Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Tusi mō Fakatasiga ko te `Tou Olaga Kelisiano–  |  Ianuali 2016

 KE OLA E PELĀ ME NE KELISIANO

‵Tou Tauliaga ke Faite Kae Tausi a Koga mō te Tapuakiga Tonu

‵Tou Tauliaga ke Faite Kae Tausi a Koga mō te Tapuakiga Tonu

A te faitega o te faletapu i Isalaelu, ne manakogina i ei a galuega e uke mo tupe. Kae ne ‵lago atu eiloa te kau Isalaelu ki te galuega mo te loto finafinau. (1No 29:2-9; 2No 6:7, 8) I te otiga ne faite te faletapu, a te tausi atu o te kau Isalaelu ki ei, ne fakaata faka‵lei mai i ei te lotou malosi io me ko te lotou vāi‵vai i te feitu faka-te-agaga. (2Tu 22:3-6; 2No 28:24; 29:3) I aso nei, e fakaaoga eiloa ne Kelisiano a taimi mo taumafaiga e uke i te faitega, ‵fuluga, mo te tausiga o Fale Tapuaki mo Fale Fai Fono. Kae ko te ga‵lue fakatasi mo Ieova i te feitu tenei se tauliaga sili kae se vaega foki o te ‵tou taviniga tapu.—Sal 127:1; Fak 7:15.

E MAFAI O FAI ‵TOU TUSAGA MAI TE . . .

  • ‵Teuga mai tua o fakatasiga katoa. Kafai e faigata ki a koe, taumafai fua ke ‵ma te kogā koga e sagasaga i ei koe.

  • ‵Fuluga mo te faitega o te Fale Tapuaki. Ko te uke o lima ko te faigofie o te galuega kae fakafiafia.—lv 105 ¶18.

  • ‵Lago atu i mea tau tupe. Kafai foki e tuku atu fua ne koe a “tupe fo‵liki e lua” mo te loto kātoa, e fakafiafia atu eiloa ki a Ieova.—Mal 12:41-44.

  • Fesoasoani i te faitega mo te fakafouga o fale mō te galuega a te Atua māfai e mafai. E se manakogina ke maua ne koe se atamai i galuega fakatū‵tu ko te mea ke mafai o kau atu ki ei.