) Fakatasi mo tena fesoasoani, e mafai o manumalo tatou i mea e manava‵se ki ei kae talai atu mo te loto toa. (Ga 4:31) Kae faitalia a kilokiloga i te ‵tou koga talai, ka maua eiloa ne tatou a te fiafia i te ‵tou galuega ko te talai atu.Esk 3:3.

Se a te kilokiloga ki te galuega talai e manako koe ki ei? E fakaasi atu pefea ne koe a te fiafia?

ONOONO KI TE VITIO KO TE KE TOE MAUA TE FIAFIA E AUALA I SUKESUKEGA MO TE MAFAUFAU ‵LOTO KI EI, KAE KAFAI E OTI KO TALI MAI EI A FESILI KONEI:

  • Kaia e ‵tau ei o fakamuamua ne tatou a te auala masani e ‵kai ei tatou i te feitu faka-te-agaga, faitalia foki loa me e uke ‵ki a itula e fakamāumāu ne tatou i te galuega talai i masina takitasi?

  • E ‵tau o fakaakoako atu pefea tatou ki a Mary?

  • Ko te taimi fea e fakaavanoa ne koe ke mafaufau ‵loto ki te Muna a te Atua?

  • Se a te mea e fai ei ke fia‵fia tatou māfai ko talai atu te tala ‵lei?