Fanatu ki te fakasologa

Fanatu ki te fakasologa o mataupu

 KE OLA E PELĀ ME NE KELISIANO

E Mata, e Maua ne Koe a Mea Aoga Mai te Suke‵suke ki te Tusi Tapu i Aso Katoa?

E Mata, e Maua ne Koe a Mea Aoga Mai te Suke‵suke ki te Tusi Tapu i Aso Katoa?

E mata, e aofia i au polokalame faka-te-agaga a te faitau ki te tusi siki o te aso mo fakamatalaga mai te tusi ko te Ke Suke‵suke ki te Tusi Tapu i Aso Katoa? Kafai e se penā loa, e mata, e mafai o fai pelā me se vaega o tou olaga? E tokouke e fai‵tau ki te tusi siki mō te aso i taeao kātoa, ko te mea ke mafai ei ne latou o mafau‵fau ki ei i te taimi e fai ei olotou galuega i te aso kātoa. (Ios 1:8; Sal 119:97) E mafai pefea o maua ne koe a mea aoga e uke mai te tusi siki o te aso i te Tusi Tapu? Ke faitau te fakamatalaga kātoa o te tusi faitau tenā mo mea kolā ne ‵tupu. Kae mafaufau ki ki se tala i te Tusi Tapu telā e fakaasi mai i ei a te fakatakitakiga fakavae telā e maua ne koe mai te tusi faitau telā ne faitau ne koe. Ka oti, ko fakagalue ei ne koe a te Muna a te Atua i tou olaga. Kafai a te Muna a te Atua e fesoasoani ki tou olaga, ka takitaki ne ia koe kae ka aoga ‵ki ki a koe.—Sal 119:105.

A kāiga Peteli i te lalolagi kātoa e Suke‵suke ki te Tusi Tapu i Aso Katoa i taimi inu ti i taeao. I tausaga fakamuli nei, e uke a sau‵talaga penei ko oti ne aofia i te Leo Fakasalalau o te JW ® mai lalo o te vaega POLOKALAME MO MEA ‵TUPU. Se a te toe taimi fakamuli ne onoono koe ki se polokalame e tasi io me uke atu? Kāti a nisi mataupu e fetaui tonu loa mo koe. E pelā me se fakaakoakoga, e mafai pefea o fesoasoani atu a te tala o Lota ki au fakaikuga fai?

KE ONOONO KI TE VITIO SA FIAFAI KI TE LALOLAGI (1 IOA. 2:15), KA OTI KO TALI AKA EI A FESILI KONEI MAI LALO:

  • Se a te fakatakitakiga fakavae i te Tusi Tapu ne fakavae ki ei a te sau‵talaga i te Tapuakiga i Taeao tenei?

  • I te auala fea e fakaasi mai ei i te tala o Lota a te fakamataku o te fiafai ki te lalolagi io me ko mea o te lalolagi tenei?—Ken 13:12; 14:12; 19:3, 12, 13, 24-26

  • E mafai pefea o fakaasi atu ne tatou me e a‵lofa tatou ki a Ieova kae e se ko te lalolagi io me ko mea i ei?

E mafai pefea o fakaasi atu ne au i te aso kātoa me e fakatāua ne au te Muna a Ieova?